بٷگٸن قر تۇڭعىش پرەزيدەنتٸ - ەلباسىنىڭ كٸتاپحاناسىندا قحر تٶراعاسى سي تسزينپيننٸڭ قازاق تٸلٸندەگٸ «ەل باسقارۋ جٶنٸندە» اتتى كٸتابىنىڭ تانىستىرىلىمى ٶتتٸ, دەپ حابارلايدى قازاقپارات.
«قحر تٶراعاسى سي تسزينپيننٸڭ قازاق تٸلٸندە جارىق كٶرگەن «ەل باسقارۋ جٶنٸندە» كٸتابىنىڭ تۇساۋكەسەرٸ ەكٸ ەلدٸڭ اراسىنداعى ديپلوماتييالىق قارىم-قاتىناستاردىڭ ورناۋىنىڭ 25 جىلدىعى تۇسىندا ٶتٸپ وتىرۋىنىڭ تەرەڭ سيمۆولدىق مەنٸ بار دەپ ويلايمىن. وسى جىلداردا ەكٸجاقتى قارىم-قاتىناستار ٶزارا ۇدايى سەنٸمدٸ ەر كونسترۋكتيۆتٸ جاعدايدا دامىپ كەلەدٸ. قىتاي قازاقستاننىڭ ستراتەگييالىق وداقتاسى ەرٸ باستى ساۋدا-ەكونوميكالىق سەرٸكتەستەرٸنٸڭ بٸرٸ بولىپ تابىلادى. قازٸرگٸ تاڭدا قازاقستان مەن قىتايدىڭ قارىم-قاتىناستارى جاڭا دەڭگەيگە كٶتەرٸلٸپ وتىر. عاسىرلار بويى شىعىس پەن باتىستى جالعاستىرىپ كەلگەن ۇلى جٸبەك جولىنىڭ بٷگٸندە ەكٸنشٸ تىنىسى اشىلدى دەپ ايتۋعا بولادى. قحر-دىڭ باستاماشىلىق تانىتىپ جەنە جٷزەگە اسىرىپ جاتقان «بٸر بەلدەۋ, بٸر جول» باعدارلاماسى ۇلى جٸبەك جولى بويىنداعى كٶپتەگەن ەلدەردٸڭ ىنتىماقتاستىعى ٷشٸن زور مٷمكٸندٸكتەر اشادى», - دەدٸ كٸتاپتىڭ تانىستىرىلىمىندا سٶز سٶيلەگەن قر پرەزيدەنتٸ كەڭسەسٸ باسشىسىنىڭ ورىنباسارى باقىتجان تەمٸربولات.
ال قىتايدىڭ قازاقستانداعى تٶتەنشە جەنە ٶكٸلەتتٸ ەلشٸسٸ چجان حانحوي اتالعان كٸتاپتا قىتاي حالقىنىڭ ۇلى ارمانىن قالاي جٷزەگە اسىرۋى تۋرالى باياندالعانىن ايتتى.
«قىتاي مەن قازاقستاننىڭ بٸرلەسە وتىرىپ, بۇل كٸتاپتى جارىققا شىعارۋى ەكٸ ەلدٸڭ ىنتىماقتاستىعى ٷشٸن بارىنشا ماڭىزدى شارا. ەكٸ ەلدٸڭ بٸر-بٸرٸنەن تەجٸريبە الماسۋىنا سەپتٸگٸن تيگٸزٸپ, مەملەكەتتەردٸڭ بٸرلەسكەن ستراتەگييالارىنا تىڭ سەرپٸلٸس بەرەدٸ. بۇعان قوسا ەكٸ ەلدٸڭ قارىم-قاتىناستارىنىڭ دەڭگەيٸ جوعارى ەكەندٸگٸن اڭعارتادى. قر پرەزيدەنتٸ نۇرسۇلتان نازارباەۆتىڭ ارنايى شاقىرۋىمەن قحر تٶراعاسى سي تسزينپين مىرزا قازاقستانعا ٷشٸنشٸ رەسمي ساپارىمەن كەلەدٸ جەنە شىۇ-عا مٷشە مەملەكەتتەر باسشىلارىنىڭ وتىرىسىنا, ەكسپو-2017 مامانداندىرىلعان حالىقارالىق كٶرمەسٸنٸڭ رەسمي اشىلۋ سالتاناتىنا قاتىسادى», - دەدٸ چجان حانحوي.
قر تۇڭعىش پرەزيدەنتٸ - ەلباسى قورى جانىنداعىەلەمدٸك ەكونوميكا جەنە ساياسات ينستيتۋتىنىڭ ديرەكتورى ەرجان سالتىباەۆ سي تسزينپيننٸڭ «ەل باسقارۋ جٶنٸندە» كٸتابى 2014 جىلدان بەرٸ 100-دەن استام مەملەكەتتە 6 ملن دانامەن باسىلىپ شىققانىن اتاپ ٶتتٸ.
«بۇل كٸتاپتىڭ قازاق تٸلٸندە اۋدارىلۋى مەملەكەت باسشىسىنىڭ ٷزدٸك زامانۋي ەدەبيەتتەردٸ قازاق تٸلٸنە اۋدارۋ بويىنشا قويعان تاپسىرمالارىنا جاۋاپ بەرٸپ, مەملەكەتتٸك تٸلدەگٸ ەدەبيەت قورىن تولىقتىرادى. سونىمەن قاتار وقىرمان اۋديتوريياسى ايتارلىقتاي ۇلعايادى», - دەدٸ ول.
ايتا كەتەيٸك, كٸتاپقا سي تسزينپيننٸڭ 2012 جىلدىڭ 15 قاراشاسىنان 2014 جىلدىڭ 13 ماۋسىمىنا دەيٸن كٶپشٸلٸك الدىندا سٶيلەگەن 79 سٶزٸ, سۇحباتى, بايانداماسى, وقىعان دەرٸستەرٸ مەن قۇتتىقتاۋ حاتتارى ەنگەن.
