جازۋشى, قىتاي حالىقتىق كونسۋلتاتيۆتٸك كەڭەستٸڭ مٷشەسٸ, ابايدىڭ قارا سٶزدەرٸن قىتاي تٸلٸنە اۋدارعان اقبار مەجيت اباي شىعارمالارىن قىتاي تٸلٸنە اۋدارۋ جۇمىستارى جٶنٸندە باياندادى, دەپ حابارلايدى قازاقپارات.
ونىڭ ايتۋىنشا, اباي شىعارمالارى حح عاسىردىڭ 50 جىلدارىنان باستاپ, قىتاي تٸلٸنە اۋدارىلا باستاعان.
«اباي ٶلەڭدەرٸن قىتاي تٸلٸنە ەڭ العاش اۋدارعان ادام - سٸبە ۇلتىنان شىققان حاحۋان چجان ەدٸ. بٷگٸندە ونىڭ جاسى 90-نان استى. اباي شىعارماسىن اۋدارعاندىقتان, لاقاپ اتىن قاباي دەپ قويعان. بۇل كٸسٸنٸ سىيلايمىز, قۇرمەتتەيمٸز. 1950 جىلداردان باستاپ, اباي ٶلەڭٸنٸڭ ٷزٸندٸلەرٸ گازەت-جۋرنالدارعا ەمٸس-ەمٸس شىعىپ وتىرعان. 1982 جىلى قىتاي مەملەكەتتٸك ۇلتتار باسپاسىنان قىتاي تٸلٸندە «اباي عاقليياسى» شىعارىلدى. بۇل - قابايدىڭ ەڭبەگٸ. بٸراق, بۇل جىلدارى شىعارمالار كەڭ تارالعان جوق, تەك ارحيۆ رەتٸندە قالدى», - دەدٸ سپيكەر قر ۇلتتىق اكادەمييالىق كٸتاپحاناسى ۇيىمداستىرعان «اباي جەنە رۋحاني مۇرا» ونلاين كونفەرەنتسيياسىندا.
ال 1995 جىلى ابايدىڭ 150 جىلدىعى قارساڭىندا, قىتايداعى ۇلتتار باسپاسى ابايدىڭ قارا سٶزدەرٸن ورىس تٸلٸنەن اۋدارۋعا تىرىسقان.
«1994 جىلى قىتايداعى ۇلتتار باسپاسى اباي شىعارماسىن قىتاي تٸلٸنە قايتادان اۋدارۋعا بەل بايلادى. وسى كەزدە سۋ جۋن چۋن مىرزا ابايدىڭ قارا سٶزدەرٸن ورىس تٸلٸنەن اۋداردى. بٸراق, باسپاداعى قازاق بٶلٸمٸنٸڭ باسشىسى بولعان قاليبەك مىرزا مەنٸ شاقىرىپ, قارا سٶزدەردٸڭ ورىسشادان سەتسٸز اۋدارىلعانىن ايتىپ, رەداكتسييالاپ بەرۋٸمدٸ سۇرادى. بٸراق, بۇل اۋدارما تٷزەتۋگە كەلمەدٸ. 1994 جىلدىڭ قازان ايىنان 1995 جىلدىڭ ماۋسىمىنا دەيٸن قارا سٶزدەردٸ تٶل تٸلدەن اۋدارىپ شىقتىم», - دەدٸ ا. مەجيت.
ۇلى اقىننىڭ 150 جىلدىعىنا ەزٸرلەنگەن بۇل اۋدارما كەيٸن دە بٸرنەشە رەت جارىق كٶردٸ جەنە قىتايعا كەڭ تارالاتىن «وقىرماندار» جۋرنالىندا جارييالانعان.
«سٸزدەرگە ەيگٸلٸ, 2013 جىلى قىركٷيەك ايىندا قحر تٶراعاسى سي تسزينپين قازاقستاندا نازارباەۆ ۋنيۆەرسيتەتٸندە سٶز سٶيلەگەندە ابايدىڭ 37-شٸ قارا سٶزٸنەن ٷزٸندٸ سٶيلەدٸ. ول مەنٸڭ اۋدارمام ەدٸ. جىل سايىن قىتايدا ٶتەتٸن «كٶكتەم مەرەكەسٸنٸڭ» ساۋىق كەشٸن بارلىق تۇرعىن تاماشالايدى. 2018 جىلعى ساۋىق كەشتە تانىمال قىتايلىق ەرتٸس ابايدىڭ وسى ٷزٸندٸسٸن قايتالادى. وسىلايشا, بٸر كەشتە ابايمەن 1 ملرد-تان استام قىتاي حالقى تانىس بولدى», - دەدٸ جازۋشى.
سونىمەن بٸرگە, 2019 جىلى اباي شىعارمالارىنان ٷزٸندٸ وقۋ ەستافەتاسى بولدى. بۇل شاراعا قىتايداعى قازاقستان ەلشٸلٸگٸنەن باستاپ, دجەكي چان, دجەك ما سىندى تانىمال تۇلعالار قاتىستى.
ودان بٶلەك, كوروناۆيرۋس ٸندەتٸ تارالعاندا, قىتايدان قازاقستانعا جەتكٸزٸلگەن مەديتسينالىق كٶمەكتٸڭ سىرتىنا دا ابايدىڭ ٶلەڭٸ جازىلعان.
«ەربٸر قوراپتىڭ سىرتىنا ابايدىڭ «بٸر تەۋٸر دوس تىم-اق كەرەك, ويى مەن تٸلٸ بٶلٸنبەس» دەگەن ٶلەڭ جولدارى قازاق جەنە قىتاي تٸلدەرٸندە باسىلدى. ادامزاتقا ورتاق بولعان وسىنداي اۋىر جاعدايدا دا اباي ويى قوس مەملەكەتتٸڭ دوستىعىن نىعايتۋعا, مەيٸرٸمدٸ ارتتىرۋعا ىقپال ەتٸپ وتىر», - دەدٸ جازۋشى اقبار مەجيت.
