ادام قۇقىقتارى جٶنٸندەگٸ ۋەكٸل ەلۆيرا ەزٸموۆا قىزىلوردا وبلىسىنداعى قاماۋدا بولعان انالاردىڭ جاعدايى تۋرالى مەلٸمەت بەردٸ, دەپ حابارلايدى قازاقپارات.
«جاپپاي تەرتٸپسٸزدٸكتەرگە دەيٸن بەيبٸت ميتينگٸلەردٸڭ بولعانى تۋرالى مەملەكەتتٸك دەڭگەيدە تانىلعان فاكتٸنٸ ەسكەرە وتىرىپ, بارلىق پروتسەستٸك تالقىلاۋلاردى تولىقتىرۋ كەرەك. وسىعان بايلانىستى باس پروكۋراتۋراعا جەرگٸلٸكتٸ اۋماقتارداعى ارنايى جەنە تەرگەۋ پروكۋرورلارىنا, ەسٸرەسە اتىراۋ, شىعىس قازاقستان, قىزىلوردا جەنە اقمولا وبلىستارىنا قاتىستى تيٸستٸ شارالار قابىلداۋدى تاپسىرۋدى سۇرايمىن. پروكۋرورلار تەكسەرۋدٸ كٷشەيتۋ تۋرالى تالاپ تەرگەۋ مەن قاماۋعا الىنعانداردىڭ مەديتسيناعا قولجەتٸمدٸلٸگٸنە دە قاتىستى», - دەدٸ ول «حابار-24» تەلەارناسىندا ٶتكەن بريفينگٸدە.
ونىڭ ايتۋىنا قاراعاندا, بىلتىر بۇل مەسەلەنٸ شەشۋگە ٷلكەن قادام جاسالىپ, جىل سوڭىندا مەديتسينالىق قامتاماسىز ەتۋ مەسەلەسٸ ٸشكٸ ٸستەر مينيسترلٸگٸنەن ازاماتتىق دەنساۋلىق ساقتاۋ مينيسترلٸگٸنٸڭ قۇزىرىنا بەرٸلگەن بولاتىن.
«بٸراق زاڭ تولىق ٸسكە اسۋى ٷشٸن جارتى جىل ٶتۋ كەرەك. جارتى جىلدىڭ ٸشٸندە بٸراز شارالار جاسالۋ كەرەك. بارلىق قاماۋداعى ازاماتتار ەمدەلۋگە قول جەتكٸزۋٸ تيٸس. بۇل تەك قانا ۇلتتىق زاڭنامانىڭ تالابى ەمەس. سونىمەن بٸرگە بۇۇ تالابى», - دەگەن ەلۆيرا ەزٸموۆا ەسٸرەسە, جاراقات العان, سوزىلمالى اۋرۋى بار ادامدار مەن جاس بالالارى بار ەيەلدەرگە قاتىستى بۇلتارتپاۋ شارالارىن جەڭٸلدەتۋ كەرەك دەپ ەسەپتەيتٸنٸن جەتكٸزدٸ.
«مىسالى, قىزىلوردا قالاسىنىڭ تەرگەۋ يزولياتورىندا ەكٸ ەيەل بولعان. ولاردىڭ بٸرەۋٸ بالا ەمٸزۋ كەزەڭٸندە, ەكٸنشٸسٸ 4 جاستاعى بالاسى بولعان. بٸزدٸڭ ٶتٸنٸشٸمٸزگە سٷيەنٸپ, پروكۋراتۋرا بۇلتارتپاۋ شاراسىن ٶزگەرتتٸ. اتالعان ەيەلدەر قازٸرگٸ ۋاقىتتا ٷيٸندە, بالالارىنىڭ قاسىندا. وسىعان بايلانىستى مەن قازٸر بٸراز قوعامدىق ۇيىمدارمەن بٸرگە جۇمىس ٸستەپ جاتىرمىن», - دەگەن ەلۆيرا ەزٸموۆا اتالمىش ۇيىم ٶكٸلدەرٸنە العىس بٸلدٸردٸ.
