ۋكراينا پرەزيدەنتٸ ۆلاديمير زەلەنسكيي حالقىنا ايتقان كەيٸنگٸ ٷندەۋٸندە ەلگە "ازاتتىق كەلەتٸنٸن" مەلٸمدەدٸ, - دەپ حابارلايدى Tengrinews.kz تٸلشٸسٸ DW سايتىنا سٸلتەمە جاساپ.
ۆلاديمير زەلەنسكيي "باسىپ الىنعان وڭتٷستٸك, دونباس, حاركوۆ وبلىسىنداعى ادامدارمەن سٶيلەسۋگە مٷمكٸندٸگٸ بار جانداردىڭ بارلىعىنا, ولارعا شىندىقتى ايتۋعا", ەڭ الدىمەن "ازاتتىق كەلەتٸنٸ تۋرالى" ايتۋعا شاقىردى.
"كيريللوۆكا, گەنيچەسك, بەرديانسك, مانگۋش, گورلوۆكا, دونەتسك, لۋگانسكٸگە ايتىڭىزدار. ۋكراينا جەرٸندە رەسەي تۋىن كٶرۋگە مەجبٷر بولعان حاركوۆ وبلىسىنداعى بارلىق ادامعا ايتىڭىزدار. ولارعا ۋكراينا ەسكەرٸ مٸندەتتٸ تٷردە كەلەتٸنٸن ايتىڭىز. ەرينە, بٸز قىرىمدى دا بوساتامىز. ۋكراينا تۋى يالتا مەن سۋداكتا, دجانكو مەن ەۆپاتورييا كٶگٸندە دە جەلبٸرەيدٸ.
قىرىمداعى باعا جەتپەس جەرٸمٸزدٸ باسىپ العان رەسەيلٸك شەنەۋنٸكتەردٸڭ ەرقايسىنىڭ ەسٸندە بولسىن: بۇل ولار ٷشٸن تىنىش جاتاتىن جەر ەمەس", - دەدٸ ۋكراينا پرەزيدەنتٸ وتانداستارىنا ارناعان كەزەكتٸ كەشكٸ ٷندەۋٸندە.
