مەملەكەت باسشىسى اۋىلداردىڭ ٶسٸپ-ٶركەندەۋٸ اگروسەكتوردىڭ ٸلگەرٸلەۋٸنە سەپتٸگٸن تيگٸزەتٸنٸن ايتىپ, قىزىلوردا وبلىسىنداعى سۋارمالى جەرلەردەگٸ سۋ تاپشىلىعىن جويۋ ٷشٸن جاڭا سۋ قويمالارىن سالۋ قاجەتتٸگٸن اتاپ ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ قىزىلوردا وبلىسىنىڭ جۇرتشىلىعىمەن كەزدەسۋٸندە وسىلاي مەلٸم ەتتٸ. جيىنعا ٶڭٸردٸڭ زييالى قاۋىم, ارداگەرلەر مەن جاستار ٶكٸلدەرٸ, جەرگٸلٸكتٸ اتقارۋشى ورگانداردىڭ باسشىلارى مەن باق ٶكٸلدەرٸ قاتىستى.
مەملەكەت باسشىسى ايماقتاردان تٷسٸپ جاتقان ۇسىنىستاردى ەسكەرە وتىرىپ, ٶڭٸرلەردٸ دامىتۋعا باعىتتالعان ارنايى كەشەندٸ مەملەكەتتٸك باعدارلامانىڭ ٸسكە قوسىلاتىنىن ايتتى. سونداي-اق, قازاقستان پرەزيدەنتٸ وسى ماقسات-مٸندەتتەردٸ جٷزەگە اسىرۋ ٷشٸن وبلىس باسشىلىعى شەشۋٸ تيٸس بٸرقاتار مەسەلەلەرگە توقتالدى.
– ايماقتاعى ازاماتتاردىڭ جالاقىسىن ٶسٸرۋ – ٷكٸمەت پەن وبلىسى ەكٸمٸنٸڭ باستى مٸندەتٸ! لايىقتى جالاقى تٶلەيتٸن جاڭا جۇمىس ورىندارىن اشۋعا باسا مەن بەرۋ قاجەت. بۇل باعىتتا ٸرٸ كەسٸپورىنداردىڭ قۋاتىن تيٸمدٸ پايدالانۋدى نازارعا الۋ كەرەك, – دەدٸ قاسىم-جومارت توقاەۆ.
مەملەكەت باسشىسى شەتەل كومپانييالارىندا جۇمىس ٸستەيتٸن وتانداستارىمىزدىڭ مٷددەلەرٸن قورعاۋدىڭ ماڭىزدىلىعىنا نازار اۋداردى. سونىمەن قاتار, وبلىستىڭ ەلەۋمەتتٸك سالاداعى جەتٸستٸكتەرٸنە توقتالدى.
– كٶپ بالالى جەنە تۇرمىسى تٶمەن وتباسىلارعا قولداۋ كٶرسەتۋ ٷشٸن وبلىستا ەلەۋمەتتٸك جول كارتاسى ٸسكە قوسىلعان. بيىل «اۋىل – ەل بەسٸگٸ» باعدارلاماسىنىڭ اياسىندا بٸلٸم, دەنساۋلىق ساقتاۋ, مەدەنيەت, جول قۇرىلىسى سالالارىندا قۇنى 1,7 ميلليارد تەڭگە بولاتىن 60 جوبا جوسپارلانعان. وبلىس ەكٸمٸنە سولاردى ۋاقتىلى ەرٸ تيٸمدٸ جٷزەگە اسىرۋدى تاپسىرامىن, – دەدٸ قازاقستان پرەزيدەنتٸ.
قاسىم-جومارت توقاەۆ دامۋدىڭ جاڭا درايۆەرلەرٸن قالىپتاستىرۋ قاجەت ەكەنٸن ايتىپ, قۋاتتى ەكونوميكاعا قول جەتكٸزۋدٸڭ ماڭىزدىلىعىن اتاپ ٶتتٸ.
– يندۋسترييالاندىرۋ ساياساتى ٶزٸنٸڭ جەمٸسٸن بەردٸ. بۇل باعىت ودان ەرٸ جالعاسادى. 2013 جىلدان بەرٸ قىزىلوردا وبلىسىندا ٶڭدەۋشٸ ٶنەركەسٸپ سالاسى ەكٸ ەسە ٶستٸ. ٸرٸ تسەمەنت زاۋىتى ٸسكە قوسىلدى. «شالقييا» كەن ورنىندا قۋاتتى كومبيناتتىڭ قۇرىلىسى باستالدى. بۇدان بٶلەك, وبلىستاعى شىنى زاۋىتىنىڭ قۇرىلىسىن اياقتاۋ قاجەت. «بەيتەرەك» حولدينگٸ مەن وبلىس ەكٸمدٸگٸنە زاۋىتتى ٸسكە قوسىپ, قازاقستاننىڭ العاشقى شىنىسىن شىعارۋدى تاپسىرامىن, – دەدٸ قازاقستان پرەزيدەنتٸ.
مەملەكەت باسشىسى اۋىلداردىڭ ٶسٸپ-ٶركەندەۋٸ اگروسەكتوردىڭ ٸلگەرٸلەۋٸنە سەپتٸگٸن تيگٸزەتٸنٸن ايتىپ, قىزىلوردا وبلىسىنىڭ اۋىل شارۋاشىلىعىنداعى ەلەۋەتٸ ەلٸ تولىق پايدالانىلماي وتىرعانىنا نازار اۋداردى.
– سۋارمالى جەرلەردە سۋ تاپشىلىعى بار. سوندىقتان, جاڭا سۋ قويمالارىن سالۋ قاجەت. ٷكٸمەت وبلىس ەكٸمدٸگٸمەن بٸرگە اتالعان مەسەلەنٸ شەشۋ ٷشٸن ماعان ناقتى جۇمىس جوسپارىن ۇسىنسىن. بٷكٸل ەل بويىنشا اۋىل ينفراقۇرىلىمىن جاڭعىرتاتىن كەز كەلدٸ. جەرگٸلٸكتٸ جولداردىڭ, سۋ قۇبىرلارىنىڭ, ەلەكتر جەلٸلەرٸنٸڭ, مەدەني-سپورت كەشەندەرٸنٸڭ بەرٸ جاڭارۋى قاجەت, – دەدٸ قاسىم-جومارت توقاەۆ.
قازاقستان پرەزيدەنتٸ ٶڭٸردەگٸ ەكولوگييالىق پروبلەمالارعا, سونىڭ ٸشٸندە, ارال پروبلەماسىنا, اينالاسىنا زييانىن تيگٸزٸپ وتىرعان مۇناي-گاز جەنە ۋران قالدىقتارىنا نازار اۋداردى.
– ەكولوگييا – قىزىلوردالىقتاردى تولعاندىراتىن مەسەلەنٸڭ بٸرٸ. حالىق ارال تاعدىرىنا الاڭدايدى. ەلباسىنىڭ باستاماسى بويىنشا «سىردارييا ارناسىن رەتتەۋ جەنە ارال تەڭٸزٸنٸڭ سولتٷستٸك بٶلٸگٸن ساقتاپ قالۋ» جوباسى ٸسكە اسىرىلۋدا. وسى جوبانىڭ جەنە كٶكارال بٶگەتٸنٸڭ ارقاسىندا كٸشٸ ارالداعى سۋ قالپىنا كەلدٸ. بۇل بالىق شارۋاشىلىعىن جانداندىرۋعا سەپتٸگٸن تيگٸزدٸ. تاعى بٸر ماڭىزدى مەسەلە – بٷگٸندە تۇرعىنداردى مۇناي-گاز بەن ۋراننىڭ زيياندى قالدىقتارى الاڭداتىپ وتىر. ٶڭٸردەگٸ كەسٸپورىندارعا جاڭا تەحنولوگييالار ەنگٸزٸپ, ەكولوگييالىق قاۋٸپسٸزدٸكتٸ حالىقارالىق ستاندارتتارعا ساي ەتۋ قاجەت, – دەدٸ مەملەكەت باسشىسى.
قاسىم-جومارت توقاەۆ بايقوڭىردى قازاقستاننىڭ عارىش سالاسىنىڭ نەگٸزٸ رەتٸندە اتاپ ٶتٸپ, بۇل كەشەن وبلىسقا جوعارى تەحنولوگييالاردى دامىتۋعا مٷمكٸندٸك بەرەتٸنٸن ايتتى.
– بٸزدٸڭ ماقسات – عارىش تەحنولوگييالارىن وتانىمىزدىڭ, حالقىمىزدىڭ مٷددەسٸ ٷشٸن قولدانۋ. بايقوڭىر قالاسىنىڭ ينفراقۇرىلىمىن جاڭعىرتۋ جۇمىسى جالعاسۋدا. مۇندا 30 جىل ٸشٸندە العاش رەت كٶپقاباتتى ٷيلەر جەنە مەديتسينالىق ورتالىق سالىندى. بەس مەكتەپ قازاقستاننىڭ بٸلٸم ستاندارتىنا كٶشتٸ. قازٸر ەلەمدە ينۆەستورلار عارىش ستارتاپتارىنا كەڭ قولداۋ كٶرسەتۋدە. بٸز دە بايقوڭىردىڭ ەلەۋەتٸن تيٸمدٸ پايدالانىپ, بۇل ٷردٸستەن شەت قالماۋىمىز كەرەك, – دەدٸ قازاقستان پرەزيدەنتٸ.
سونداي-اق, قىزىلوردا ٶڭٸرٸنٸڭ جۇرتشىلىعى اتىنان ارداگەرلەر, كەسٸپكەرلەر, مۇعالٸمدەر, سپورتشىلار سٶز سٶيلەپ, ٶزدەرٸنٸڭ ۇسىنىس-تٸلەكتەرٸن جەتكٸزدٸ.
سوڭىندا مەملەكەت باسشىسى xالىقتىڭ ەل-اۋقاتىنا قاتىستى مەسەلەلەردٸڭ بارلىعى جەكە ٶزٸنٸڭ باقىلاۋىندا بولاتىنىن ايتىپ, جيىنعا قاتىسۋشىلاردى قىزىلوردا ٶلكەسٸن دامۋدىڭ جاڭا دەڭگەيٸنە شىعارۋ ٷشٸن اتسالىسۋعا شاقىردى.
قازاقستان پرەزيدەنتٸ ەلٸمٸزدٸڭ ەلەۋمەتتٸك-ەكونوميكالىق جەنە مەدەني دامۋىنا قوسقان ٷلەسٸ ٷشٸن «سىر مارجانى» جشس ديرەكتورى م.ٶتەەۆتٸ, كٶپسالالى بالالار اۋرۋحاناسىنىڭ دەرٸگەرٸ ا.شٷلەنباەۆتى, قىزىلوردا قالالىق مەسليحاتىنىڭ دەپۋتاتى, قىزىلوردا وبلىسىنىڭ قۇرىلىسشىلار قاۋىمداستىعىنىڭ جەتەكشٸسٸ ق.ەرنازاروۆتى, داڭقتى سپورتشى, مەنەرلەپ سىرعاناۋدان حالىقارالىق دەرەجەدەگٸ سپورت شەبەرٸ ە.تۇرسىنباەۆانى جەنە «نارتاي ٶنەر مەكتەبٸ» كوممۋنالدىق مەملەكەتتٸك قازىنالىق كەسٸپورنىنىڭ ديرەكتورى م.بەكپەيٸسوۆتٸ العىس حاتتارمەن ماراپاتتادى.
