Foto ©️ Tengrinews.kz / Turar Qazanǵapov
Ishki ister ministriniń orynbasary Igor Lepeha Qytaimen vizasyz rejim nelikten áli kúnge deiin kúshine enbegenin túsindirdi, dep habarlaidy Sputnik Qazaqstan.
Onyń aitýynsha, kórshi el aldymen Qazaqstan men Qytai arasynda azamattar týraly aqparat almasý týraly kelisimniń ratifikatsiialanǵanyn qalaidy.
"Eger qazir vizasyz rejim kúshine ense, eki jaqtan da azamattar aǵyny ulǵaiady. Sol sebepti zańsyz kóshi-qondy baqylaý úshin Qytai osy kelisimge (azamattar týraly aqparat almasý) qol qoiý týraly shart qoiyp otyr. Biz qazir kelisimdi ratifikatsiialaimyz, sodan keiin ol zańnama (vizasyz rejim) jumys istei bastaidy", - dep túsindirdi Lepeha senat kýlýarynda.
Qytaimen vizalyq talaptardan ózara bosatý týraly kelisimge sáikes, eki eldiń azamattary memlekettik shekaradan ótken sátten bastap kúntizbelik 30 kúnnen aspaityn kezeńge vizasyz saparlai alady. Jalpy, olarǵa alty ai ishinde 90 kúntizbelik kún vizasyz bolýǵa ruqsat etiledi. Demek, 30 kúnnen jarty jylda úsh ret kirýge bolady.
Aita keetiik, búgin Parlament Senaty "Qazaqstan úkimeti men Qytai úkimeti arasyndaǵy taraptar memleketteriniń azamattaryna qatysty aqparat almasý týraly kelisimdi ratifikatsiialaý týraly" zańdy maquldady.
