وبلىسقا جۇمىس ساپارى كەزٸندە قر بٸلٸم جەنە عىلىم مينيسترٸ ەرلان ساعاديەۆ بٸلٸم سالاسىنىڭ قىزمەتكەرلەرٸمەن, جوعارعى وقۋ ورىندارىنىڭ عالىمدارىمەن كەزدەستٸ, دەپ حابارلادى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
جيىننىڭ العىسٶزٸندە وبلىس ەكٸمٸنٸڭ ورىنباسارى رۋسلان رٷستەموۆ وسى جىلدىڭ ۇستازدار مەن وقۋشىلار ٷشٸن جاڭالىققا تولى بولعانىن جەتكٸزدٸ. اتاپ ايتقاندا, ۇبت-نىڭ جاڭا فورماتى ەنگٸزٸلٸپ جاتىر, قورىتىندى اتتەستاتسييالاۋ جاڭالاندى, «بارشاعا ارنالعان تەگٸن كەسٸپتٸك-تەحنيكالىق بٸلٸم» جوباسى باستالدى. ساعاديەۆ سٶزٸندە ەلباسى جولداۋىنان تۋىندايتىن مەسەلەلەر مەن بٸلٸم جٷيەسٸندەگٸ ٶزگەرٸستەرگە كەڭٸنەن توقتالدى. مينيستر ٷشتٸلدٸلٸك, ونىڭ ٸشٸندە مەملەكەتتٸك تٸل جايىنا توقتالدى.
ونىڭ ايتۋىنشا, بيىل ۇبت-نى قازاقستاندىق تٷلەكتەردٸڭ 80 پايىزى, سىربويىلىق بٸتٸرۋشٸلەردٸڭ 98 پايىزى قازاق تٸلٸندە تاپسىرۋعا نيەتتٸ. مينيسترلٸك ورىس تٸلٸندە بٸلٸم بەرەتٸن مەكتەپتەردە قازاق تٸلٸن وقىتۋدىڭ عىلىمي نەگٸزدەلگەن, كوممۋنيكاتيۆتٸ ەدٸسكە سٷيەنگەن دەڭگەيلٸ باعدارلاماسىن ەزٸرلەدٸ. بۇل ەدٸستەمە بيىل جەكەلەگەن مەكتەپتەردە پيلوتتىق جوبا رەتٸندە قولدانىسقا ەنگٸزٸلەدٸ. قازاقستاندا بٸرٸنشٸ رەت اۋىزەكٸ سٶيلەۋدٸ دامىتۋعا ارنالعان جيٸلٸك سٶزدٸك شىعارىلدى. مۇندا بۇرىنعىداي وقىپ, مەتٸن اۋدارۋ دەگەن بولمايدى.
اعىلشىن تٸلٸن بٸلۋ - زامان تالابى. بيىل اعىلشىن تٸلٸندە ساباق بەرەتٸن 5 000 مۇعالٸمدٸ 9 ايعا دەيٸن تەرەڭدەتٸلگەن كۋرستاردا وقىتۋ جوسپارلانعان بولاتىن. ونىڭ ورنىنا فيزيكا, حيمييا, IT جەنە بيولوگييا پەندەرٸنەن ساباق بەرەتٸن 12 000 ادام جازىلىپ, قوسىمشا قارجىلاندىرۋ مەسەلەسٸ شەشٸلدٸ. كەلەسٸ جىلى تاعى 12 000 مۇعالٸم بٸلٸمٸن شىڭدايدى. پەندەردٸ اعىلشىن تٸلٸندە وقۋ ەرٸكتٸ تٷردە جٷرەدٸ, ول ٷشٸن اتا-انانىڭ جازباشا رۇقساتى كەرەك.
ساعاديەۆ وسى جىلى كٶپ سۇراقتىڭ جاۋابى تابىلاتىنىن, اتاپ ايتقاندا, دايىندىق ۋاقىتى, وقىتۋ ساپاسى, مۇعالٸمدەر مەن بالالاردىڭ دايىندىعى سىندى مەسەلەلەر شەشٸلەتٸنٸن ايتتى. ٶيتكەنٸ اتالعان جۇمىستىڭ قورىتىندىسىنا ساي جوعارعى سىنىپتا 4 پەندٸ اعىلشىن تٸلٸندە وقىتۋ كەستەسٸنە كٶشۋ 2018 جىلدىڭ اياعىندا اياقتالادى.
كەزدەسۋدە مينيستر بٸلٸم سالاسى ٶكٸلدەرٸنٸڭ سۇراقتارىنا جاۋاپ بەردٸ. ال ساپاردىڭ ەكٸنشٸ كٷنٸندە مينيستردٸڭ ارال, قازالى, قارماقشى اۋداندارىنداعى اپاتتى مەكتەپتەردٸڭ ورنىنا جاڭادان سالىنعان بٸلٸم وشاقتارىنىڭ اشىلۋ جەنە سوڭعى قوڭىراۋ سالتاناتىنا قاتىسۋى جوسپارلانعان.
