بٷگٸندە ٷلكەن ەرٸپتەسٸمٸزگە اينالىپ وتىرعان قىتاي تٸلٸنە كٶڭٸل بٶلۋٸمٸز كەرەك. بۇل جٶنٸندە مەملەكەت باسشىسى «جاڭا گۋمانيتارلىق بٸلٸم. قازاق تٸلٸندەگٸ 100 جاڭا وقۋلىق» جوباسى بويىنشا قازاق تٸلٸنە اۋدارىلعان 18 كٸتاپتىڭ سالتاناتتى تۇساۋكەسەر شاراسىندا مەلٸمدەدٸ, دەپ حابارلايدى Baq.kz تٸلشٸسٸ.
«قانشا تٸل بٸلسە, ادام سونشالىقتى مەدەنيەتتٸ» دەگەن سٶز بار ەمەس پە?! بۇل وڭاي ٸس ەمەس. كەيدە بالالاردى ايايسىڭ. ولار ونسىز دا تەۋلٸك بويى بوس ەمەس. الايدا, قازٸر ولاردى ايايتىن بولساڭىز, ەرتەڭ ٶزٸڭٸزگە ۇرىسادى. بٸزدٸ, مەنٸڭ زامانداستارىمدى مٷلدە وقىتقان جوق. باستى مەسەلە اشتان ٶلٸپ قالماي, امان قالۋ بولىپ تۇرعاندا, قايدان وقىتسىن? ال قازٸر وقىتۋ كەرەك. كٷشتەپ وقىتۋ كەرەك. ۇلى فيلوسوف شوپەنگاۋەر ٶزٸنە تيٸستٸنٸ جاتتاعانىنا دەيٸن ەكەسٸ ونى ٷش كٷن قاماۋدا ۇستاعانىن جازادى. سول سيياقتى, كٶپتەگەن ۇلى كومپوزيتورلاردى دا اتا-انالارى وسىنداي قاتالدىقپەن وقىتقان. مٷمكٸن ولارعا سول كەزدە ۇناماعان بولار, ال ەسەيگەن سوڭ راحمەتٸن ايتادى», - دەدٸ پرەزيدەنت.
نازارباەۆ بٸرنەشە تٸل بٸلۋ ٷلكەن مٷمكٸندٸكتەرگە ەسٸك اشاتىنىن ايتتى.
«بٸرنەشە تٸل بٸلۋ بەسەكەلەستٸكتٸ ارتتىرىپ قانا قويماي, ٷلكەن مٷمكٸندٸكتەرگە ەسٸك اشادى. بٸزدە مىڭداعان شەتەلدٸك كومپانييا جۇمىس جاسايدى. ولاردىڭ ەرقايسىسى ٶزٸنە جۇمىسشى ٸزدەيدٸ. ال, ەگەر, ول تٸل بٸلمەسە, قايتٸپ الادى? جالپى, بٸز مىنا قىتايدىڭ تٸلٸنە دە كٶڭٸل اۋدارۋىمىز كەرەك. ەڭ ٷلكەن ەرٸپتەسٸمٸز بولىپ كەلە جاتىر. وسىنىڭ بارلىعى ادام كاپيتالىنىڭ ساپاسىن, ەلدٸڭ ينتەللەكتۋالدىق قۋاتىن بٸلدٸرەدٸ. بٸز بالالارىمىز ٷش تٸلدە بٸلٸم الۋى ٷشٸن بارلىق جاعدايدى جاساپ جاتىرمىز. بۇل بالالار ٷشٸن تەك جاقسى نەرسە, ەش جاماندىعى جوق. شۆەيتسارييادا قاراپايىم تاكسيست تٶرت تٸل بٸلەدٸ. سەبەبٸ, وندا اعىلشىن, فرانتسۋز, نەمٸس جەنە يتالييا تٸلٸ مٸندەتتٸ بولىپ تابىلادى. ول تٸلدەردٸڭ بارلىعى مەملەكەتتٸك تٸلدەر. ەشتەڭە جوق, سولاي ٶمٸر سٷرٸپ جاتىر عوي», - دەدٸ ەلباسى.
