قىزىلوردا وبلىسى اۋماعىندا سەگٸز ادامنىڭ ٶمٸرٸن قيعان «قىزىلوردا-قۇمكٶل» جولىنداعى اۆتوبۋس اپاتىنا بايلانىستى تيٸستٸ سالا باسشىلارى وقيعانىڭ بارىسىن بايانداپ بەردٸ, دەپ حابارلايدى قازاقپارات.
«قۇتقارۋشىلار وقيعا ورنىنا جەتە سالىسىمەن جول اپاتىنا ۇشىراعان ازاماتتاردى قۇتقارۋ شارالارىنا كٸرٸسٸپ كەتتٸ. دەگەنمەن, 6.40-تا ٷش ادامنىڭ مەيٸتٸ تابىلدى. ارادا 15 مينۋت ٶتكەندە تاعى بٸر ادامنىڭ جانسىز دەنەسٸ سىرتقا شىعارىلدى. ال 7.15-تە قۇتقارۋشىلار ەكٸ ادامنىڭ مەيٸتٸن تاپتى. قۇتقارۋشىلار 7 ادامنىڭ دەنەسٸن سىرتقا شىعاردى. بارلىعى «ساۋتس-ويل» كومپانيياسىندا قىزمەت اتقارعان. بٸزگە بەلگٸلٸ بولعانداي, كومپانييا ەربٸر ايدىڭ 2 جەنە 17 كٷندەرٸ ۇجىمدا ەڭبەك ەتەتٸن مامانداردى اۋىستىرۋ جۇمىستارىن جٷرگٸزگەن. سونداي مامانداردى الىپ كەلگەن 4 اۆتوبۋس كەشە ادامداردى الىپ قايتقان. كەشە, 2 جەلتوقساندا قىزىلوردا وبلىستىق تٶتەنشە جاعدايلار دەپارتامەنتٸ وبلىس اۋماعىندا كٶكتايعاق, تۇمان جەنە قاتتى جەل بولاتىنى جٶنٸندە ۇيالى بايلانىس وپەراتورلارى ارقىلى حابارلاما تاراتقان بولاتىن. دەگەنمەن وعان قاراماستان قاۋٸپسٸزدٸك شارالارى ساقتالماۋى سالدارىنان وقىس وقيعاعا جول بەرٸلٸپ وتىر», - دەپ مەلٸم ەتتٸ قىزىلوردا وبلىستىق تٶتەنشە جاعدايلار دەپارتامەنتٸنٸڭ باستىعى ومار بەرجانوۆ.
تاعى بٸر ادام جەدەل جەردەم كٶلٸگٸندە كٶز جۇمدى. قازٸرگٸ تاڭدا كٶز جۇمعان ازاماتتاردىڭ جەكە تۇلعاسى انىقتالۋدا. وقيعاعا جولداعى كٶكتايعاق سەبەپشٸ بولۋى مٷمكٸن دەگەن جورامال ايتىلدى.
«بۇل ورايدا اتالمىش كومپانييانىڭ باسشىلىق قۇرامى تيٸستٸ سالا ماماندارىمەن بٸرلەسە جۇمىس جٷرگٸزدٸ. العاشقى مەلٸمەتتەرگە سٷيەنسەك, ولار - تٷركٸستان وبلىسى مەن شىمكەنت قالاسىندا تۇراتىن ازاماتتار», - دەدٸ قىزىلوردا وبلىستىق پوليتسييا دەپارتامەنتٸ باستىعىنىڭ بٸرٸنشٸ ورىنباسارى شامشيدين ەميتوۆ.
ەستەرٸڭٸزگە سالا كەتەلٸك, اتالمىش وقيعا بٷگٸن تاڭعى 04.30 شاماسىندا بولدى. وقيعا سالدارىنان 8 ادام قازا تاۋىپ, 21 ادام ەمدەۋ ورىندارىنا جاتقىزىلدى.
وقيعاعا بايلانىستى قر ٸشكٸ ٸستەر مينيسترلٸگٸ تٷسٸنٸك بەردٸ.
سونداي-اق, سەگٸز ادامنىڭ ٶمٸرٸن قيعان «قىزىلوردا-قۇمكٶل» جولىنداعى اۆتوبۋس اپاتىنا بايلانىستى قىلمىستىق ٸس قوزعالدى.
مەملەكەت باسشىسى قاسىم-جومارت توقاەۆ اۆتوبۋس اپاتىنان كٶز جۇمعان مارقۇمداردىڭ جاقىندارىنا كٶڭٸل ايتتى.
