قىتايلىق ينتەرنەت-دٷكەندەر: ساۋداگەرلەرگە قاۋٸپ پە, مٷمكٸندٸك پە?

فوتو: stock.adobe.com

كەيٸنگٸ جىلدارى قازاقستاندىقتار اراسىندا قىتاي سايتتارىنان تٷرلٸ زاتتارعا ونلاين تاپسىرىس بەرۋ جيٸلەدٸ. سەبەبٸ جەتكٸزۋ قىزمەتٸ جىلدامداتىلعان جەنە ونلاين تاۋاردىڭ سان-الۋان تٷرٸن تابۋعا بولادى. مۇنىڭ ەسەرٸنەن ەلدٸڭ ٸشكٸ نارىعىنداعى كەي كەسٸپكەرلەر ساۋداسى جٷرمەي قالىپ جاتقانىن ايتادى. ساراپشىلار قىتاي ماركەتپلەيسٸ قازاقستان نارىعىنداعى ٶكتەمدٸگٸن جالعاستىرا بەرسە, ەلدەگٸ شاعىن جەنە ورتا كەسٸپكەرلەردٸڭ كٶبٸ جابىلىپ قالۋى دا مٷمكٸن دەيدٸ. 

قازاقستاندىقتار اراسىندا ەسٸرەسە Pinduoduo.com, 1688, AliExpress, Alibaba.com, Taobao, Dhgate سيياقتى ٸرٸ ماركەتپلەيستەر اسا تانىمال. كٶپ جاعدايدا تاپسىرىس بەرٸلەتٸن زاتتار قاتارىنا كيٸم-كەشەكتەن باستاپ, تۇرمىستىق تەحنيكالار, اكسەسسۋارلار, بٶلشەك زاتتار جاتادى.

Pinduoduo.com سايتى 2015 جىلى نەگٸزٸ قالانعان ەلەكتروندى كوممەرتسييالىق پلاتفورما. اقپارات كٶزدەرٸ بۇل ەلەكتروندىق كوممەرتسييا كٸرٸسٸ بيىل 12 ميلليارد اقش دوللارىنا جەتكەنٸن حابارلادى. ٶتكەن جىلمەن سالىستىرعاندا 131 پايىزعا ٶسكەن. Pinduoduo مۇنى ٶزٸنٸڭ ونلاين ماركەتينگتٸك قىزمەتتەرٸنٸڭ كٶمەگٸمەن ارتقان سۇرانىسپەن بايلانىستىردى.

2024 جىلدىڭ بٸرٸنشٸ توقسانىنداعى وپەراتسييالىق كٸرٸس 3,6 ميلليارد اقش دوللارىن قۇرادى, بۇل 2023 جىلدىڭ بٸرٸنشٸ توقسانىمەن سالىستىرعاندا 275 پايىزعا ٶسكەن. Pinduoduo كومپانيياسىنىڭ قازاقستان نارىعىندا قانشا پايدا تاپقاندىعى جايىندا ناقتى مەلٸمەت جوق.

ال Freedom Finance Global زەرتتەۋٸنە سٷيەنسەك, Pinduoduo.com تانىمال ينتەرنەت الاڭىنا جاتادى. دەرەكتەرگە سەيكەس, ساۋالناماعا قاتىسقان قازاقستاندىقتاردىڭ 12,4 پايىزى بۇل پلاتفورمانى جيٸ پايدالاناتىنىن جەتكٸزگەن. سونىمەن قاتار ولار ماركەتپلەيستەن ايىنا 2-3 رەت ( 29,3%)  تاپسىرىس بەرەتٸندەرٸن جاسىرماعان. بۇدان بٶلەك Pinduoduo.com «ەڭ تيٸمدٸ باعانى تابۋ مٷمكٸندٸگٸ» كاتەگوريياسىندا پلاتفورمالار اراسىندا كٶش باستاپ تۇر.

فوتو: kasharynews.ru

شەتەلدٸك ە-كوممەرتسييانىڭ ٸشكٸ نارىققا ەسەرٸ قانداي?

الماتىداعى كەسٸپكەرلەر شەتەلدٸك ونلاين دٷكەندەردٸڭ ەشكٸ نارىققا ەسەرٸن COVID-19 پاندەميياسى كەزٸندە سەزٸنە باستاعانىن ايتادى. مەسەلەن, كەنجاحان-1 بازارىندا 10 جىلدان بەرٸ كيٸم-كەشەك ساتاتىن ايناش قۇلمەتوۆانىڭ ايتۋىنشا, ونلاين دٷكەن تاۋارلارى الماتىعا تٸپتٸ تەز جەتكٸزٸلەدٸ, شامامەن, ورتاشا 6-10 كٷندە كەلەدٸ. ونىڭ ايتۋىنشا, سول سەبەپتەن الماتى تۇرعىندارى كەيٸنگٸ جىلدارى بازار جاعالاۋىن ازايتقان.

«ونلاين تاپسىرىس بەرۋ پايدا بولعالى بەرٸ بازاردا ساۋدا ازايعانىن بەرٸمٸز مويىنداۋىمىز كەرەك. قازٸر كٶبٸنە تەك ەگدە ادامدار زات ساتىپ الادى», – دەيدٸ 52 جاستاعى ساتۋشى.

ال سىرت كيٸمدەر ساتاتىن سەۋلە ابديروۆا ادامداردىڭ ونىڭ دٷكەنٸنە تەك سۋرەتكە تٷسٸرۋ ٷشٸن كەلەتٸنٸن ايتادى.

«ادامدار كٷرتەشەلەردٸڭ باعاسىن بٸلە سالىسىمەن ۇيالى تەلەفوندارىن شىعارىپ, تاۋارلاردى فوتوعا تٷسٸرە باستايدى. سوسىن سول سۋرەتتەردٸ Pinduoduo سايتىنا جٷكتەيدٸ. ول جەردەن دەل مەنٸڭ دٷكەنٸمدەگٸدەي كيٸمدەر ٶتە ارزان باعادا شىققانىن كٶرسەتٸپ, باعاسىن تٷسٸرۋدٸ سۇراپ جاتادى», – دەيدٸ ساۋداگەر.

ساۋداگەرلەردٸڭ ايتۋىنشا, بۇل ٶتە جيٸ كەزدەسەتٸن قۇبىلىس.

قازاقستاندىق بيزنەس ٶكٸلدەرٸ شەتەلدٸك ە-كوممەرتسييانىڭ ەل نارىعىنا كٸرگەنٸن ەكسپانسييا دەپ اتاپ, ولارعا قاتىستى شارا قولدانۋعا شاقىرادى. 30 تامىزدا QazTech تەحنولوگييالىق كومپانييالار اليانسى ۇيىمداستىرعان جيىندا سٶيلەگەن شاعىن جەنە ورتا كەسٸپ ٶكٸلدەرٸ ٷكٸمەتتەن قازاقستاندىق بيزنەستٸ قورعاپ, شەتەلدٸك ماركەتپلەيستەرمەن ەدٸل بەسەكەلەستٸكتٸ قاماتاماسىز ەتەتٸن زاڭ قابىلداۋدى سۇرادى.

جيىنعا قاتىسقان قازاقستانداعى ينتەرنەت-دٷكەندەردٸڭ بٸرٸنٸڭ ديرەكتورى قىتاي ونلاين دٷكەندەرٸنەن كەلەتٸن كەيبٸر تاۋارلار شەكارادان فيوسانيتارييالىق تەكسەرۋدەن دە ٶتپەي جٸبەرٸلە بەرەتٸنٸن ايتتى. ونىڭ سٶزٸنشە, بۇل تاۋار يمپورتتاۋشىلارعا بٸردەي مٷمكٸندٸك تۋدىرمايدى. 

الماتىلىق كەسٸپكەر كەرٸمجان ٷرٸستەمبەك «كٷلتەگٸن» پودكاستىنا بەرگەن سۇقباتىندا Pinduoduo ٷردٸسٸ وسىلاي جالعاسا بەرەر بولسا شاعىن كەسٸپورىنداردى قۇرتادى دەگەن ويىن جەتكٸزدٸ. سٶزٸنشە وسى ۋاقىتتان باستاپ باقىلاۋ جاسالماسا, حالىقتىڭ ەل-اۋقاتىنا ەسەر ەتەدٸ. 

ال قاراقات دارقانقىزى كەرٸسٸنشە Pinduoduo-نىڭ پايداسى جايلى سٶز ەتتٸ. ول ٶز ماقالاسىندا Pinduoduo تاۋارلارى قىتاي مەدەنيەتٸنٸڭ ەلەمەنتتەرٸن قامتيتىنىن ايتادى. ياعني قوسىمشانى قولدانۋ ارقىلى قازاقستان مەن قىتاي اراسى مەدەني قۇندىلىقتارمەن الماساتىنىن جازعان. سونىمەن قاتار تاۋارلار باعاسىنىڭ ازدىعى قازاقستاداعى ەلەۋمەتتٸك جەنە ەكونوميكالىق تەڭسٸزدٸكتٸ ازايتۋى مٷمكٸن ەكەندٸگٸ تۋرالى دا ايتا ٶتتٸ.

«ارزان جەنە ساپالى ٶنٸمدەردٸڭ قولجەتٸمدٸلٸگٸ تٶمەن تابىستى حالىق توپتارىنا كٶمەك كٶرسەتۋگە مٷمكٸندٸك بەرەدٸ», – دەيدٸ ول ٶز ماقالاسىندا.

Finprom.kz رەسۋرسىنىڭ جازۋىنشا, قازاقستان نارىعىنداعى Wildberries جەنە Ozon پلاتفورمالارى قازاقستاندا رەسمي ٶكٸلدٸگٸ بار, ال قىتايلىق Pinduoduo مەن Temu دٷكەندەرٸ ەلدە تٸركەلمەگەن. رەسۋرس ونلاين-دٷكەننٸڭ قازاقستاندا تٸركەلمەي ٸستەۋٸ ەل ەكونوميكاسىنا دا, تۇتىنۋشىلارعا دا كەرٸ ەسەرٸن تيگٸزەدٸ دەپ جازادى. 

“بٸرٸنشٸدەن, پلاتفورما ەلدە تٸركەلمەسە, ول ەل بيۋدجەتٸنە تٶلەم جٷرگٸزبەيدٸ, ياعني باج نە تابىسىنان تٷسەتٸن سالىقتى تٶلەمەيدٸ… ودان بٶلەك بۇل تاۋاردى يمپورتتاعاندا سالىق تٶلەيتٸن ەلدەگٸ شاعىن جەنە ورتا بيزنەسكە كەرٸ ەسەر ەتەدٸ”, – دەپ جازدى Finprom.kz.

سونداي-اق, ماركەتپلەيس رەسمي ەلدە تٸركەلمەسە, تۇتىنۋشىلار قىزمەت ساپاسىنا قاناعاتتانباعاندا شاعىمدانىپ, نە اقشاسىن قايتارىپ الا الماي قالاتىنى تاعى بار. 

فوتو: kitau.ru

ۋاقىتشا ٸسٸ توقتاعان Pinduoduo

قولدانىستاعى جاقسى كٶرسەتكٸشتەرگە قاراماستان, 19 قازاندا Pinduoduo بارلىق رەسمي ونلاين تاسىمالداۋشىلاردىڭ جۇمىسىن توقتاتتى دەگەن اقپارات تارادى. ال مەملەكەتتٸك Qazpost كومپانيياسىنىڭ مەلٸمەتٸنشە, ماركەتپلەيس تاسىمالداۋشىلار جۇمىسىن ۋاقىتشا جەتٸلدٸرۋگە بايلانىستى توقتاتىلعان. جۇمىس قاشان قالپىنا كەلەرٸن سول كەزدە ناقتى ايتا المادى. 

سول كٷننەن قىتايلىق رەسۋرسقا ٷيرەنٸپ قالعان قازاقستاندىقتار ونلاين تاپسىرىس بەرە الماي قالعانىن تالقىلاي باستادى. ولار ەگەر قوسىمشادا تاۋار تاڭداۋ باتىرماسىن باسساڭىز «بۇل مەكەنجايعا جەتكٸزۋ مٷمكٸن ەمەس» دەگەن جازۋ پايدا بولادى, دەيدٸ.

تالدىقورعاندىق مەرەي سەرٸكقىزى ماركەتپلەيستٸڭ ٸستەن شىققانى تۋرالى ەستٸگەندە كٶڭٸلٸ تٷسٸپ قالعانىن جاسىرمادى. ول 2022 جىلدان بەرٸ  Pinduoduo.com سايتىنىڭ تۇراقتى ساتىپ الۋشىسى ەكەن. دٷكەننەن ٶزٸنٸڭ كٷندەلٸكتٸ تۇرمىسىنا قاجەتتٸ زاتتارعا تاپسىرىس بەرٸپ وتىرعان. مەرەيدٸڭ ايتۋىنشا, ٶزٸ ورنالاسقان تالدىقورعان قالاسىنا تاپسىرىستارى 10-12 كٷن ارالىعىندا قولىنا تيەدٸ ەكەن. 

«مەن كيٸم-كەشەكتەن باستاپ, ۇساق-تٷيەك زاتتارعا دەيٸن وسى سايتتان تاپسىرىس بەرٸپ كەلدٸم. ماعان ۇنايتىنى قولجەتٸمدٸ باعالاردى ايتپاعاندا, سايتتا تاڭداۋدىڭ ٶتە كەڭدٸگٸ. سايت ەندٸگەرٸ جۇمىس ٸستەمەيدٸ دەگەندە جابىرقاپ قالدىم. سەبەبٸ ارزان باعا مەن ەرەكشە زاتتارعا قاتتى ٷيرەنٸپ قالعانمىن», – دەيدٸ 26 جاستاعى تالدىقورعان قالاسىنىڭ تۇرعىنى.

الماتى قالاسىنداعى سەنييا بولاتبەك تە قىتاي سايتىنىڭ قولدانۋشىسى. ول دا وسى ۋاقىتقا دەيٸن 3 جىل كٶلەمٸندە ٷزدٸكسٸز كەرەك زاتىن Pinduoduo-دان الىپ جٷرگەن. 

«قىتاي دٷكەندەرٸ ساۋداسىن توقتاتار بولسا, ونىڭ بالامالارىن تابۋ قيىن ەمەس. قازٸر Wildberries, Kaspi.kz سيياقتى پلاتفورمالاردان دا قالاعانىڭىزدى تابا الاسىز. تەك باعاسى مەن ساپاسى ٶزگەلەۋ بولادى. ال ودان بٶلەك ساتىپ العان زاتىڭىز دا قولىڭىزعا پيندۋودۋودان قاراعاندا تەز تيەدٸ», – دەيدٸ ول.

سەنييا كەيدە ارزاندىعىنا قىزىعىپ العان قىتاي زاتتارىنىڭ ساپاسى ٶتە ناشار بولاتىنىن دا اتاپ ٶتتٸ.

ال 12 قاراشا كٷنٸ QazPost قىزمەتٸ Pinduoduo ارقىلى تاپسىرىس بەرۋ مٷمكٸندٸگٸ قايتا ٸسكە قوسىلعانىن مەلٸمدەدٸ. قازاقستاندىقتار قىتايدان تاپسىرىس بەرەتٸن تاۋارىنىڭ ەر كيلوگرامىنا 3,7 دوللاردان تٶلەيتٸن بولادى.

جاينا تۇراربەك