الماتى وبلىسى كٶكسۋ اۋدانىنىڭ پوليتسەيلەرٸ قىزمەتتٸك مٸندەتتەرٸن ورىنداۋ بارىسىندا باقيلىق بولعان ەرٸپتەستەرٸنە ارناپ ەسكەرتكٸش ورناتتى. بۇل تۋرالى الماتى وبلىسى پوليتسييا دەپارتامەنتٸنٸڭ باسپاسٶز قىزمەتٸ حابارلادى.
سالتاناتتى شاراعا قازا بولعان قىزمەتكەرلەردٸڭ جاقىندارى, وبلىستىق پوليتسييا دەپارتامەنتٸنٸڭ باستىعى مۇرات ۇرۇمحانوۆ, اۋدان باسشىلىعى, اۋداندىق پوليتسييانىڭ جەكە قۇرامى جەنە جەرگٸلٸكتٸ تۇرعىندار قاتىستى.
«الماتى وبلىسىندا 30-دان استام قىزمەتكەر قىزمەت اتقارۋ كەزٸندە قازا بولعان. بٸز ولاردىڭ ەرلٸك ٸستەرٸ مەن جارقىن بەينەسٸن ەشقاشان ۇمىتپايمىز. ولاردىڭ ارتىندا قالعان وتباسىنا قولىمىزدان كەلگەنشە قولداۋ كٶرسەتۋدەمٸز. بٷگٸنگٸ اشىلعان ەسكەرتكٸش ولاردىڭ الاسارماس ايبىنى مەن ەل تىنىشتىعى جولىندا قۇربان بولعان عۇمىرىنىڭ مەڭگٸلٸك بەلگٸسٸ بولماق. بٸز ولاردى قاشاندا قۇرمەت تۇتامىز», - دەدٸ پوليتسييا گەنەرال-مايورى مۇرات ۇرۇمحانوۆ.
كٶكسۋ اۋدانىندا ەكٸ قىزمەتكەر مٸندەت اتقارۋ كەزٸندە قاپييادا قازا تاپقان. ونىڭ بٸرٸ – ەم گەورگيي چان-سيكوۆيچ 1993 جىلى قاندىقول قىلمىسكەردٸڭ قولىنان قازا بولسا, ەكٸنشٸ قىزمەتكەر ايدىن بايسالباەۆ 2004 جىلى كٷدٸكتٸلەردٸ پوليتسييا بٶلٸمٸنە ەكەلە جاتقاندا جول-كٶلٸك وقيعاسىندا باقيلىق بولعان.
ٸس-شارا بارىسىندا قاتىسۋشىلار ەسكەرتكٸشكە گٷل شوقتارىن قويىپ, قازا تاپقان ەرٸپتەستەرٸن ەسكە الدى. تەرتٸپ ساقشىلارى دەستٷر بويىنشا اسپانعا مىلتىقتان وق اتىپ, قازا تاپقان ەرٸپتەستەرٸنٸڭ ايبىندى بەينەسٸنە قۇرمەت كٶرسەتتٸ.
سونىمەن قاتار, كٶكسۋ اۋدانىنىڭ پوليتسەيلەرٸ ٸس-شاراعا قاتىسۋشىلاردى قىزمەتكەرلەرگە ارنالعان تير, دەنە شىنىقتىرۋعا ارنالعان زال جەنە تۇرعىندارعا ساپالى قىزمەت ەتۋ ٷشٸن اشىلعان جاڭا فرونت-كەڭسەنٸ تاماشالاۋعا شاقىردى.
