قىتايلىق كەسٸپكەرلەر وڭتٷستٸك قازاقستان وبلىسى وتىرار اۋدانىندا 200 مۆت-تىق ەنەرگييا ٶندٸرەتٸن كٷن ەلەكتر ستانساسىنىڭ قۇرىلىسىن باستاماق. بۇل تۋرالى قىتايلىق «تسينداو بەيحاي» كومپانيياسىنىڭ ارنايى ٶكٸلٸ مينگ يە ٶڭٸر باسشىسى جانسەيٸت تٷيمەباەۆپەن كەزدەسۋٸندە مەلٸم ەتتٸ, دەپ حابارلايدى "ۇلت اقپارات".
كەزدەسۋ بارىسىندا جەرگٸلٸكتٸ بيلٸك اتالعان جوبانى جٷزەگە اسىرۋعا قاجەتتٸ 300 گەكتار جەر تەلٸمٸن بٶلٸپ, بارلىق ينفراقۇرىلىمدىق قاجەتتٸلٸكتەرمەن قامتاماسىز ەتٸپ بەرەتٸن بولىپ كەلٸسٸلدٸ. سونداي-اق ەكٸجاقتى كەلٸسٸمگە سەيكەس, ستانسانى «كٷننۇرى» دەپ اتاۋ ۇيعارىلدى.
«سوڭعى جىلدارى ەلەمدە ەنەرگەتيكالىق قاۋٸپسٸزدٸك مەسەلەسٸ بٸرٸنشٸ ورىنعا شىقتى. وسىنى ەسكەرە وتىرىپ بٸز وڭتٷستٸك ٶڭٸرٸنەن كٷن ەلەكتر ستاساسىن سالۋدى جٶن كٶرٸپ وتىرمىز. ٶيتكەنٸ بۇل ٶڭٸردە كٷن ەرەكشە ىستىق ەرٸ بۇلتتى كٷندەر ٶتە از بولادى. جوباعا جۇمسالاتىن شىعىندارىمىز ٶتەلٸپ بولعاننان سوڭ ستانسانى ٶزدەرٸڭٸزگە قايتاراتىن بولامىز», - دەدٸ مينگ يە مىرزا.
قوناقتاردىڭ ۇسىنىستارىنا قولداۋ بٸلدٸرگەن ٶڭٸر باسشىسى ايماقتاعى ەلەكتر ەنەرگيياسىنا دەگەن سۇرانىستىڭ جىل ساناپ ارتىپ وتىرعانىنا توقتالدى.
«بٷگٸندە استانا قالاسىندا ٶتٸپ جاتقان ەكسپو-2017 كٶرمەسٸنٸڭ نەگٸزگٸ تاقىرىبى - «جاسىل» ەكونوميكا. ياعني بولاشاقتىڭ ەنەرگيياسىن ٸزدەۋ جەنە بالامالى قۋات كٶزدەرٸن تابۋ ەرٸ پايدالانۋ بولىپ وتىر. وسىعان وراي سٸزدەردٸڭ ۇسىنىستارىڭىزدى تولىق قولدايمىن. قاجەتتٸ جەر تەلٸمٸ بٶلٸنٸپ, ينفراقۇرىلىمدىق قاجەتتٸلٸكتەرمەن قامتاماسىز ەتٸپ بەرەتٸن بولامىز. وڭتٷستٸك قازاقستان وبلىسىنىڭ شامامەن 300 كٷنٸ بۇلتسىز بولادى. بۇل جوبانى جٷزەگە اسىرۋعا ٶتە تيٸمدٸ», - دەدٸ جانسەيٸت قانسەيٸتۇلى.
بٷگٸندە وبلىستىڭ ەكونوميكالىق دامۋ قارقىنى جوعارى, ايماقتا ٶندٸرٸس ورىندارى كٶپتەپ اشىلىپ, يننوۆاتسييالىق باعدارلامالار جٷزەگە اسىرىلۋدا. وسىنىڭ بارلىعى ەلەكتر ەنەرگيياسىنا دەگەن سۇرانىستى ارتتىراتىنى سٶزسٸز. ەنەرگەتيكالىق قاۋٸپسٸزدٸك ەڭ الدىمەن ەنەرگەتيكالىق تەۋەلسٸزدٸككە بايلانىستى ەكەنٸن ەسكەرسەك, وڭتٷستٸك ٶڭٸرٸندە بالامالى ەنەرگەتيكا نىساندارىن سالۋ اسا ماڭىزدى بولىپ وتىر.
كەزدەسۋ قورىتىندىسىنا سەيكەس, وڭتٷستٸك قازاقستان وبلىسى ەكٸمٸنٸڭ ورىنباسارى باۋىرجان جامالوۆ پەن قىتايلىق «تسينداو بەيحاي» كومپانيياسى ٶكٸلٸ مينگ يە ينۆەستيتسييالىق جوبانى ٸسكە اسىرۋ جٶنٸندە مەموراندۋمعا قول قويدى.
