سىرتقى ٸستەر مينيسترلٸگٸ قىتايدا ەسٸرتكٸ كونترابانداسىمەن ايىپتالعان اقجارقىن تۇرلىبايعا قاتىستى قوزعالعان قىلمىستىق ٸس بويىنشا سوت وتىرىسى ٶتكەنٸن جارييا ەتتٸ, دەپ حابارلايدى "ۇلت اقپارات".
«بٷگٸن گۋانچجوۋ سوتىندا ەسٸرتكٸ كونترابانداسىمەن ايىپتالعان اقجارقىن تۇرلىبايعا قاتىستى قوزعالعان قىلمىستىق ٸس بويىنشا وتىرىس ٶتتٸ. وتىرىس بارىسىندا قورعاۋشى تاراپ ۇسىنعان قىلمىستىق ٸستٸڭ ماتەريالدارى قارالدى. وتىرىسقا قورعاۋشىلار, قازاقستاننىڭ قىتايداعى ەلشٸلٸگٸنٸڭ ٶكٸلدەرٸ, اقجارقىن تۇرلىبايدىڭ اناسى جەنە اۋدارماشى قاتىستى. كەزدەسۋ ساعات 10.00-نان باستاپ (گۋانچجوۋ ۋاقىتى) 2 ساعاتتان استام ۋاقىتقا سوزىلدى», - دەلٸنگەن قر سىرتقى ٸستەر مينيسترلٸگٸنٸڭ Telegram-داعى پاراقشاسىندا.
مينيسترلٸكتٸڭ حابارلاۋىنشا, اقجارقىن تۇرلىبايدىڭ دەنساۋلىعى جاقسى. سوتتا ٶزٸن-ٶزٸ جاقسى ۇستاپ, سوت تاراپىنان قويىلعان سۇراقتارعا ٶز بەتٸنشە قىتاي تٸلٸندە تٷسٸنٸكتەمە بەرگەن.
«ٷكٸمنٸڭ جارييالاناتىن كٷنٸ اشىق», دەلٸنگەن حابارلامادا.
سونداي-اق, مينيسترلٸك بيۋدجدەت ەسەبٸنەن ادۆوكات جالدانعانىن مەلٸمدەدٸ.
"تۇرلىبايدىڭ زاڭدى قۇقىقتارىن جەنە مٷددەلەرٸن سوتتا قورعاۋ ماقساتىندا "شەتەلدە قازاقستاننىڭ مٷددەلەرٸن بٸلدٸرۋ" باعدارلاماسى بويىنشا رەسپۋبليكالىق بيۋدجەتتەن بٶلٸنگەن قاراجاتقا بەيجٸڭنٸڭ "داحەن" ادۆوكاتتىق كومپانيياسىنان بٸلٸكتٸ زاڭگەر جۇمىسقا تارتىلدى", - دەلٸنگەن حابارلامادا.
ەسكە سالا كەتەيٸك, 21 جاستاعى قازاق قىزى اقجارقىن تۇرلىباي 2014 جىلدىڭ ناۋرىز ايىندا قىتايدىڭ مالايزييامەن شەكاراسىندا ەسٸرتكٸمەن ۇستالعان بولاتىن. ونىڭ جٷك سٶمكەسٸنەن 4,5 كەلٸ ەسٸرتكٸ تابىلدى, اقجارقىن ول تۋرالى بٸلمەيتٸنٸن مەلٸمدەگەن. وسى ٸس بويىنشا قىتايدىڭ گۋانچجوۋ سوتى اقجارقىن تۇرلىبايدى ەسٸرتكٸ كونترابانداسىمەن ايىپتاپ, ٶمٸر بويىنا باس بوستاندىعىنان ايىردى. 2016 جىلى 7 سەۋٸردە اپەللياتسييالىق ساتىداعى سوت اقجارقىن تۇرلىبايدى ٶمٸر بويىنا باس بوستاندىعىنان ايىرۋ جازاسىن ٶزگەرتۋ جەنە ٸستٸ بٸرٸنشٸ ساتىداعى سوتتىڭ قاراۋىنا جٸبەرۋ تۋرالى قاۋلى ەتكەن بولاتىن.
