قر قارجى مينيسترلٸگٸ «نۇر جولى» ٶتكٸزۋ بەكەتٸندە كٶلٸكتٸڭ جينالىپ قالۋىنا قىتاي تاراپىنىڭ شەكارادا سانيتارلىق شارالاردى كٷشەيتۋٸ سەبەپ بولىپ وتىرعانىن جارييا ەتتٸ, دەپ حابارلايدى "ۇلت اقپارات".
«قازاقستاندىق تاراپ (قر قم مكك, قر ۇقك شەكارا قىزمەتٸ, قر يندۋسترييا جەنە ينفراقۇرىلىمدىق دامۋ مينيسترلٸگٸ) «نۇر جولى» اۆتوكٶلٸكتٸك ٶتكٸزۋ بەكەتٸنٸڭ جۇمىسىن تۇراقتاندىرۋ ٷشٸن تيٸستٸ شارالاردى قابىلداپ جاتىر. قىتايلىق اۆتوكٶلٸكتەردٸڭ قازاقستان اۋماعىنا كٸرۋ مٷمكٸندٸگٸ ٷشٸن «نۇر جولى» اٶب جۇمىس تەحنولوگيياسىن ٶزگەرتۋ مەسەلەسٸ پىسىقتالۋدا», - دەپ حابارلايدى كوميتەتتەن.
جاڭا پروتسەدۋرالار ەكٸجاقتى بەكٸتٸلگەننەن كەيٸن قىتايلىق تاسىمالداۋشىلار ٶز ەلٸندە ٶندٸرٸلگەن تاۋاردى قازاقستاننىڭ كٶلٸك-لوگيستيكالىق ورتالىقتارىنا جەتكٸزۋ مٷمكٸندٸگٸنە يە بولادى. وسىدان كەيٸن كەلگەن تاۋارلار قازاقستاندىق جەنە شەتەلدٸك ترانزيتتٸك كٶلٸكتەرگە تيەلٸپ, ايماقتارعا تاراتىلادى. بۇل شارا كٶپ اۆتوكٶلٸكتٸڭ قىتاي تاراپىنا كٸرۋ قاجەتتٸگٸن جويىپ, «نۇر جولى» بەكەتٸندە جٷك تاسىمالداۋشىلاردىڭ جينالۋىنا جول بەرمەيدٸ.
«قازاقستاندىق تاراپ قازاقستان مەن قىتاي شەكارالارى اراسىندا اۆتوكٶلٸكتٸڭ جينالىپ قالۋىنا COVID-19 پاندەميياسىمەن كٷرەس اياسىندا قىتايلىق تاراپتىڭ شەكاراداعى سانيتارلىق شارالاردىڭ كٷشەيتۋٸ سەبەپ بولعانىن اتاپ ٶتەدٸ. كٶرشٸ مەملەكەتتٸڭ قاۋٸپسٸزدٸك شارالارىنا قۇرمەتپەن قاراي وتىرىپ, قىتاي تاراپىنىڭ كارانتين شارالارىن ەنگٸزۋٸ «نۇر جولى» بەكەتٸن ەسەپتەمەگەندە بارلىق شەكارا ٶتكٸزۋ بەكەتتەرٸنٸڭ جابىلۋىنا, شەكارا ارقىلى ٶتەتٸن اۆتوكٶلٸك سانىنىڭ 150-دەن 20-عا دەيٸن قىسقارۋىنا ەكەلگەنٸن حابارلايمىز» دەلٸنگەن حابارلامادا.
كوميتەت سونىمەن بٸرگە قر ٷكٸمەتٸنٸڭ 2020 جىلدىڭ 10 ماۋسىمىنداعى №369 قاۋلىسىنا سەيكەس بۇدان بۇرىن «قالجات», «باقتى», «مايقاپشاعاي» اۆتوكٶلٸك ٶتكٸزۋ بەكەتتەرٸ ۋاقىتشا جابىلعانىن حابارلايدى. قحر تاراپى شەكارالاردى جاۋىپ تاستاعاندىقتان تاۋارلار ارى-بەرٸ تاسىمالدانىپ جاتقان جوق. ونىڭ ٷستٸنە بۇرىن جٷكتٸ كٷتٸپ قالۋمەن كٶلٸك قۇرالدارى قىتاي اۋماعىندا جينالىپ قالاتىن. پاندەميياعا بايلانىستى قحر بيلٸگٸ مۇنى شەكتەپ, قازاقستاندىق كٶلٸك قۇرالدارىنىڭ ٶز اۋماعىندا بولۋ ۋاقىتىن 12 ساعاتقا دەيٸن قىسقارتقان.
«بۇل قازاقستاندىق تاراپتا كٶلٸك قۇرالدارىنىڭ جينالۋىنا ەكەلدٸ. قازاقستاندىق تاراپتا جٷك جينالىپ قالۋىنىڭ تاعى بٸر سەبەبٸ – شەكارانى كەسٸپ ٶتەتٸن تاسىمالداۋشىلاردىڭ (شامامەن 60 پايىزىنىڭ) ناقتى تاپسىرىسى مەن جٷك بويىنشا كەلٸسٸمٸنٸڭ بولماۋى. وسىلايشا اۆتوكٶلٸكتەردٸڭ جارتىسىنان كٶبٸ قىتايعا بٸر رەتتٸك كەلٸسٸمگە كەلۋ ٷمٸتٸمەن بارادى. بۇل تاسىمالداۋشىلار قىتايلىق تاراپتان جٷكسٸز ورالىپ, قايتادان كەزەكتە قالادى», - دەپ حابارلايدى مەملەكەتتٸك كٸرٸستەر كوميتەتٸنەن.
قازاقستاندىق تاراپ قازٸرگە دەيٸن «نۇر جولى» بەكەتٸندەگٸ جاعدايدى تۇراقتاندىرۋ بويىنشا قحر-مەن كەلٸسٸم اياسىندا بٸرقاتار شارا قابىلداپ جاتىر.
