قىتايدىڭ قازاقستانداعى ەلشٸسٸ چجان سياو جاڭاٶزەندە ٶتكەن ميتينگكە قاتىستى تٷسٸنٸكتەمە بەردٸ, دەپ حابارلايدى Sputnik قازاقستان.
"وسى ميتينگتە ايتىلعان ويلار مەن سٶزدەر – سونداي كٷلكٸلٸ. ولار سول ارقىلى قازاقستاننىڭ ٷكٸمەتتٸك ورگاندارىنىڭ قۇزىرەتتٸلٸگٸ مەن كەسٸبيلٸگٸنە كٷمەن كەلتٸرەدٸ. مەنٸڭ ولارعا بٸر عانا سۇراعىم بار: "سەندەردٸڭ ەستەرٸڭ دۇرىس پا?", - دەدٸ سياو جاڭاٶزەندە قىتاي زاۋىتتارىنىڭ سالۋىنا قارسى شىققان نارازى توپقا قاتىستى پٸكٸر بٸلدٸرٸپ.
وسى ورايدا ەلشٸ قازاقستان مەن قىتاي بٸرلەسٸپ ٸسكە اسىراتىن 55 جوبانىڭ بٸرٸن مىسالعا كەلتٸردٸ.
"شىمكەنتتەگٸ مۇناي ٶڭدەۋ زاۋىتىن الايىق. مەن وعان بىلتىر بارىپ كەلگەن ەدٸم. زاۋىت ٶتە ەسكٸ, كەڭەس زامانىندا سالىنعان. ەشقانداي زاماناۋي تەحنولوگييالىق نورمالارعا ساي ەمەس ەدٸ. قالانىڭ اۋاسىن, نەگٸزٸنەن, وسى زاۋىت لاستايتىن. بٸراق, بٸزدٸڭ بٸرلەسكەن كٷش-جٸگەرٸمٸزدٸڭ ارقاسىندا كەسٸپورىن تولىعىمەن جاڭاردى. تولىق قۋاتتىلىققا كٶشتٸ. سونىڭ ارقاسىندا قازٸر قازاقستان ٶزٸن عانا ساپالى ەرٸ وتاندىق بەنزينمەن قامتاماسىز ەتٸپ وتىرعان جوق, جانار-جاعارمايدى كٶرشٸ ەلدەرگە دە ەكپورتتاي باستادى. رەسمي دەرەككە سٷيەنسەك, بٷگٸندە تمد ەلدەرٸمەن سالىستىرعاندا, ەڭ ارزان بەنزين قازاقستاندا", - دەدٸ ول.
چجان سياونىڭ ايتۋىنشا, قىتاي مەسەلەسٸ قازاقستاندا بۇرىننان بار, ەبدەن جاۋىر بولعان تاقىرىپ.
ونىڭ پايىمىنشا, ميتينگكە شىققان نارازى توپتىڭ ارتىندا ەكٸ ەلدٸڭ قارىم-قاتىناسىنا سىزات تٷسٸرگٸسٸ كەلەتٸن نەبٸر كٷشتەر بار.
"بٸراق مەن ولاردىڭ بۇل ەرەكەتٸنەن تٷك شىقپايتىنىن ايتقىم كەلەدٸ. ٶيتكەنٸ ولار ارام پيعىلمەن, گەوساياسي مٷددەنٸ كٶزدەپ ەرەكەت ەتٸپ وتىر", - دەدٸ سياو.
ەلشٸ "قىتاي قازاقستاندى جاۋلاپ العالى جاتىر, ٶز حالقىن كٶشٸرٸپ ەكەلمەكشٸ" دەۋگە ەش نەگٸز جوق.
"رەسمي اقپاراتقا سٷيەنسەك, قىتاي قازاقستان ەكونوميكاسىنا ينۆەستيتسييا قۇيعان ەلدەردٸڭ ٷزدٸك ٷشتٸگٸنە دە ەنبەگەن. سوندىقتان مۇنىڭ بەرٸ بوس سٶز", - دەپ تٷيٸندەدٸ ول.
ايتا كەتسەك, 2 قىركٷيەكتە جاڭاٶزەندە جٷزدەگەن ادام ەكٸمدٸكتٸڭ الدىنا جينالعان ەدٸ. ولار قازاقستاندا قىتايلىق زاۋىتتاردىڭ قۇرىلىسىنا تىيىم سالۋدى تالاپ ەتكەن.
كەيٸنٸرەك سىرتقى ٸستەر مينيسترٸنٸڭ ورىنباسارى ەرمەك كٶشەرباەۆ بريفينگ ٶتكٸزٸپ, قىتايدىڭ ەسكٸ زاۋىتتارى قازاقستانعا كٶشٸرٸلەدٸ دەگەن اقپاراتتىڭ شىندىققا جاناسپايتىنىن مەلٸمدەگەن بولاتىن.
ال بٷگٸن ٸشكٸ ٸستەر مينيسترٸ ەرلان تۇرعىمباەۆ جاڭاٶزەندە بەرٸ تىنىش ەكەنٸن ايتتى.
