قىزىلوردا وبلىسى جاڭاقورعان اۋدانىندا جىلقىلاردىڭ قىرىلۋىنا بايلانىستى تيٸستٸ سالا ماماندارى تٷسٸنٸك بەردٸ, دەپ حابارلايدى "ۇلت اقپارات".
اتالعان دەرەك العاش 14 تامىزدا تٸركەلگەن. ودان كەيٸن اۋدانداعى بايكەنجە, قوجاكەنت, ٶزگەنت, ماشبەك نەلٸباەۆ اۋىلدارىندا جىلقى مالى بەلگٸسٸز سەبەپتەرمەن اۋىرعان. ولاردىڭ كەيبٸرٸ ٶلٸم-جٸتٸمگە ۇشىراعان.
«جەرگٸلٸكتٸ ۆەتەرينارييالىق دەرٸگەرلەر اۋرۋ وشاعىندا بولدى. اۋىرىپ تۇرعان جىلقىلاردىڭ كلينيكالىق بەلگٸلەرٸ ناقتىلاندى. ٶلگەن جىلقىلاردىڭ باسىن تەكسەرگەندە گاستروفيلەز قۇرتتارى بار ەكەندٸگٸ بەلگٸلٸ بولدى. كەيبٸر باق-دا ايتىلعان 200 باس جىلقىنىڭ ٶلگەندٸگٸ انىقتالعان جوق. جالپى, اۋداندا 94 باس جىلقى اتالعان اۋرۋعا شالدىققان. جەرگٸلٸكتٸ ۆەتەرينارييالىق دەرٸگەرلەر 29 جىلقىنىڭ ٶلگەنٸن ناقتىلادى. قالعانىن ۆەتەرينار دەرٸگەرلەر ەمدەپ جازىپ شىقتى», - دەدٸ وبلىستىق ۆەتەرينارييا باسقارماسىنىڭ باسشىسى ەرسۇلتان ەپەتوۆ.
ونىڭ ايتۋىنشا, بۇل پارازيتارلىق اۋرۋلارعا جاتادى. وعان قارسى ٸس-شارالار مال يەسٸنٸڭ ٶز قاراجاتى ەسەبٸنەن جٷرگٸزٸلۋٸ تيٸس.
«جىلقى گاستروفيلەزٸ اۋرۋ قر اۋىل شارۋاشىلىعى مينيسترٸنٸڭ 2014 جىلعى 30 قازانداعى بۇيرىعىمەن بەكٸتٸلگەن «جانۋارلاردىڭ جەنە ادامنىڭ دەنساۋلىعىنا قاۋٸپ تٶندٸرەتٸن جانۋارلاردى, جانۋارلارلان الىناتىن ٶنٸمدەر مەن شيكٸزاتتى مٸندەتتٸ تٷردە الىپ قويۋ جەنە جويۋ جٷرگٸزٸلەتٸن كەزدەگٸ جانۋارلاردىڭ اسا قاۋٸپتٸ اۋرۋلار تٸزبەسٸنە» ەنگٸزٸلمەگەن. سوندىقتان مال يەلەرٸنە ٶتەماقى قاراستىرىلمايدى. تاعى بٸر ايتا كەتەرلٸگٸ, مال يەلەرٸ جىلقىسى اۋىرىپ تۇرعاندىعى جٶنٸندە ۆەتەرينارييالىق دەرٸگەرلەرگە ۋاقىتىلى حابارلاماعان. بۇل اۋرۋ بٶگەلەك قۇرتتارىنان پايدا بولادى. سوندىقتان ونىڭ الدىن الۋ شارالارى جٷرگٸزٸلۋٸ تيٸس. ولاي بولماعان جاعدايدا بٶگەلەك قۇرتتارى جىلقى اعزاسىندا ەرەسەك قۇرتتارعا اينالادى. ەمدٸك شارالاردى جٷرگٸزۋ تيٸمسٸز بولادى. ونىڭ سوڭى ٶلٸم-جٸتٸمگە سوقتىرادى», - دەدٸ ە.ەپەتوۆ.
