فوتو ©️ Tengrinews.kz / تۇرار قازانعاپوۆ
ٸشكٸ ٸستەر مينيسترٸنٸڭ ورىنباسارى يگور لەپەحا قىتايمەن ۆيزاسىز رەجيم نەلٸكتەن ەلٸ كٷنگە دەيٸن كٷشٸنە ەنبەگەنٸن تٷسٸندٸردٸ, دەپ حابارلايدى Sputnik قازاقستان.
ونىڭ ايتۋىنشا, كٶرشٸ ەل الدىمەن قازاقستان مەن قىتاي اراسىندا ازاماتتار تۋرالى اقپارات الماسۋ تۋرالى كەلٸسٸمنٸڭ راتيفيكاتسييالانعانىن قالايدى.
"ەگەر قازٸر ۆيزاسىز رەجيم كٷشٸنە ەنسە, ەكٸ جاقتان دا ازاماتتار اعىنى ۇلعايادى. سول سەبەپتٸ زاڭسىز كٶشٸ-قوندى باقىلاۋ ٷشٸن قىتاي وسى كەلٸسٸمگە (ازاماتتار تۋرالى اقپارات الماسۋ) قول قويۋ تۋرالى شارت قويىپ وتىر. بٸز قازٸر كەلٸسٸمدٸ راتيفيكاتسييالايمىز, سودان كەيٸن ول زاڭناما (ۆيزاسىز رەجيم) جۇمىس ٸستەي باستايدى", - دەپ تٷسٸندٸردٸ لەپەحا سەنات كۋلۋارىندا.
قىتايمەن ۆيزالىق تالاپتاردان ٶزارا بوساتۋ تۋرالى كەلٸسٸمگە سەيكەس, ەكٸ ەلدٸڭ ازاماتتارى مەملەكەتتٸك شەكارادان ٶتكەن سەتتەن باستاپ كٷنتٸزبەلٸك 30 كٷننەن اسپايتىن كەزەڭگە ۆيزاسىز ساپارلاي الادى. جالپى, ولارعا التى اي ٸشٸندە 90 كٷنتٸزبەلٸك كٷن ۆيزاسىز بولۋعا رۇقسات ەتٸلەدٸ. دەمەك, 30 كٷننەن جارتى جىلدا ٷش رەت كٸرۋگە بولادى.
ايتا كەەتيٸك, بٷگٸن پارلامەنت سەناتى "قازاقستان ٷكٸمەتٸ مەن قىتاي ٷكٸمەتٸ اراسىنداعى تاراپتار مەملەكەتتەرٸنٸڭ ازاماتتارىنا قاتىستى اقپارات الماسۋ تۋرالى كەلٸسٸمدٸ راتيفيكاتسييالاۋ تۋرالى" زاڭدى ماقۇلدادى.
