فوتو: Freepik
جاڭاٶزەندە پوليتسەيلەر بوپسالاۋ قىلمىسى بويىنشا كٷدٸكتٸ ەكٸ ەر ادامدى ۇستادى. تەرگەۋ نۇسقاسىنا سەيكەس, ولاردىڭ بٸرٸ 24 جاستاعى قىزدى ينتيمدٸك فوتوسۋرەتتەرٸن تاراتامىن دەپ قورقىتىپ, 1 ميلليون تەڭگە تالاپ ەتكەن, دەپ حابارلايدى Ult.kz Lada.kz باسىلىمىنا سٸلتەمە جاساپ.
قۇقىق قورعاۋ ورگاندارىنىڭ مەلٸمەتٸنشە, پوليتسيياعا 2000 جىلى تۋعان جەبٸرلەنۋشٸ ارىزدانعان. ونىڭ ايتۋىنشا, 1997 جىلى تۋعان ەر ادام ينتيمدٸك فوتوسۋرەتتەردٸ ەلەۋمەتتٸك جەلٸلەردە جەنە تۋىستارى اراسىندا تاراتامىن دەپ قورقىتىپ, ودان 1 ميلليون تەڭگە كٶلەمٸندە اقشا تالاپ ەتكەن.
تەرگەۋ ماتەريالدارىنا سەيكەس, كٷدٸكتٸ WhatsApp ارقىلى الدىمەن 200 مىڭ تەڭگە اۋدارۋدى, ال قالعان 800 مىڭ تەڭگەنٸ 2026 جىلعى 20 قاڭتارعا دەيٸن تٶلەۋدٸ تالاپ ەتكەن. اقشانى كٶرسەتٸلگەن شوتقا اۋدارۋدى سۇراعان.
جەدەل-ٸزدەستٸرۋ ٸس-شارالارىنىڭ نەتيجەسٸندە 17 قاڭتار كٷنٸ جاڭاٶزەن قالاسىندا ەكٸ ەر ادام ۇستالدى.
تٸنتۋ بارىسىندا كٷدٸكتٸلەردٸڭ بٸرٸنەن كٶك تٷستٸ iPhone 14 Pro Max ۇيالى تەلەفونى, ەكٸنشٸسٸنەن قارا تٷستٸ iPhone 11 تەركٸلەندٸ. قۇرىلعىلار زاتتاي دەلەل رەتٸندە ٸسكە تٸركەلدٸ.
اتالعان فاكتٸ بويىنشا قر قك 194-بابىنىڭ 1-بٶلٸگٸ (بوپسالاۋ) بويىنشا قىلمىستىق ٸس قوزعالدى. كٷدٸكتٸلەر ۋاقىتشا ۇستاۋ يزولياتورىنا قامالدى. قازٸرگٸ ۋاقىتتا سوتقا دەيٸنگٸ تەرگەۋ جٷرگٸزٸلٸپ جاتىر.
بوپسالاۋشىلارعا 4 000 اەك-كە دەيٸن (17 300 000 تەڭگە) ايىپپۇل سالۋ, سول مٶلشەردە تٷزەۋ جۇمىسى, 1 000 ساعاتقا دەيٸن قوعامدىق جۇمىستارعا تارتۋ, 4 جىلعا دەيٸن باس بوستاندىعىن شەكتەۋ نەمەسە سول مەرزٸمگە باس بوستاندىعىنان ايىرۋ جازاسى, مٷلكٸن تەركٸلەۋ نەمەسە تەركٸلەمەۋ قاراستىرىلعان.
