قىتاي حالىق رەسپۋبليكاسىنىڭ قازاقستانداعى تٶتەنشە جەنە ٶكٸلەتتٸ ەلشٸسٸ چجان سياو قازاقستان مەن قىتاي قارىم-قاتىناسى جٶنٸندە پٸكٸر بٸلدٸردٸ, دەپ حابارلايدى "ۇلت اقپارات".
«2019 جىلى قىتاي حالىق رەسپۋبليكاسىنىڭ قۇرىلعانىنا 70 جىل تولدى. 70 جىل – تاريحي ٶلشەمنٸڭ بٸر بٶلٸگٸ عانا, بٸراق بۇل ارالىقتا قىتايلار ماقتان ەتۋگە تۇرارلىق جەتٸستٸكتەرگە جەتتٸ. 70 جىل بۇرىن قىتاي تەحنولوگييالىق تۇرعىدا ارتتا قالعان, ٶندٸرٸسٸ دامىماعان مەملەكەت بولدى. ال قازٸر دامىعان ەكونوميكاسى بار, اۆتوكٶلٸكتەن ەسكەري تەحنيكاعا دەيٸن شىعاراتىن ٷلكەن قۋاتتى ەلگە اينالدى», - دەدٸ چجان سياو قر مەملەكەتتٸك باسقارۋ اكادەميياسىندا «قازاقستاننىڭ شىعىس كٶرشٸسٸ. قىتايدىڭ قارقىندى دامۋى كۋەگەرلەر كٶزٸمەن» كونفەرەنتسيياسىندا.
ەلشٸ قازاقستان مەن قىتاي اراسىنداعى ەكٸجاقتى قارىم-قاتىناست ى دامىتۋ مەسەلەسٸنٸڭ ٶزەكتٸلٸگٸن اتاپ ٶتتٸ.
«بيىل قازاقستان مەن قىتاي قارىم-قاتىناسى ەرەكشە قارقىندا دامىدى. سەۋٸر ايىندا «حالىقارالىق ىنتىماقتاستىق. بٸر بەلدەۋ – بٸر جول» فورۋمىندا قحر تٶراعاسى سي تسزينپين تۇڭعىش پرەزيدەنت – ەلباسى نۇرسۇلتان نازارباەۆتى دوستىق وردەنٸمەن ماراپاتتادى. جاقىندا عانا قازاقستان پرەزيدەنتٸ قاسىم-جومارت توقاەۆ قىتايعا العاشقى مەملەكەتتٸك ساپارىن تابىستى ٶتكٸزدٸ. ەكٸ ەل باسشىلارى قارىم-قاتىناسىمىزدى جان-جاقتى ستراتەگييالىق سەرٸكتەستٸك دەڭگەيٸنە شىعارۋدى ۇيعاردى. بۇل جاڭا مەرتەبە ٶزارا ەرەكەتتەستٸكتٸڭ جاڭا مٷمكٸندٸكتەرٸنە جول اشادى. ەندٸ 55 يندۋستريالدى, ينۆەستيتسييالىق جوبانى جٷزەگە اسىرۋدان بٶلەك, ٷلكەن دەرەكتەر, جاساندى ينتەللەكت, تەلەكوممۋنيكاتسييا, بلوكچەين, تسيفرلاندىرۋ سىندى سالالاردا جوعارى تەحنولوگييالىق ىنتىماقتاستىقتى دامىتا تٷسەمٸز», - دەدٸ ەلشٸ.
سونىمەن بٸرگە, ديپلومات قىتايدىڭ ەكٸ ەل اراسىنداعى مەڭگٸلٸك دوستىق قارىم-قاتىناستى قالايتىنىن جەتكٸزدٸ.
«بٷگٸنگٸ سٶزٸمدە بٸر مەسەلەنٸ ناقتى ايتقىم كەلەدٸ – قىتايلاردا وتارلاۋشىلىق پيعىل جوق جەنە بولماعان دا. بۇعان كٶز جەتكٸزۋ ٷشٸن ٶتكەنگە كٶز جٷگٸرتۋگە بولادى. 15 عاسىردا ٶزٸنٸڭ تەڭٸز فلوتى بار, ەڭ قۋاتتى مەملەكەت بولعان قىتاي 7 اۋقىمدى جٷزۋ ۇيىمداستىرىپ, وڭتٷستٸك ٷندٸستانعا, پارسى شىعاناعىنا دەيٸن جەتكەن. بٸزدٸڭ بابالارىمىز شاي, فارفور, جٸبەك اپارىپ, تاۋار الماسىپ, سۋ بەتٸندەگٸ جٸبەك جولىن قۇردى. بارلىق جەتٸ ساپار دا ەش شيەلەنٸسسٸز, سوعىسسىز, جەرگٸلٸكتٸ حالىقتى ٶلتٸرمەي, بەيبٸت تٷردە جٷرگٸزٸلگەن. بۇل ساپارلار قىتايعا ساياسي, ساۋدا جەنە ەكونوميكالىق بايلانىس ورناتۋعا مٷمكٸندٸك بەردٸ. ودان قىتايدىڭ جەر اۋماعى كەڭەيٸپ كەتكەن جوق, وتارلىق رەجيم ورناعان جوق», - دەپ ٶز سٶزٸن تٷيٸندەدٸ چجان سياو.
