قىزىلوردا وبلىسىندا ادام ٶلتٸردٸ دەگەن كٷدٸككە ٸلٸگٸپ, حالىقارالىق ٸزدەۋ جارييالانعان اسا قاۋٸپتٸ قىلمىسكەردٸ پوليتسەيلەر ٷش جىلعا جاقىن ۋاقىتتان كەيٸن قولعا تٷسٸردٸ, دەپ حابارلايدى "ۇلت اقپارات".
وقيعا 2018 جىلدىڭ كٷزٸندە قىزىلوردا قالاسىنىنداعى ياسساۋي مەن بٶكەيحان كٶشەلەرٸنٸڭ قيىلىسىندا بولعان.
تٷسكٸ ۋاقىتتا سول اۋماقتاعى «گەليوس» جانارماي بەكەتٸنە قاراما-قارسى تۇستا «Toyota Land Cruiser Prado» اۆتوكٶلٸگٸنەن كەۋدە تۇسىنان ەكٸ وق تيگەن ەلوردا تۇرعىنىنىڭ دەنەسٸ تابىلعان ەدٸ.
پوليتسەيلەر كٷدٸكتٸنٸڭ جەكە باسىن انىقتادى.
سول جىلدىڭ 5 جەلتوقسانىندا قىزىلوردا قالاسىنىڭ تۇرعىنى اتالعان ادام ٶلٸمٸنە كٷدٸكتٸ دەپ تانىلدى. ول 34 جاستاعى ەر ادام بولىپ شىقتى.
«بوي تاسالاپ قاشىپ كەتكەن قىلمىسكەرگە حالىقارالىق ٸزدەۋ جارييالاندى. وعان قاتىستى سوت «كٷزەتپەن ۇستاۋ» تٷرٸندەگٸ بۇلتارتپاۋ شاراسىن قابىلدادى. قۇقىق قورعاۋ ورگاندارى قاجەتتٸ ارنايى جەدەل-ٸزدەستٸرۋ ٸس-شارالارىن جٷرگٸزدٸ. نەتيجەسٸندە وبلىستىق پوليتسييا دەپارتامەنتٸنٸڭ كريمينالدىق پوليتسييا قىزمەتكەرلەرٸ ٸزدەۋدە جٷرگەن كٷدٸكتٸنٸ وبلىس ورتالىعىندا تاڭەرتەڭ تۋىستارىنىڭ جەكە ٷيٸندە قولعا تٷسٸردٸ. بۇل سەتتە ول قاشىپ كەتۋگە تىرىسىپ, پوليتسييا قىزمەتكەرلەرٸنە قارسىلىق كٶرسەتتٸ. قازٸرگٸ ۋاقىتتا كٷدٸكتٸ ۋاقىتشا ۇستاۋ يزولياتورىنا قامالدى», - دەپ مەلٸم ەتتٸ قىزىلوردا وبلىستىق پوليتسييا دەپارتامەنتٸنەن.
