كوروناۆيرۋس ينفەكتسيياسىن جۇقتىرۋ قاۋپٸنٸڭ الدىن الۋ ماقساتىندا قىتايدا وقيتىن قازاقستان ستۋدەنتتەرٸنٸڭ كٶبٸ وقۋىن ونلاين رەجٸمدە جالعاستىرىپ جاتىر, دەپ حابارلايدى قازاقپارات.
«قىتايداعى قازاقستاندىق ستۋدەنتتەردٸڭ باسىم كٶبٸ ول ەلدەن كەتٸپ قالعان. ستۋدەنتتەردٸڭ ٶتكەن ايدا دەمالىس كٷندەرٸ سوزىلعان ەدٸ. قىتايداعى بٸراز ۋنيۆەرسيتەتتە وقۋ باستالىپ كەتكەنٸمەن, بٸرقاتارىندا وقۋ ونلاين-رەجٸمگە اۋىستىرىلدى. كٶبٸنەسە بٸزدٸڭ ستۋدەنتتەر ونلاين-رەجٸمدە وقۋىن قازاقستاندا جالعاستىرىپ جاتىر. بارلىق وقۋ ورىندارىندا ونلاين وقۋ جولعا قويىلدى دەپ ايتا المايمىن. سەبەبٸ قىتايداعى جوعارعى وقۋ ورىندارىنىڭ بەرٸندە ونداي تەحنيكالىق مٷمكٸندٸك جوق», - دەدٸ ايبەك سماديياروۆ تٸلشٸنٸڭ سۇراعىنا جاۋاپ بەرە وتىرىپ.
ەيتسە دە وسىنداي ونلاين وقىتۋعا تەحنيكالىق مٷمكٸندٸگٸ جوق ۋنيۆەرسيتەتتەردە وقيتىن جاستاردىڭ جاعدايى نە بولماق? سىرتقى ٸستەر مينيسترلٸگٸنٸڭ رەسمي ٶكٸلٸنٸڭ ايتۋىنا قاراعاندا ونداي جاعدايدا قازاقستاندىق ستۋدەنتتەر تٸكەلەي ۋنيۆەرسيتتەرگە شىعىپ, مەسەلەلەرٸن شەشۋٸ تيٸس.
«ەگەر «بولاشاق» باعدارلاماسى بويىنشا بارعان ستۋدەنتتەر بولسا ونداي جاعدايدا كەلٸسسٶز جٷرگٸزەمٸز. ال جەكە ٶزٸ تٷسكەن ستۋدەنتتەردٸڭ مەسەلەسٸنە ارالاسا المايمىز. ولاردىڭ ٶزدەرٸ شەشٸم قابىلداپ, تٸكەلەي ۋنيۆەرسيتەتپەن سٶيلەسۋٸ كەرەك», - دەدٸ ول.
ايبەك سماديياروۆ قىتايدان كوروناۆيرۋس ينفەكتسيياسى تاراعان ۋحان قالاسىنان كەتۋدەن باس تارتقان بٸرقاتار قازاقستاندىق ستۋدەنت بارىن دا ايتىپ ٶتتٸ.
ەسكە سالا كەتسەك 2020 جىلدىڭ 2 اقپانىندا قر دسم ۇلتتىق شۇعىل مەديتسينا ٷيلەستٸرۋ ورتالىعى قىتايدىڭ ۋحان قالاسىنان 83 قازاقستاندىقتى, ونىڭ ٸشٸندە 80 ستۋدەنتتٸ ەلگە جەتكٸزگەن ەدٸ.
ارادا ەكٸ اپتا ٶتكەننەن كەيٸن ۋحاننان ەۆاكۋاتسييالانعان ستۋدەنتتەر ەلورداداعى كٶپسالالى مەديتسينالىق ورتالىقتىڭ جۇقپالى اۋرۋلار بٶلٸمٸنەن شىعارىلدى. ولاردىڭ ەشبٸرٸندە كوروناۆيرۋس ينفەكتسيياسى انىقتالعان جوق.
