قر مەملەكەتتٸك حاتشىسى, ەبۋ ناسىر ەل-فارابيدٸڭ 1150 جىلدىعىنا دايىندالۋ جەنە ونى ٶتكٸزۋ جٶنٸندەگٸ مەملەكەتتٸك كوميسسييانىڭ تٶراعاسى قىرىمبەك كٶشەرباەۆ الماتىداعى ەل-فارابي حالىقارالىق ورتالىعىندا عۇلامانىڭ مەرەيتويلىق جىلىنىڭ قورىتىندى شارالارىنا قاتىستى. بۇل تۋرالى اقوردا حابارلادى.
شارا اياسىندا بەلگٸلٸ عالىم-فارابيتانۋشى اقجان ماشانيدٸڭ بيۋستٸن اشۋ سالتاناتى, بٸرەگەي «ەل-فارابي» ەنتسيكلوپەديياسىنىڭ تۇساۋكەسەرٸ جەنە ەلٸمٸزدٸڭ جەتەكشٸ فارابيتانۋشى عالىمدارىمەن كەزدەسۋ ٶتتٸ.
مەملەكەتتٸك حاتشى تانىمال عالىم اقجان ماشانيدٸڭ بيۋستٸنٸڭ اشىلۋ سالتاناتىندا سٶيلەگەن قۇتتىقتاۋ سٶزٸندە ادامزاتتىڭ ەكٸنشٸ ۇستازى ەبۋ ناسىر ەل-فارابيدٸڭ قازاقستان اۋماعىنداعى وتىراردا, بٸر كەزدەرٸ فارابي دەپ اتالعان قازاقستان مەن ورتالىق ازييانىڭ ەجەلگٸ مەدەني ورتالىعىندا, دٷنيەگە كەلگەنٸن عىلىمي تۇرعىدان بٷكٸل ەلەمگە دەلەلدەگەن قازاقستاندىق فارابيتانۋ مەكتەبٸنٸڭ نەگٸزٸن قالاعان تۇلعانىڭ ەرەكشە ٷلەسٸن اتاپ ٶتتٸ. وسىدان جارتى عاسىر بۇرىن يۋنەسكو اياسىندا ەل-فارابيدٸڭ 1100 جىلدىعىنا ارنالعان حالىقارالىق فورۋمدى قازاقستاندا ٶتكٸزۋ تۋرالى شەشٸمنٸڭ قابىلدانۋى قازاقستاندىق عالىمنىڭ باعا جەتپەس ەڭبەگٸنٸڭ مويىندالۋىنىڭ تاعى بٸر كٶرٸنٸسٸ بولدى. بۇل جيىن 1975 جىلى الماتى قالاسىندا ٶتتٸ.
كەزدەسۋدٸ اشقان قىرىمبەك كٶشەرباەۆ ەل-فارابيدٸڭ 1150 جىلدىق مەرەيتويىنىڭ كەيبٸر قورىتىندىلارىن شىعارىپ, پاندەميياعا قاراماستان قازاقستاندىق فارابيتانۋشى عالىمدار مەن عىلىمي قاۋىمداستىقتار ۇلى عالىمنىڭ مۇراسىن ەل ٸشٸندە جەنە بٷكٸل ەلەمدە كەڭٸنەن ناسيحاتتاپ, دەرٸپتەۋ ٷشٸن كٶپتەگەن جۇمىس اتقارعانىن ايتتى.
مەرەيتويلىق ٸس-شارالارعا قاتىسۋعا حالىقارالىق قوعامداستىق جەنە اكادەمييالىق ۇيىمدار كەڭ اۋقىمدا تارتىلدى, ولاردىڭ ٸشٸندە بۇۇ مەن يۋنەسكو, يىۇ, تٷركسوي, ديپلوماتييالىق ميسسييالاردىڭ ٶكٸلدەرٸ, سونداي-اق شەتەلدٸك جەتەكشٸ فارابيتانۋشى عالىمدار بار. شەتەلدەگٸ قازاقستاننىڭ ەلشٸلٸكتەرٸمەن جەنە ەل-فارابي ورتالىقتارىنىڭ قولداۋىمەن جەنە جەتەكشٸ شەتەلدٸك ۋنيۆەرسيتەتتەرمەن بٸرلەسٸپ – وكسفورد ۋنيۆەرسيتەتٸ, ا.دجاۆاحارلال نەرۋ ۋنيۆەرسيتەتٸ, ستامبۇل ۋنيۆەرسيتەتٸ, كاپوديستري اتىنداعى افينا ۇلتتىق ۋنيۆەرسيتەتٸ, سوفييا ۋنيۆەرسيتەتٸ, داماسك ۋنيۆەرسيتەتٸ, ەگيپەت ۋنيۆەرسيتەتٸ جەنە باسقا ۋنيۆەرسيتەتتەردٸڭ قاتىسۋىمەن بٸرقاتار حالىقارالىق كونفەرەنتسييالار ٶتكٸزٸلدٸ. ەل-فارابيدٸڭ مەرەيتويى ٷندٸستان, سينگاپۋر, مالايزييا جەنە يندونەزييادا اتالىپ ٶتتٸ. حالىقارالىق ٸس-شارالارعا ەلەمنٸڭ 50 ەلٸنەن 5 مىڭنان استام ادام قامتىلدى, ولاردىڭ ٸشٸندە اقش, گەرمانييا, فرانتسييا, جاپونييا, قىتاي جەنە ت.ب. مەملەكەتتەر بار.
رەسپۋبليكادا ونلاين رەجيمدە 26-دان استام كونفەرەنتسييا, دٶڭگەلەك ٷستەلدەر مەن عىلىمي سەمينارلار ٶتتٸ. مەسەلەن, ەلەۋمەتتٸك جەلٸلەردە اشىق الاڭدا «پاراساتتىلىق ساعاتى» جالپىۇلتتىق اكتسيياسى, «ەل-فارابي جەنە قايىرىمدى قوعام» اتتى ۆيدەودەرٸس جەنە «ەكٸنشٸ ۇستاز» ونلاين ۆەب-سەمينارلار سەريياسى ٶتتٸ. «قايىرىمدى قوعام» چەللەندجٸنە ەلەمنٸڭ 7 ەلٸنەن كەلگەن شەتەلدٸك ستۋدەنتتەرمەن قوسا, قازاقستانداعى جوعارى وقۋ ورىندارىنىڭ 14 مىڭعا جۋىق ستۋدەنتٸ قاتىستى. «ەل-فارابي» حالىقارالىق پەندٸك وليمپياداسىنا الىس جەنە جاقىن شەتەلدەردٸڭ 10 ەلٸنەن 9,5 مىڭنان استام مەكتەپ وقۋشىسى قاتىستى. وليمپيادا جەڭٸمپازدارىنا ەل-فارابي اتىنداعى قازۇۋ-دا وقۋ ٷشٸن 39 بٸلٸم گرانتى بٶلٸندٸ.
سونىمەن قاتار, ەل-فارابيگە ارنالعان 7 مونوگرافييا, ەل-فارابيدٸڭ دەيەكسٶزدەر جيناعى, سونىمەن قاتار «قايىرىمدىلىق» ويلارى مەن ناقىل سٶزدەر جيناعى قازاق, ورىس جەنە اعىلشىن تٸلدەرٸندە جارىق كٶردٸ. ەل-فارابيدٸڭ بۇرىن جارييالانباعان ٷش تراكتاتى اراب تٸلٸنەن قازاق تٸلٸنە اۋدارىلدى.
كەزدەسۋ اياسىندا ەلەمدە تۇڭعىش رەت جارىق كٶرگەن «ەل-فارابي» ەنتسيكلوپەديياسىنىڭ تۇساۋكەسەر رەسٸمٸ ٶتكٸزٸلدٸ. بۇل ٸس-شارا دٶڭگەلەك ٷستەل فورماتىندا قازاقتىڭ ۇلى اقىنى, ويشىل ابايدىڭ 175 جىلدىعىنا وراي اشىلعان اباي زالىندا ٶتتٸ.
شارا سوڭىندا قىرىمبەك كٶشەرباەۆ قازاقستاندىق عالىمدارعا قاجىماس عىلىمي ٸزدەنٸستەرٸ ٷشٸن العىسىن بٸلدٸرٸپ, ولارعا جاڭا تابىس جەنە وتاندىق عىلىم مەن قازاقستاننىڭ يگٸلٸگٸ ٷشٸن زور جەتٸستٸك تٸلەدٸ.
مەملەكەتتٸك حاتشى الماتىعا جۇمىس ساپارى بارىسىندا بيىل تۋعانىنا 185 جىل تولعان العاشقى قازاق عالىمى, تاريحشى, ەتنوگراف, فولكلورتانۋشى, ساياحاتشى, اعارتۋشى جەنە شىعىستانۋشى شوقان ۋەليحانوۆتىڭ ەسكەرتكٸشٸنە گٷل شوعىن قويدى.
ەسكە سالايىق, سونداي-اق بٷگٸن قىرىمبەك كٶشەرباەۆ عالىمداردىڭ شاعىن ورتاسىندا كٶرنەكتٸ وتاندىق عالىمداردى, قر ۇلتتىق عىلىم اكادەميياسىنىڭ اكادەميكتەرٸن: قوعام قايراتكەرٸ, ابايتانۋشى, فيلولوگييا عىلىمدارىنىڭ دوكتورى, پروفەسسور مەكەمتاس مىرزاحمەتوۆتٸ جەنە تۇڭعىش قازاق انتروپولوگى, ۇلتتىق انتروپولوگييا مەكتەبٸنٸڭ نەگٸزٸن قالاۋشى, تاريح عىلىمدارىنىڭ دوكتورى ورازاق يسماعۇلوۆتى 90 جىلدىق مەرەيتويلارىمەن قۇتتىقتادى.
