پەكين اقش-تىڭ تايۆانعا بايلانىستى ساياساتىن سىنادى. تەۋەلسٸز ەل رەتٸندە ٸشٸنارا مويىندالعان تايۆان رەسپۋبليكاسىنىڭ باسشىسى اقش-قا بارعانى بەلگٸلٸ بولعان سوڭ پەكين ارنايى مەلٸمدەمە جاسادى, دەپ حابارلايدى ازاتتىق.
پەكيننٸڭ ەكونوميكالىق قىسىمىنا قاراماستان كاريب ايماعىندا تايۆانمەن ديپلوماتييالىق قارىم-قاتىناسىن ساقتاپ قالعان بٸرنەشە مەملەكەت بار. وسى ايماققا ساپارى كەزٸندە تساي ينۆەن جولشىباي اقش-قا بارىپ, بٸرقاتار كەزدەسۋلەرگە قاتىسقان.
اقش-تا تساي ينۆەن كونگرەسس مٷشەلەرٸمەن كەزدەسٸپ, تايۆان ارالىمەن ٶزٸندٸك ساۋدا قارىم-قاتىناسىن ورناتقان ۆايومينگ شتاتىنا بارعان. نيۋ-يوركتاعى اتاقتى كولۋمبييا ۋنيۆەرسيتەتٸندە ستۋدەنتتەرمەن كەزدەسكەن.
قىتايدىڭ سىرتقى ٸستەر مينيسترٸ تساي ينۆەننٸڭ اقش-قا ساپارىن ٶتكٸر سىناپ, اق ٷي ونىمەن "رەسمي بايلانىس ورناتۋدى توقتاتۋى كەرەك" دەپ مەلٸمدەدٸ. اقش مەملەكەتتٸك دەپارتامەنتٸ ونىڭ "رەسمي ەمەس, جەكە شارۋالارىمەن ساپارلاپ" جٷرگەنٸن ايتقان.
جارتى جىلدان سوڭ تايۆاندا جالپىحالىقتىق سايلاۋ ٶتەدٸ. ساراپشىلاردىڭ پٸكٸرٸنشە, سايلاۋ قىتايدان نەعۇرلىم تەۋەلسٸز ساياسات جٷرگٸزۋگە تالپىنىپ وتىرعان تايۆان مەن پەكين اراسى ۋشىققان كەزبەن تۇسپا-تۇس كەلەدٸ. رەسمي پەكيننٸڭ سىنىنا قاراماستان تايۆان اقش-پەن ەسكەري-تەحنيكالىق ەرٸپتەستٸكتٸ جالعاستىرىپ وتىر.
جاقىندا ترامپ ەكٸمشٸلٸگٸ 2,2 ميلليارد دوللارعا باعالانعان ٸرٸ كٶلەمدە قورعانىس ەسكەري تەحنيكاسىن ارالعا جەتكٸزۋدٸ ماقۇلداعان. وعان جاۋاپ رەتٸندە قىتاي تايۆانعا قارۋ-جاراق تاسىمالدايتىن امەريكالىق كومپانييالارعا تاريحتا تۇڭعىش رەت سانكتسييا سالدى.
