قىتاي كوروناۆيرۋستىڭ جاڭا شتاممىنىڭ انىقتالۋىنا بايلانىستى ۇلىبريتانييامەن ەۋە قاتىناسىن توقتاتتى. بەيسەنبٸ كٷنٸ قحر سىرتقى ٸستەر مينيسترلٸگٸنٸڭ رەسمي ٶكٸلٸ ۆان ۆەنبين وسىنداي مەلٸمدەمە جاسادى, دەپ حابارلايدى "ۇلت اقپارات".
«جاقىندا ۇلىبريتانييا كوروناۆيرۋستىڭ جاڭا شتاممى انىقتالعانىن جارييالادى جەنە بۇل جايلى دٷنيەجٷزٸلٸك دەنساۋلىق ساقتاۋ ۇيىمىنا حابارلادى. ٶزگە دە كٶپتەگەن ەلدەر ۇلىبريتانييامەن ەۋە قاتىناسىن توقتاتۋ, شەكارانى جابۋ بويىنشا شارالار قابىلداعانىن مەلٸمدەدٸ», - دەدٸ ديپلومات.
«ۆيرۋستىڭ مۋتاتسيياسى مەن ونىڭ ىقتيمال ەسەرٸن ەسكەرە وتىرىپ, ادام دەنساۋلىعىن ساقتاۋ ماقساتىندا, سونداي-اق باسقا مەملەكەتتەردٸڭ تەجٸريبەسٸن ەسكەرە وتىرىپ, قىتاي ۇلىبريتانييامەن ەۋە قاتىناسىن توقتاتادى», - دەپ اتاپ ٶتتٸ ول.
بۇعان دەيٸن كەيبٸر قىتايلىق ەۋە كومپانييالار قىتاي مەن ۇلىبريتانييا اراسىنداعى رەيستەردٸ توقتاتقان بولاتىن. سونىڭ ٸشٸندە ەڭ ٸرٸ China Southern Airlines تە بار.
ۇلىبريتانيياداعى قحر ەلشٸلٸگٸ لوندون مەن مانچەستەردەگٸ ۆيزالىق ورتالىقتارىن جاۋىپ تاستادى.
ٶتكەن دٷيسەنبٸدە گونكونگ پەن ۇلىبريتانييا اراسىنداعى ەۋە قاتىناسى دا توقتاتىلعان ەدٸ. گونكونگتىڭ دەنساۋلىق ساقتاۋ ورگاندارى وسى اپتادا ۇلىبريتانييادان ورالعان ەكٸ ستۋدەنتتٸڭ ۇلىبريتانييادا تابىلعان كوروناۆيرۋستىڭ جاڭا شتاممىمەن اۋىرعانىن انىقتادى.
