Qytaida jańa koronavirýs infektsiiasyna qarsy 800 millionnan asa vaktsina salyndy. Bul týraly sársenbi kúni Qytaidyń Densaýlyq saqtaý isteri jónindegi memlekettik komitetinen málim etti, dep habarlaidy "Ult aqparat".
Beiindi vedomstvonyń resmi derekteri boiynsha, 2021 jyldyń 9 maýsymynda 31 provintsiia men Shyńjań óndiristik-qurylystyq korpýsynda barlyǵy koronavirýsqa qarsy vaktsinanyń 808 962 000 dozasy egilgen.
Qytaidyń Densaýlyq saqtaý isteri jónindegi memlekettik komiteti osy jyldyń aiaǵyna deiin halyqtyń kem degende 70%-y COVID-19-ǵa qarsy ekpe alady dep kútedi.
Ótken táýlikte qurlyqtyq Qytaida COVID-19 juqtyrýdyń 16 jańa oqiǵasy (olardyń 8-i – jergilikti) tirkelgen, ólim sany joq. Koronavirýsty jergilikti juqtyrýdyń segiz oqiǵasy da Qytaidyń ońtústigindegi Gýandon provintsiiasynda anyqtalǵan.
Sońǵy resmi derekterge súiensek, qurlyqtyq Qytaida COVID-19 juqtyrǵan naýqastardyń 94,47%-y jazylyp shyqqan. 2019 jyldyń jeltoqsanynan bastap koronavirýs juqtyrǵandar sany 91 316-ǵa jetti. Ólim kórsetkishi – 5,07% (koronavirýstan 4 636 adam qaitys bolǵan).
