قىتايدا جاڭا كوروناۆيرۋس ينفەكتسيياسىنا قارسى 800 ميلليوننان اسا ۆاكتسينا سالىندى. بۇل تۋرالى سەرسەنبٸ كٷنٸ قىتايدىڭ دەنساۋلىق ساقتاۋ ٸستەرٸ جٶنٸندەگٸ مەملەكەتتٸك كوميتەتٸنەن مەلٸم ەتتٸ, دەپ حابارلايدى "ۇلت اقپارات".
بەيٸندٸ ۆەدومستۆونىڭ رەسمي دەرەكتەرٸ بويىنشا, 2021 جىلدىڭ 9 ماۋسىمىندا 31 پروۆينتسييا مەن شىڭجاڭ ٶندٸرٸستٸك-قۇرىلىستىق كورپۋسىندا بارلىعى كوروناۆيرۋسقا قارسى ۆاكتسينانىڭ 808 962 000 دوزاسى ەگٸلگەن.
قىتايدىڭ دەنساۋلىق ساقتاۋ ٸستەرٸ جٶنٸندەگٸ مەملەكەتتٸك كوميتەتٸ وسى جىلدىڭ اياعىنا دەيٸن حالىقتىڭ كەم دەگەندە 70%-ى COVID-19-عا قارسى ەكپە الادى دەپ كٷتەدٸ.
ٶتكەن تەۋلٸكتە قۇرلىقتىق قىتايدا COVID-19 جۇقتىرۋدىڭ 16 جاڭا وقيعاسى (ولاردىڭ 8-ٸ – جەرگٸلٸكتٸ) تٸركەلگەن, ٶلٸم سانى جوق. كوروناۆيرۋستى جەرگٸلٸكتٸ جۇقتىرۋدىڭ سەگٸز وقيعاسى دا قىتايدىڭ وڭتٷستٸگٸندەگٸ گۋاندون پروۆينتسيياسىندا انىقتالعان.
سوڭعى رەسمي دەرەكتەرگە سٷيەنسەك, قۇرلىقتىق قىتايدا COVID-19 جۇقتىرعان ناۋقاستاردىڭ 94,47%-ى جازىلىپ شىققان. 2019 جىلدىڭ جەلتوقسانىنان باستاپ كوروناۆيرۋس جۇقتىرعاندار سانى 91 316-عا جەتتٸ. ٶلٸم كٶرسەتكٸشٸ – 5,07% (كوروناۆيرۋستان 4 636 ادام قايتىس بولعان).
