جاقىندا عانا «مەرەيلi وتباسى» رەسپۋبليكالىق كونكۋرسىنىڭ جەڭٸمپازدارى انىقتالدى.
وسىمەن بەسٸنشٸ جىل قاتارىنان ۇيىمداستىرىلعان سايىسقا ەلٸمٸزدٸڭ ەر ٶڭٸرٸنەن 3 مىڭعا جۋىق وتباسى قاتىسىپ, باق سىنادى. ولاردىڭ 16-سى عانا اقتىق سىنعا جولداما الىپ, جارىستىڭ باس جٷلدەسٸن قانجىعالاۋعا تىرىستى. ٷمٸتكەرلەرگە حالىق عالامتور ارقىلى داۋىس بەرٸپ, ٷزدٸگٸن تاڭدادى. سايىس قورىتىندىسى بويىنشا نييازقۇلوۆتار ەۋلەتٸ ٶزگەلەردەن وزىق شىقتى.
ەلباسىنىڭ باستاماسىمەن 2014 جىلدان باستاپ قوعام نازارىن وتباسىلىق قۇندىلىقتاردى ساقتاۋعا اۋدارۋ ەرٸ ونى دەرٸپتەۋ ماقساتىندا «مەرەيلٸ وتباسى» ۇلتتىق كونكۋرسى ٶتكٸزٸلٸپ كەلەدٸ. بۇل ەلٸمٸزدە مەملەكەتتٸك دەڭگەيدە وتباسى, جانۇيا ۇعىمدارىنا كٶرسەتٸلەتٸن زور قۇرمەتتٸ پاش ەتەدٸ جەنە وعان ەرەكشە نازار بٶلٸنەتٸنٸن ايقىندايدى.
بيىل «مەرەيلٸ وتباسى» ۇلتتىق بايقاۋىنا قىزىلوردا وبلىسىنان 361 وتباسى قاتىستى. ەربٸر وتباسى كٶپكە ٷلگٸ بولعان ەلگە سىيلى ەۋلەتتەر. ايماقتىق كەزەڭنٸڭ اقتىق سىنىنا جولداما العان 12 وتباسىنىڭ بارلىعى سىي-قۇرمەتكە بٶلەنگەن ەدٸ. بيىلعى جىلى العاش رەت استانا قالاسىنىڭ 20 جىلدىعىنا جەنە "مەرەيلٸ وتباسى" ۇلتتىق رەسپۋبليكالىق كونكۋرسىنا 5 جىل تولۋىنا وراي ەلباسىنىڭ باستاماسىمەن گران-پريدەن بولەك 2 وتباسىنا ديپلومانت اتاعى بەرٸلدٸ. سونىڭ بٸرٸ قىزىلوردا وبلىسىنان يشانقۇلوۆتار وتباسى "مەرەيلٸ وتباسى" رەسپۋبليكالىق كونكۋرسىنىڭ ديپلومانتى اتاندى. ەكٸنشٸ وتباسى اقتٶبەلٸك ايتباەۆتار وتباسى.
ۇرپاعىمەن كٶكتەپ-كٶگەرٸپ وتىرعان يشانقۇلوۆتار وسىناۋ ايماقتىق سىننان سٷرٸنبەي ٶتٸپ, جەڭٸس تۇعىرىنان كٶرٸندٸ. تىلدا تالماي ەڭبەكتەنە جٷرٸپ مال شارۋاشىلىعىندا 36 جىل تەر تٶككەن وتاعاسى ەرعالي يشانقۇل 81 جاستا بولسا, وتاناسى باحيرا كاماردينقىزى 80 جاستاعى زەينەتكەر. ەرٸنٸڭ بٸر جاعىندا تۇرمىس تاۋقىمەتٸن بٶلٸسە جٷرٸپ 14 بالانى ٶمٸرگە ەكەلٸپ, «التىن القا», «كٷمٸس القا» يەگەرٸ بولا بٸلدٸ. «ٷلگٸلٸ وتباسى – قوعام نەگٸزٸ» ۇستانىمىنداعى جاندار 62 جىلدان بەرٸ تاتۋلىق ۋىزىنا ۇيىپ, ٷلگٸلٸ ٶمٸر سٷرٸپ كەلەدٸ. بٷگٸندە, وسىناۋ مەۋەلٸ بەيتەرەكتٸڭ ساياسىندا 52 نەمەرە, 25 شٶبەرە جەنە 1 شٶپشەك بار. ەرعالي يشانقۇلوۆ ۇزاق ۋاقىت اگرو-ٶنەركەسٸپ سالاسىندا قىزمەت ەتكەن, بالالارىنىڭ كٶبٸ دە وسى دا سالادا جۇمىس جاساپ جٷر. يشانقۇلوۆتار ەۋلەتٸنٸڭ بالالارى اتاكەسٸپتٸ جالعاستىرىپ, مال شارۋاشىلىعىمەن اينالىسىپ كەلەدٸ. وتباسىنىڭ ۇستانىمى: «ٷلگٸلٸ وتباسى – قوعام نەگٸزٸ». ديپلومانت اتانعان وتباسىعا ميكرواۆتوبۋستىڭ كٸلتٸ تابىس ەتٸلدٸ.
