قىزىلوردادا جاس جٸگٸت كەرٸز قۇدىعىنا قۇلاپ كەتكەن سەبيدٸ الىپ شىقتى, - دەپ حابارلايدى Tengrinews.kz.
كۋەگەرلەردٸڭ ايتۋىنشا, وقيعا وبلىس ورتالىعىنداعى سۋپەرماركەت ماڭىندا بولعان.
"شامامەن 2-3 جاسار بالا تٶرت مەتردەي تەرەڭدٸكتەگٸ كەرٸز قۇدىعىنا قۇلاپ كەتكەن. ونىڭ ارتىنان بەلگٸسٸز جاسٶسپٸرٸم شۇڭقىرعا سەكٸرٸپ, سەبيدٸ الىپ شىقتى", - دەيدٸ وقيعا كۋەگەرلەرٸ.
قۇلاعان بالا مەن جاسٶسپٸرٸم امان-ەسەن. جەدەل جەردەم قىزمەتٸ قىزمەتكەرلەرٸنٸڭ ايتۋىنشا, سەبيدٸڭ اتا-اناسى ولاردان كٶمەك سۇراماعان. بۇل فاكت تجد-دا دا تٸركەلمەگەن. جاسٶسپٸرٸم كٸم ەكەنٸ دە انىقتالعان جوق.
"قىزىلوردا سۋ جٷيەسٸ" مكك ماماندارى قۇدىق جابىلعانىن ايتتى.
"بٸزدٸڭ ماماندار وقيعا بولعان اۋداندا Kaspi bank عيماراتىنا كەلگەن اۋىر كٶلٸكتەر كەرٸز قاقپاعىن جىلجىتىپ كەتكەنٸن انىقتادى. قىزمەتكەرلەر تيٸستٸ جۇمىستاردى جٷرگٸزٸپ, قاقپاقتى دەنەكەرلەدٸ", - دەيدٸ كەسٸپورىن ٶكٸلدەرٸ.
