قىتايدا ٶمٸر بويىنا باس بوستاندىعىنان ايىرىلعان قازاقستاندىق اقجارقىن تۇرلىبايدىڭ جازاسى بيىل قايتا قارالۋى مٷمكٸن. بۇل تۋرالى قىزدىڭ ادۆوكاتى سۇڭقار نۇرماعامبەتوۆ حابارلادى, - دەپ جازدى Sputnik قازاقستان.
ول اقجارقىننىڭ ٷيگە قاشان ورالاتىنى كٶپ ادامدى مازالايتىن سۇراق ەكەنٸن اتاپ ٶتتٸ.
"جازا وسى جىلى قايتا قارالۋى مٷمكٸن. كٷش-جٸگەرٸمٸزدٸ سالىپ جاتىرمىز", - دەپ جازدى نۇرماعامبەتوۆ Facebook-تە.
ادۆوكات قازاقستان مەن قىتاي اراسىندا سوتتالعانداردى بەرۋ تۋرالى ەكٸجاقتى كەلٸسٸم-شارت بارىن ەسكە سالدى. ول بٸرنەشە پروتسەدۋرادان تۇرادى.
ايتۋىنشا, ٶمٸر بويى باس بوستاندىعىنان ايىرۋ جازاسىن باس بوستاندىعىنان ايىرۋعا قايتا قاراۋ تۋرالى شەشٸم تۇرلىبايدى ەلگە قايتارۋعا تٸكەلەي سەپتٸگٸن تيگٸزەدٸ.
سونداي-اق قازاقستاننىڭ باس پروكۋراتۋراسىنا سوتتالعان ازاماتتى قايتارۋ تۋرالى قولداۋحات جٸبەرۋ كەرەك. نۇرماعامبەتوۆ ونى 2016 جىلدىڭ سەۋٸرٸندە جولداپ قويعان.
بۇدان بٶلەك, قازاقستان باس پروكۋراتۋراسى مەن سىرتقى ٸستەر مينيسترلٸگٸنٸڭ قىتاي تاراپىمەن ٶزارا ٸس-قيمىلى دا سوتتالعانداردى قايتارۋعا ەسەر ەتەدٸ.
اقجارقىن تۇرلىبايدىڭ ٸسٸ
قازاقستان ازاماتى اقجارقىن تۇرلىباي 2014 جىلى ناۋرىزدا گۋانچجوۋ ەۋەجايىندا ۇستالعان بولاتىن. وعان شەكارادان 4,5 كەلٸ ەسٸرتكٸنٸ الىپ ٶتپەك بولدى دەگەن ايىپ تاعىلدى. ول كەزدە وتانداسىمىز 20 جاستا بولعان ەدٸ. 2015 جىلدىڭ ماۋسىمىندا قىتاي سوتى ونى ٶمٸر بويىنا باس بوستاندىعىنان ايىردى. سوتتا اقجارقىن شەتەلدٸك دوسى الداپ كەتكەنٸن ايتىپ, كٸنەسٸن مويىنداعان جوق.
2016 جىلى سوت شەشٸمٸ جويىلىپ, ٸس قايتا قاراۋعا جٸبەرٸلدٸ.
اراعا ٷش جىل سالىپ, 2019 جىلدىڭ 27 جەلتوقسانىندا گۋانچجوۋ سوتى ٷكٸم شىعاردى – جازا ٶزگەرٸسسٸز قالدى.
2019 جىلى تۇرلىبايدىڭ اناسى زۋحرا سەيتٸموۆا قازاقستان پرەزيدەنتٸنە كٶمەك سۇراپ حات جازدى.
2019 جىلى قىركٷيەكتە پرەزيدەنت قاسىم-جومارت توقاەۆ قىتايعا ساپارى كەزٸندە ٸزگٸلٸك تانىتىپ, اقجارقىندى وتانىنا قايتارۋعا جەردەمدەسۋگە شاقىردى.
ادۆوكاتتىڭ ايتۋىنشا, اقجارقىن وتباسىمەن تۇراقتى حابارلاسىپ تۇرادى, حات جازادى.
بۇعان دەيٸن قازاقستاننىڭ قىتايداعى ەلشٸلٸگٸ تۇرلىباي قاسىنداعى سوتتالعاندارعا اعىلشىن تٸلٸن ٷيرەتٸپ جٷرگەنٸن حابارلاعان ەدٸ. سونىمەن قاتار, ول كٶركەم ەدەبيەت وقيدى, دەنە شىنىقتىرۋمەن دە اينالىسادى. قىتاي تٸلٸن جاقسى مەڭگەرٸپ العان.
