Qyzylorda oblysynda adam óltirdi degen kúdikke iligip, halyqaralyq izdeý jariialanǵan asa qaýipti qylmyskerdi politseiler úsh jylǵa jaqyn ýaqyttan keiin qolǵa túsirdi, dep habarlaidy "Ult aqparat".
Oqiǵa 2018 jyldyń kúzinde Qyzylorda qalasynyndaǵy Iassaýi men Bókeihan kósheleriniń qiylysynda bolǵan.
Túski ýaqytta sol aýmaqtaǵy «Gelios» janarmai beketine qarama-qarsy tusta «Toyota Land Cruiser Prado» avtokóliginen keýde tusynan eki oq tigen elorda turǵynynyń denesi tabylǵan edi.
Politseiler kúdiktiniń jeke basyn anyqtady.
Sol jyldyń 5 jeltoqsanynda Qyzylorda qalasynyń turǵyny atalǵan adam ólimine kúdikti dep tanyldy. Ol 34 jastaǵy er adam bolyp shyqty.
«Boi tasalap qashyp ketken qylmyskerge halyqaralyq izdeý jariialandy. Oǵan qatysty sot «kúzetpen ustaý» túrindegi bultartpaý sharasyn qabyldady. Quqyq qorǵaý organdary qajetti arnaiy jedel-izdestirý is-sharalaryn júrgizdi. Nátijesinde oblystyq politsiia departamentiniń kriminaldyq politsiia qyzmetkerleri izdeýde júrgen kúdiktini oblys ortalyǵynda tańerteń týystarynyń jeke úiinde qolǵa túsirdi. Bul sátte ol qashyp ketýge tyrysyp, politsiia qyzmetkerlerine qarsylyq kórsetti. Qazirgi ýaqytta kúdikti ýaqytsha ustaý izoliatoryna qamaldy», - dep málim etti Qyzylorda oblystyq politsiia departamentinen.
