قىزىلوردا وبلىسىندا بيىل 4 ادام كونگو-قىرىم گەمورراگييالىق قىزباسىنان قايتىس بولدى, دەپ حابارلايدى قازاقپارات.
ٶڭٸردە كونگو-قىرىم گەمورراگييالىق قىزباسىنىڭ ەپيدەميولوگييالىق احۋالى ٶرشٸپ تۇر. وبلىس بويىنشا 33 ناۋقاس تٸركەلٸپ, ونىڭ 14-ٸ ناقتىلانعان. ٶكٸنٸشكە قاراي 4 ادام كونگو-قىرىم گەمورراگييالىق قىزباسىنان كٶز جۇمدى. قايتىس بولعان ناۋقاستار – قىزىلوردا قالاسى, جالاعاش, شيەلٸ اۋداندارىنىڭ تۇرعىندارى.
«قازٸرگٸ تاڭدا كونگو-قىرىم گەمورراگييالىق قىزباسىمەن اۋىرىپ, 1 ناۋقاس ەم الۋدا. تيٸستٸ مەديتسينالىق ەم شارالارى قولدانىلعان 9 ناۋقاس قاناعاتتانارلىق جاعدايدا ٷيلەرٸنە شىعارىلدى. كونگو-قىرىم گەمورراگييالىق قىزباسىن بولدىرماۋ, الدىن الۋ شارالارى دا كٶپتەپ جٷرگٸزٸلۋدە», – دەدٸ وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى جانگەلدٸ مىرزاگەلدٸۇلى.
بىلتىر كەنە شاعۋدىڭ 238 جاعدايى انىقتالسا, بيىل 601 دەرەگٸ تٸركەلگەن. سونىمەن قاتار كەنەلەردٸڭ اراسىندا اۋرۋ قوزدىرعىشىنىڭ انىقتالۋى دا ٶتكەن جىلعىدان جوعارى.
بىلتىر وبلىس بويىنشا 113 ەلدٸ مەكەن قولايسىز ايماقتار قاتارىندا ەسەپتەلسە, بيىل ولاردىڭ سانى 116-عا جەتتٸ.
«بيىل كونگو-قىرىم گەمورراگييالىق قىزباسىنىڭ جاڭا ميكرووشاقتارىن انىقتاۋ ماقساتىندا 40 075 دانا كەنە جينالىپ زەرتتەلدٸ. ونىڭ ٸشٸندە 5174-ٸ – ەلدٸ مەكەندەردەن, 16 765-ٸ – جانۋارلاردان, 17637-سٸ – تابيعاتتان, 496-سى اۋرۋ وشاقتارىنان جينالعان. بارلىعى 4527 سىناما زەرتتەلٸپ, 127-سٸنەن وڭ نەتيجە انىقتالعان. وبلىس بويىنشا مەديتسينالىق مەكەمەلەردە كقگق-مەن اۋىراتىن ناۋقاستاردى ەمدەۋ ٷشٸن ۆيرۋسقا قارسى پرەپاراتتار, يممۋندالعان پلازما جەنە ت.ب. قاجەتتٸ دەرٸ-دەرمەكتەر مەن قورعانىس قۇرال-جابدىقتار قورى جەتكٸلٸكتٸ مٶلشەردە بار», – دەدٸ وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى ەلييا ەبدٸقايىموۆا.
ايتا كەتەيٸك, ەپيدماۋسىمنىڭ باستالۋىنا وراي قولايسىز ەلدٸ مەكەندەردە اسا قاۋٸپتٸ جۇقپالى اۋرۋعا قارسى پروفيلاكتيكالىق شارالار بەلسەندٸ جٷرٸپ جاتىر.
