ۋكراينا فۋتبول قاۋىمداستىعىنىڭ پرەزيدەنتٸ اندرەي پاۆەلكو Facebook جەلٸسٸندەگٸ پاراقشاسىندا ۋكراينا ۇلتتىق قۇراماسىنىڭ ەۋرو-2020 تۋرنيرٸندە كيەتٸن جاڭا جەيدەسٸن كٶرسەتتٸ, - دەپ حابارلايدى Tengrinews.kz.
بۇل جەيدەدە ۋكراينانىڭ كارتاسى كٶرسەتٸلگەن. "قىرىم, دونەتسك, لۋگانسك, كيەۆ, دنەپر, لۆوۆ, ودەسسا جەنە بارلىق قالا مەن اۋىل بار", - دەدٸ پاۆەلكو.
جەيدەنٸڭ ارتقى جاعىندا ۋكراين تٸلٸندە "سلاۆا ۋكراينە!", ال ٸشكٸ جاعىندا "گەرويام سلاۆا!" دەپ جازىلعان. مۇنى پاۆەلكو جارييالاعان فوتوسۋرەتتەردەن كٶرۋگە بولادى.
"بٸز ۋكراينانىڭ سۇلباسى ويىنشىلارعا كٷش بەرەدٸ دەپ سەنەمٸز, ٶيتكەنٸ ولار بٷكٸل ۋكراينا ٷشٸن كٷرەسەدٸ. ال بٷكٸل ۋكراينا, سەۆاستوپول مەن سيمفەروپولدان كيەۆكە دەيٸن, دونەتسك پەن لۋگانسكٸدەن ۋجگورودقا دەيٸن ولاردى ەر ماتچتا قولدايدى", - دەپ جازدى ۋكراينا فۋتبول قاۋىمداستىعىنىڭ پرەزيدەنتٸ.
مەسكەۋ ۋكراينالىق فۋتبولشىلاردىڭ بۇل جەيدەسٸن سىنعا الدى. رەسەي مەملەكەتتٸك دۋماسىنىڭ دەپۋتاتى دميتريي سۆيششەۆ ۋەفا-نى بۇل جەيدەگە تىيىم سالۋعا شاقىردى. سەناتور سەرگەي تسەكوۆ جەيدەدە "ۇلتشىلدىق ۇراندار" جازىلعانىن ايتتى.
رەسەي سىرتقى ٸستەر مينيسترلٸگٸنٸڭ رەسمي ٶكٸلٸ مارييا زاحاروۆا Facebook جەلٸسٸندەگٸ پاراقشاسىندا "ۋكراينانىڭ فۋتبول كومانداسى ٶز جەيدەسٸندە ۋكراينا اۋماعىن رەسەيدٸڭ قىرىمىنا قوسىپ قويدى" دەپ جازدى.
Euronews مەلٸمەتٸنشە, ەگەر ۋكراينا قۇراماسى سانكت-پەتەربۋرگتە ٶتەتٸن شيرەك فينالعا شىقسا, ۋەفا ەۋروپا چەمپيوناتىنىڭ پلەي-وفف كەستەسٸن ٶزگەرتپەيدٸ. ەۋروپالىق فۋتبول قاۋىمداستىقتارىنىڭ وداعى مەسكەۋدٸڭ نارازىلىعىنا قاراماستان, بۇل جەيدەنٸ ماقۇلدادى.
رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ تە بۇل اقپاراتقا قاتىستى پٸكٸر بٸلدٸرگەن: "بۇل چەمپيونات ۇيىمداستىرۋشىلارىنىڭ قۇزىرىندا. سپورت - بۇل سپورت. بٸز ورىستار مەن ۋكرايندار اراسىنداعى ٶشپەندٸلٸكتٸ قوزدىرۋدان جوعارى بولۋىمىز كەرەك. بٸز بۇعان قاشان دا قارسى بولعانبىز. كەرٸسٸنشە, بٸز ەكٸ تۋىس حالىق ەكەنٸمٸزگە سەنٸمدٸمٸز".
فۋتبولدان ەۋروپا چەمپيوناتى 11 ماۋسىمدا باستالادى. سانكت-پەتەربۋرگتە تۋرنيردٸڭ جەتٸ ماتچى ٶتەدٸ, ونىڭ ٸشٸندە شيرەك فينال ويىنى بار. ۋكراينا قۇراماسى گوللاندييا, سولتٷستٸك ماكەدونييا جەنە اۆسترييامەن س توبىندا وينايدى.
