Ýkraina fýtbol qaýymdastyǵynyń prezidenti Andrei Pavelko Facebook jelisindegi paraqshasynda Ýkraina ulttyq quramasynyń Eýro-2020 týrnirinde kietin jańa jeidesin kórsetti, - dep habarlaidy Tengrinews.kz.
Bul jeidede Ýkrainanyń kartasy kórsetilgen. "Qyrym, Donetsk, Lýgansk, Kiev, Dnepr, Lvov, Odessa jáne barlyq qala men aýyl bar", - dedi Pavelko.
Jeideniń artqy jaǵynda ýkrain tilinde "Slava Ýkraine!", al ishki jaǵynda "Geroiam slava!" dep jazylǵan. Muny Pavelko jariialaǵan fotosýretterden kórýge bolady.
"Biz Ýkrainanyń sulbasy oiynshylarǵa kúsh beredi dep senemiz, óitkeni olar búkil Ýkraina úshin kúresedi. Al búkil Ýkraina, Sevastopol men Simferopoldan Kievke deiin, Donetsk pen Lýganskiden Ýjgorodqa deiin olardy ár matchta qoldaidy", - dep jazdy Ýkraina fýtbol qaýymdastyǵynyń prezidenti.
Máskeý ýkrainalyq fýtbolshylardyń bul jeidesin synǵa aldy. Resei Memlekettik Dýmasynyń depýtaty Dmitrii Svishev ÝEFA-ny bul jeidege tyiym salýǵa shaqyrdy. Senator Sergei Tsekov jeidede "ultshyldyq urandar" jazylǵanyn aitty.
Resei Syrtqy ister ministrliginiń resmi ókili Mariia Zaharova Facebook jelisindegi paraqshasynda "Ýkrainanyń fýtbol komandasy óz jeidesinde Ýkraina aýmaǵyn Reseidiń Qyrymyna qosyp qoidy" dep jazdy.
Euronews málimetinshe, eger Ýkraina quramasy Sankt-Peterbýrgte ótetin shirek finalǵa shyqsa, ÝEFA Eýropa chempionatynyń plei-off kestesin ózgertpeidi. Eýropalyq fýtbol qaýymdastyqtarynyń odaǵy Máskeýdiń narazylyǵyna qaramastan, bul jeideni maquldady.
Resei prezidentiniń baspasóz hatshysy Dmitrii Peskov te bul aqparatqa qatysty pikir bildirgen: "Bul chempionat uiymdastyrýshylarynyń quzyrynda. Sport - bul sport. Biz orystar men ýkraindar arasyndaǵy óshpendilikti qozdyrýdan joǵary bolýymyz kerek. Biz buǵan qashan da qarsy bolǵanbyz. Kerisinshe, biz eki týys halyq ekenimizge senimdimiz".
Fýtboldan Eýropa chempionaty 11 maýsymda bastalady. Sankt-Peterbýrgte týrnirdiń jeti matchy ótedi, onyń ishinde shirek final oiyny bar. Ýkraina quramasy Gollandiia, Soltústik Makedoniia jáne Avstriiamen S tobynda oinaidy.
