قر پرەمەر-مينيسترٸ اسقار مامين قازاق تٸلٸ ەلٸپبيٸن لاتىن گرافيكاسىنا كٶشٸرۋ جٶنٸندەگٸ ۇلتتىق كوميسسييا وتىرىسىن ٶتكٸزدٸ, دەپ حابارلايدى "ۇلت اقپارات" ٷكٸمەتتٸڭ باسپاسٶز قىزمەتٸنە سٸلتەمە جاساپ.
لاتىن گرافيكاسىنا نەگٸزدەلگەن قازاق تٸلٸ ەلٸپبيٸن جەتٸلدٸرۋ بويىنشا اتقارىلعان جۇمىستار تۋرالى مەدەنيەت جەنە سپورت مينيسترٸ اقتوتى رايىمقۇلوۆا مەن ا. بايتۇرسىنوۆ اتىنداعى تٸل بٸلٸمٸ ينستيتۋتىنىڭ ديرەكتورى انار فازىلجانوۆا, قازاق تٸلٸ ەرٸپتەرٸنٸڭ پەرنەتاقتادا ورنالاسۋ تەرتٸبٸنٸڭ جوباسى تۋرالى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين, لاتىن قارپٸنە نەگٸزدەلگەن ەلٸپبيگە كٶشۋ جٶنٸندەگٸ الداعى جۇمىستار تۋرالى بٸلٸم جەنە عىلىم مينيسترٸ اسحات ايماعامبەتوۆ باياندادى. سونداي-اق قر ۇلتتىق عىلىم اكادەميياسىنىڭ اكادەميگٸ, فيلولوگييا عىلىمدارىنىڭ دوكتورى, پروفەسسور زەينەپ بازارباەۆا, قر پارلامەنتٸ مەجٸلٸسٸنٸڭ دەپۋتاتى ساۋىتبەك ەبدٸراحمانوۆ, قر پارلامەنتٸ سەناتىنىڭ دەپۋتاتى مۇرات باقتييارۇلى, ل. گۋميلەۆ اتىنداعى ەۇۋ رەكتورى ەرلان سىدىقوۆ, تاريح عىلىمدارىنىڭ دوكتورى, پروفەسسور حانگەلدٸ ەبجانوۆ, قر پرەمەر-مينيسترٸنٸڭ ورىنباسارى ەرالى توعجانوۆ تٷسٸنٸكتەمە بەردٸ.
قر تۇڭعىش پرەزيدەنتٸ – ەلباسى نۇرسۇلتان نازارباەۆتىڭ باستاماسىمەن 2017 جىلى قازاق تٸلٸ ەلٸپبيٸن لاتىن گرافيكاسىنا كٶشٸرۋ جۇمىستارى باستالدى. مەملەكەت باسشىسى قاسىم-جومارت توقاەۆتىڭ 2019 جىلعى 21 قازانداعى لاتىن گرافيكاسى نەگٸزٸندە قازاق تٸلٸ ەلٸپبيٸن جەتٸلدٸرۋ جٶنٸندەگٸ تاپسىرماسىن ورىنداۋ اياسىندا ەلٸپبيدٸڭ 40-تان استام نۇسقاسى, سونداي-اق قازاق تٸلٸنٸڭ ەملە ەرەجەلەرٸنٸڭ جوبالارى مەن پەرنەتاقتاداعى ەرٸپتەردٸڭ ورنالاسۋ تەرتٸبٸ قارالدى.
بٸلٸم بەرۋ مەكەمەلەرٸندە جەتٸلدٸرٸلگەن ەلٸپبي بەلگٸلەرٸن جازۋ جەنە وقۋ بويىنشا ساۋالناما جٷرگٸزٸلدٸ. قوعامدىق پٸكٸردٸ ەسكەرۋ ماقساتىندا اشىق تالقىلاۋلار ۇيىمداستىرىلدى. جەتٸلدٸرٸلگەن ەلٸپبيدە ەرٸپ سانى – 31, ەلٸپبي تەك لاتىن ەلٸپبيٸ بازالىق جٷيەسٸ تاڭبالارىنان قۇرالعان. بۇل ەلٸپبيدە قازاق تٸلٸنٸڭ 28 دىبىسى تولىق قامتىلعان. قازٸرگٸ ە(ä), ٶ(ö), ٷ(ü), ۇ(ū) جەنە ع(ğ), ش(ş) قازاق ەرٸپتەرٸ دياكريتيكالىق تاڭبالارمەن بەرٸلگەن.
ەلٸپبيدە حالىقارالىق تەجٸريبەدە قولدانىستا بار ۋملياۋت ( ̈ ), ماكرون ( ˉ ), سەديل ( ̧), برەۆيس ( ̌ ) دياكريتيكالىق تاڭبالارى قولدانىلعان. ەلٸپبي قازاق تٸلٸنٸڭ جازۋ دەستٷرٸندە ورنىققان «بٸر دىبىس – بٸر ەرٸپ» پرينتسيپٸنە تولىق سەيكەس كەلەدٸ. جاڭا ەلٸپبيگە كەزەڭ-كەزەڭٸمەن كٶشۋ 2023 جىلدان باستاپ 2031 جىل ارالىعىندا جوسپارلانىپ وتىر.
«جەتٸلدٸرٸلگەن ەلٸپبي نۇسقاسى قازاق تٸلٸنٸڭ دامۋىنا جاڭا سەرپٸن بەرٸپ, ونىڭ زاماناۋي ٷردٸستەرگە ساي جاڭعىرۋىنا ىقپال ەتەدٸ. الداعى ۋاقىتتا قازاق تٸلٸن لاتىن گرافيكالى ەلٸپبيگە كەزەڭ-كەزەڭٸمەن كٶشٸرۋ باعىتىندا قارقىندى جۇمىس جٷرگٸزۋ كەرەك», — دەدٸ ا. مامين.
ٷكٸمەت باسشىسى لاتىن گرافيكاسى نەگٸزٸندەگٸ قازاق تٸلٸ ەلٸپبيٸن جەتٸلدٸرۋ بويىنشا حالىق اراسىندا كەڭ اۋقىمدى اقپاراتتىق-تٷسٸندٸرۋ جۇمىستارىن جٷرگٸزۋدٸ تاپسىردى.
