18 اقپانعا قاراعان تٷنٸ قىزىلوردا قالاسى ەل-فارابي شاعىن اۋدانىنداعى ۋاقىتشا باسپانادان ٶرت شىعىپ, بەسٸكتەگٸ سەبي قايتىس بولدى. ٷي ٸشٸندە سەبيمەن بٸرگە ونىڭ تٶرت ەپكەسٸ جەنە اناسى بولعان. ولار ٷيدەن شىعىپ ٷلگەرگەن. بۇل وقيعانى قىزىلوردا وبلىستىق تٶتەنشە جاعدايلار دەپارتامەنتٸ ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸنٸڭ باسپاسٶز حاتشىسى ەلييا ەرەجەپوۆا راستادى, دەپ حابارلايدى ازاتتىق.
– ۋاقىتشا تۇرعىن ٷيدەن 00:50 مينۋتتا ٶرت سٶندٸرۋ قىزمەتٸنە شاقىرتۋ تٷسكەن. بٸزدٸڭ قىزمەتكەرلەر باسىنا بارعان كەزدە ٷي تولىعىمەن جانىپ جاتقان. ٷي ٸشٸنەن 2020 جىلى تۋعان سەبيدٸڭ بەسٸكتە جاتقان كٷيٸ ٶلٸ دەنەسٸن تاپقان. ٷيدە ودان بٶلەك تٶرت قىز بالا جەنە اناسى بولعان. ەكەسٸ جول جٷرٸپ كەتكەن. اناسى تٶرتەۋٸن قۇتقارىپ ٷلگەرگەن عوي. شاماسى ۇيىقتاپ جاتقان بولۋ كەرەك, – دەدٸ ەرەجەپوۆا.
ەلييا ەرەجەپوۆانىڭ سٶزٸنشە, بالالاردىڭ اناسىن ٷش پايىز كٷيٸك شالعان, 2018 جىلى تۋعان قىز بالانىڭ بٸر پايىزى كٷيٸك شالعانى انىقتالعان. قالعان ٷش بالا امان. ٶرتتٸڭ شىعۋ سەبەبٸ انىقتالىپ جاتىر.
باسپاسٶز حاتشىسىنىڭ ايتۋىنشا, ەزٸرگە بەلگٸلٸ اقپارات بويىنشا بەس بالانىڭ بەسەۋٸ دە - قىز. بٸراق بۇل اقپارات ناقتىلاۋدى قاجەت ەتەدٸ دەيدٸ ول.
ەلەۋمەتتٸك جەلٸدە ٶرت سٶندٸرۋ قىزمەتكەرٸنٸڭ وقيعا ورنىنان تٷسٸرٸلگەن بايانداماسى تارادى. وندا قىزمەتكەر وقيعا ورنىنا 00:59 ۋاقىتتا كەلگەنٸن, 01:23 ۋاقىتىندا ٶرتتٸڭ سٶندٸرٸلگەنٸن, ٷيدٸڭ 11 شارشى مەتر ەكەنٸ ايتىلادى.
«ٶرت ورنىنا وبلىستىق تٶتەنشە جاعدايلار دەپارتامەنتٸنەن 4 تەحنيكامەن 16 قىزمەتكەر باردى. جالىنعا ورانعان ٷي ٸشٸنەن ەيەل مەن تٶرت قىزى شىعىپ ٷلگەرگەن. جالىن 01.23-تە تولىعىمەن سٶندٸرٸلدٸ. ٷيدەن 2019 جىلى دٷنيەگە كەلگەن شارانانىڭ مەيٸتٸ تابىلدى. ٶرتتٸڭ شىعۋ سەبەبٸ تەكسەرٸلٸپ جاتىر», - دەپ مەلٸمدەدٸ قىزىلوردا وبلىستىق تٶتەنشە جاعدايلار دەپارتامەنتٸ ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸ.
قازاقستاندا ۋاقىتشا باسپانالاردىڭ ٶرتكە ورانۋى جيٸ بولادى. 2019 جىلى 4 اقپانعا قاراعان تٷنٸ استانا قالاسىنىڭ (قازٸرگٸ نۇر-سۇلتان) شەتٸندەگٸ كٶكتال-1 ەلدٸمەكەنٸندەگٸ شاعىن ٷيدەن ٶرت شىعىپ, بٸر ٷيدٸڭ بەس قىزى قازاعا ۇشىرادى. وسى وقيعادان كەيٸن ەلدە كٶپ بالالى ەيەلدەردٸڭ نارازىلىعى كٷشەيدٸ. ولار ەلەۋمەتتٸك كٶمەكتٸ كٷشەيتۋدٸ, تۇرعىن-ٷي مەسەلەسٸن شەشۋدٸ تالاپ ەتتٸ.
ەسكەرتۋ: قىزىلجارما شاعىن اۋدانى ەل-فارابي مٶلتەك اۋدانى بولىپ ٶزگەرتٸلدٸ. تٶتەنشە جاعدايلار دەپارتامەنتٸ تاراتقان اقپاراتتا شاعىن اۋدان اتى "قىزىلجارما" دەپ اتالعان. وقيعا ورنىنا بارعان تٸلشٸ ٷيدٸڭ ەل-فارابي مٶلتەك اۋدانىنا قارايتىنىن ايتتى.
