قىتاي حالىق رەسپۋبليكاسىنىڭ كەدەندٸك ستاتيستيكاسىمەن اراداعى الشاقتىق قىسقاردى. بۇل تۋرالى مەجٸلٸستٸڭ جالپى وتىرىسىندا قر ٷكٸمەتٸنٸڭ 2020 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەبٸن تالقىلاۋ كەزٸندە قر قارجى مينيسترٸ ەرۇلان جاماۋباەۆ مەلٸم ەتتٸ, دەپ حابارلايدى "ۇلت اقپارات".
«جيٸ كٶتەرٸلٸپ جٷرگەن مەسەلەنٸڭ بٸرٸ – ول قىتاي حالىق رەسپۋبليكاسىنىڭ كەدەندٸك ستاتيستيكاسىمەن اراداعى الشاقتىققا قاتىستى. ەلەمدٸك تەجٸريبەدە سىرتقى ساۋدا ستاتيستيكاسىنداعى وسىنداي الشاقتىقتار كٶپتەگەن ەلدەرگە تەن. مىسالى, 2019 جىلى قىتاي حالىق رەسپۋبليكاسى مەن امەريكا قۇراما شتاتتارى اراسىنداعى سىرتقى ساۋدا دەرەكتەرٸنٸڭ سەيكەسسٸزدٸگٸ 50 ملرد دوللاردان استام بولسا, گەرمانييامەن - 45 ملرد دوللاردى قۇرادى. بارلىق ەۋرازييالىق ەكونوميكالىق وداق ەلدەرٸندە دە قىتاي حالىق رەسپۋبليكاسىمەن وسىنداي پروبلەمالار بار», - دەدٸ جاماۋباەۆ.
وسى ورايدا قازاقستان مەن قحر اراسىنداعى كٶرسەتكٸشتەرگە تٷسٸنٸك بەردٸ.
«بٸزدٸڭ جاعدايعا كەلسەك, ستاتيستيكاداعى الشاقتىقتىڭ ايتارلىقتاي بٶلٸگٸ قىتاي تاراپىنىڭ بٸزدٸڭ ەلٸمٸز ارقىلى تاۋارلار ترانزيتٸنٸڭ ەدەۋٸر بٶلٸگٸن ٶزدەرٸندە قازاقستانعا ەكسپورت رەتٸندە ەسەپكە الۋىمەن بايلانىستى. سونىمەن قاتار, قىتايدان شىعاتىن تاۋارلار باعاسى كٶتەرمەلەنٸپ كٶرسەتٸلەدٸ, ال بٸزگە كەلگەندە كەسٸپكەرلەر كەرٸسٸنشە تٶمەندەتۋدٸ كٶزدەيدٸ. دەگەنمەن قابىلدانعان شارالار ٷش جىلدىڭ ٸشٸندە الشاقتىق مٶلشەرٸن 60 پايىزدان 45 پايىزعا دەيٸن قىسقارتۋعا مٷمكٸندٸك بەردٸ. وسى باعىتتاعى جۇمىس جالعاسۋدا», - دەدٸ مينيستر.
