فوتو: Tengrinews.kz
قىزىلوردادا قالا مەكتەپتەرٸنٸڭ بٸرٸنٸڭ 11-سىنىپ وقۋشىسى پاراللەل سىنىپ وقۋشىسىن پىشاقتاپ تاستادى. جەبٸرلەنۋشٸ اۋرۋحاناعا جاتقىزىلدى. مەديتسينالىق كٶمەك كٶرسەتٸلگەننەن كەيٸن وعان ٷيٸنە قايتۋعا رۇقسات ەتٸلدٸ, - دەپ حابارلايدى Tengrinews.kz.
وقيعا 4 سەۋٸردە بولعان. وبلىستىق پوليتسييا دەپارتامەنتٸنٸڭ باسپاسٶز قىزمەتٸ مەلٸمەتٸنشە, وقۋشىلار اراسىندا جانجال شىعىپ, سالدارىنان كەمەلەتكە تولماعانداردىڭ بٸرٸ ەكٸنشٸسٸن پىشاقتاپ كەتكەن.
"بۇل دەرەك قر قىلمىستىق كودەكسٸنٸڭ 293-بابى بويىنشا تٸركەلٸپ, تيٸستٸ ساراپتامالار تاعايىندالدى. كٷدٸكتٸ جاسٶسپٸرٸم قىزىلوردا قالالىق پوليتسييا بٶلٸمٸنە جەتكٸزٸلٸپ, اتا-اناسىنا تاپسىرىلدى. تەرگەۋ امالدارى جٷرگٸزٸلٸپ جاتىر", - دەدٸ پد باسپاسٶز قىزمەتٸ ٶكٸلدەرٸ.
وبلىستىق كٶپسالالى بالالار اۋرۋحاناسى مەلٸمەتٸنشە, وقۋشى بارلىق قاجەتتٸ تەكسەرۋلەردەن ٶتكەن.
"ول يىق, كەۋدە جەنە جامباس تۇسىنان پىشاق جاراقاتىن العان. جارالارى قارالىپ, سودان كەيٸن امبۋلاتورلىق ەمدەۋگە جٸبەرٸلدٸ", - دەدٸ اۋرۋحانا دەرٸگەرٸ.
بۇل وقيعاعا قالالىق بٸلٸم بٶلٸمٸ دە پٸكٸر بٸلدٸردٸ.
"ايقىن پىشاق جاراقاتى بولماعانىن ايتا كەتۋ كەرەك, ٶيتكەنٸ مەتالل زاتپەن جەڭٸل جاراقاتتار العان. وسىعان بايلانىستى قالالىق بٸلٸم بٶلٸمٸنەن جۇمىس توبى قۇرىلدى. قازٸر كوميسسييا جۇمىس ٸستەپ جاتىر. بۇل ٸسكە كٸنەلٸلەر تەرتٸپتٸك جازاعا تارتىلادى", - دەدٸ قالالىق بٸلٸم بٶلٸمٸنٸڭ باس مامانى سامات كٷنحوجاەۆ.
