2021 جىلعى 8 سەۋٸردە قر مەملەكەتتٸك حاتشىسى ق.كٶشەرباەۆتىڭ تٶراعالىعىمەن ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييانىڭ ەكٸنشٸ وتىرىسى ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
جيىن بارىسىندا ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ مەملەكەتتٸك كوميسسييا مەن ونىڭ ٶڭٸرلٸك فيليالدارىنىڭ بيىلعى اتقارعان قىزمەتٸ تالقىلاندى.
مەملەكەتتٸك كوميسسييانىڭ تٶراعاسى ق.كٶشەرباەۆ اتالعان كوميسسييانىڭ جۇمىسىن ۇيىمداستىرۋ كەزەڭٸ اياقتالىپ, ەلٸمٸزدٸڭ تٷرلٸ ارحيۆتەرٸندە عالىمداردىڭ جەنە ساراپشىلاردىڭ بەلسەندٸ زەرتتەۋ جۇمىستارى باستالعانىن اتاپ ٶتتٸ.
كوميسسييانىڭ قىزمەتٸن قامتاماسىز ەتۋ ٷشٸن ارنايى جوبالىق وفيس قۇرىلىپ, ونىڭ قۇرامىنا عالىمدار, زەرتتەۋشٸلەر جەنە مەملەكەتتٸك ورگانداردىڭ ٶكٸلدەرٸ كٸرگەن. سونىمەن قاتار مەملەكەتتٸك كوميسسييا جۇمىسىنىڭ بارلىق باعىتىن تولىق قامتۋ ٷشٸن 11 جۇمىس توبى قۇرىلدى. ەر توپ ٶز قىزمەتٸن قۋعىن-سٷرگٸن قۇرباندارىنىڭ ساناتىنا سەيكەس تاقىرىپتىق جوسپارلار مەن بەلگٸلٸ بٸر ەدٸستەمەلەر اياسىندا جٷزەگە اسىرادى.
مەملەكەتتٸك كوميسسييانىڭ جۇمىسىن جٷيەلٸ ۇيىمداستىرۋ ٷشٸن ەلٸمٸزدٸڭ بارلىق ايماقتارىندا ساياسي قۋعىن-سٷرگٸن قۇرباندارىن تولىق اقتاۋ جٶنٸندەگٸ ٶڭٸرلٸك كوميسسييالار قۇرىلدى. ولاردى وبلىستارداعى ەكٸمدەردٸڭ ورىنباسارلارى باسقارادى جەنە قۇرامىندا عالىمدار, كٶرنەكتٸ قوعام قايراتكەرلەرٸ جەنە مەملەكەتتٸك ورگاندار مەن ۇيىمداردىڭ ٶكٸلدەرٸ بار.
بٸلٸم جەنە عىلىم مينيسترٸ ا.ايماعامبەتوۆ مەجٸلٸس بارىسىندا جۇمىس توپتارىنىڭ بارلىق مٷشەلەرٸ جابىق جەنە ارنايى ارحيۆتەردە جۇمىس ٸستەۋگە رۇقسات العانىن اتاپ ٶتتٸ. عالىمداردىڭ جالاقىسى مەن بارلىق ەلەۋمەتتٸك تٶلەمدەرٸ ساقتالا وتىرىپ, جوعارى وقۋ ورىندارى مەن عىلىمي-زەرتتەۋ ينستيتۋتتارىنداعى نەگٸزگٸ جۇمىستارىنان ۋاقىتشا بوساتىلدى.
مەدەنيەت جەنە سپورت مينيسترٸ ا.رايىمقۇلوۆا ساياسي قۋعىن-سٷرگٸن مەسەلەلەرٸ جٶنٸندەگٸ ارنايى ارحيۆ قورىن جەنە ۇلتتىق جاد ينستيتۋتىن قۇرۋ جۇمىستارى تۋرالى ايتتى.
وتىرىس بارىسىندا ساياسي قۋعىن-سٷرگٸن جٶنٸندەگٸ جابىق ارحيۆ قورلارىن جان-جاقتى زەردەلەۋ جەنە ولاردى كەزەڭ-كەزەڭٸمەن قۇپيياسىزداندىرۋ ٷشٸن شاعىن كوميسسييا قۇرۋ جٶنٸندە شەشٸم قابىلداندى.
جيىن قورىتىندىسى بويىنشا مەملەكەتتٸك حاتشى ۆەدومستۆولىق جەنە مەملەكەتتٸك ارحيۆتەردٸڭ قىزمەتٸن جەتٸلدٸرۋگە, ارحيۆتەردەگٸ عالىمدار مەن زەرتتەۋشٸلەردٸڭ جۇمىسى ٷشٸن قولايلى جاعداي جاساۋعا باعىتتالعان بٸرقاتار تاپسىرما بەردٸ. ٶڭٸرلٸك كوميسسييالاردىڭ قىزمەتٸن جانداندىرىپ, ولاردىڭ قىزمەتٸن قارجىلاندىرۋ, سونداي-اق, مەملەكەتتٸك كوميسسييا قىزمەتٸنٸڭ اقپاراتتىق ستراتەگيياسىن قالىپتاستىرۋ مٸندەتتەرٸ بەلگٸلەندٸ.
