تٶرت ميلليارد جىل بۇرىن مارستا اۋا دا, مۇحيت تا بولعان.
بٷگٸندە مارستا ادامزات جٸبەرگەن روبوتتاردان باسقا ەشتەڭە جوق. ناقتىراق ايتساق جەتٸ روبوتتان باسقا. جەتەۋٸنٸڭ ٶزٸ دە ىمىراسىز, قىزىل پلانەتانىڭ ساي سالاسىن كەزٸپ جٷر. سوندىقتان بولار, 2013 جىلى كييۋروسيتي اتتى روبوت بٸر جاسقا كەلگەنٸنە بايلانىستى قۇتتىقتاۋ ٶلەڭدٸ ٶزٸنە-ٶزٸ ايتىپتى. ەگەر روبوتتا جان بولسا جالعىزدىقتان جارىلىپ كەتەر ەدٸ. ايتپاقشى, 2022 جىلعا جٷز مىڭ ادام مارسقا بارۋعا ھەم سول پلانەتانى يگەرۋگە ٶتٸنٸش بەرٸپتٸ. ەگەر بۇل جٷزەگە اسسا كييۋروسيتيدٸڭ ون جاسىنا ارنالعان قۇتتىقتاۋ ٶلەڭ حورمەن ايتىلادى.
قىزىل پلانەتادا مۇحيت بولعان دەدٸك قوي. مۇحيت بولعاندا دا مارس كٶلەمٸنٸڭ 19% الىپ جاتقان ايدىن-شالقار مۇحيت بولىپتى-مىس. سونىمەن قاتار بٸزدٸڭ سەرٸگٸمٸز اي بولعانى سەكٸلدٸ مارستىڭ دا ەكٸ سەرٸگٸ بار. ولار ٷرەي ھەم قورقىنىش دەپ اتالادى.
تاعى بٸر قىزىق بار. 1997 جىلى يەمەن مەملەكەتٸنٸڭ ٷش ازاماتى NASA – نى مارسقا بارماق نيەتٸ ٷشٸن سوتقا بەرگەن. ولاردىڭ ايتۋىنشا ٷش مىڭ جىل بۇرىن اتالارى مارستى يەمەندٸكتەرگە مۇراعا قالدىرىپتى. كٸم بٸلسٸن, مٷمكٸن ادامزات بٸر كەزدەرٸ مارستى مەكەن ەتكەن شىعار. بٷگٸنگٸ قىزىل پلانەتانىڭ ايانىشتى حەلٸندە ادامزاتتىڭ قولتاڭباسى بار سەكٸلدٸ.
سەنگە اينالعان دەرت
1800 جىلدارى قۇرت (تۋبەركۋلەز) اۋرۋى سەنگە اينالعان.
ون توعىزىنشى عاسىرعا دەيٸنگٸ سۋرەتشٸلەردٸڭ سۋرەتٸن قاراساق كارتينادا تولىق ەيەلدەر بەينەلەنگەنٸن بايقايمىز. بۇل تولىقتىقتىڭ ٶزٸ تابيعي ينستينكتٸمەن سەنگە اينالعانىن ايتادى عالىمدار. بايىرعى ەركەكتەر تولىق ەيەلدٸ دەنساۋلىعى جاقسى دەپ سەنگەن كٶرٸنەدٸ. تابيعي ينستينكتٸگە سالساق ادام بويىنداعى ماحاببات سەزٸمٸنٸڭ بارلىعى ۇرپاق ٶربٸتۋ جولىنداعى بەيسانالى قۇبىلىس. وسىناۋ ەسكٸ تٷسكٸنٸك ھەم سالتاناتتى سەن ەلەمٸنە قۇرت اۋرۋى تٶڭكەرٸس جاساپتى. قۇرت اۋرۋىنا تەن تالدىرماش دەنە, كەبەرگەن ەرٸن, ٶڭگەن شٷبەرەكتەي بەت ۇشىنداعى قىزعىلتتى 19 عاسىر بيكەشتەرٸنەن كەزدەستٸرۋگە بولار ەدٸ. وسىنىڭ كەيبٸر ەلەمەنتتەرٸ بٷگٸنگە دەيٸن جەتتٸ. بۇل سەن ٶز كەزەگٸندە ديەتا, جاتتىعۋ زالىنا بارۋ, كارسەت, وپا-دالاپ, پلاستيكالىق وپەراتسييا سيياقتى دٷنيەلەرگە جول اشتى. ەگەر سەندە بۇرىنعىشا تولىقتىق بولار بولسا ەكونوميكانىڭ ەيەلدەر تٸرەپ تۇرعان تۇسى گٷرس ەتٸپ قۇلاعان بولار ەدٸ.
Coca-Cola شاراپ پا?
Coca-colا سۋسىنىن ەۋەلدە مورفيندٸ قويۋ ٷشٸن ويلاپ تاپقان.
1865 جىلى پەمبەرتون دەگەن دەرٸگەر سوعىستا كەۋدە تۇسىنان اۋىر جارالانىپ, ۇزاق ۋاقىت ەم العان. ازابىن جەڭٸلدەتۋ ٷشٸن ەلبەتتە مورفين قابىلداپتى. جىلدار ٶتٸپ جارا جازىلىپتى دا, اپيىن, مورفين سەكٸلدٸ دەرٸلەردٸ ٷزٸلٸسسٸز قابىلداۋ ەدەتٸ قالماپتى. دەرٸگەر ۇزاق ٸزدەنٸستەن كەيٸن اۋىرعانعا شيپا بولاتىن, بٸراق قۇرامىندا ەسٸرتكٸلٸك زاتتارى جوق, كوكو جاپىراعىنان Coco-colo سۋسىنىن جاساعان. ەۋەلدە بۇل سۋسىندى دەرٸگەر «پەمبەرتوننىڭ فرانتسۋزدىق كوكاين شارابى» دەگەن اتپەن ساۋدالاپتى. سۇرانىس بولعانى عوي, Coca-Cola-نىڭ بٸزدٸڭ زامانعا جەتۋٸ.
تىرناقتاعى تىلسىم سىر
قازٸر ادامنىڭ تىرناعى بۇرناعى عاسىرداعىدان جىلدام ٶسەدٸ.
بريتان عالىمدارى وسىلاي دەيدٸ. ٶتكەن عاسىردىڭ وتىزىنشى جىلدارىمەن سالىستىرعاندا بٸزدٸڭ تىرناعىمىز ەدەۋٸر تەز ٶسەدٸ ەكەن. بۇل ادامزات بالاسىنىڭ دەنساۋلىعىنىڭ جاقسارۋىمەن بايلانىستى دەيدٸ ولار.
تىرناق ەلبەتتە ادام دەنساۋلىعىنىڭ ايناسى. كەنٸگٸ ەمشٸلەر تىرناققا قاراپ-اق دياگنوز قوياتىنى بەلگٸلٸ. تىرناق جايلى تەرەڭ تولعام كەرەك بولسا, قازاقتىڭ قارىمدى قالامگەرٸ قاينار ولجايدىڭ "تىرناق, ەڭگٸمە بول بٸر قاپ" ماقالاسىن وقىڭىز.
جانات جاڭقاشۇلى,
"ارقا اقشامى" گازەتٸ
