بٸشكەكتٸڭ پەرۆوماي اۋداندىق سوتى 2 ماۋسىمدا ەلدٸڭ بۇرىنعى پرەمەر-مينيسترٸ ٶمٸربەك بابانوۆقا بۇلتارتپاس شاراسىن قولدانۋ تۋرالى شەشٸم قابىلدادى. ول ۇلتتىق قاۋٸپسٸزدٸك جٶنٸندەگٸ مەملەكەتتٸك كوميتەتتٸڭ تەرگەۋ يزولياتورىنا ەكٸ ايعا قامالدى. بۇل تۋرالى ازاتتىقتىڭ قىرعىز قىزمەتٸ حابارلادى.
بۇعان دەيٸن سۋديا ەكس-پرەمەردٸڭ زاڭدى ۇستالعانىن اتاپ ٶتٸپ, قورعاۋ تارابىنىڭ سۋديانى اۋىستىرۋ تۋرالى ٶتٸنٸشٸن قاناعاتتاندىرماعان.
بابانوۆتىڭ ٶزٸ تاعىلعان ايىپتاردى "ساندىراق" دەپ اتاعان.
31 مامىردا مەملەكەتتٸك ۇقك بۇرىنعى پرەمەر-مينيستر ٶمٸربەك بابانوۆتى ۇستاعان. كوميتەتتٸڭ باسپاسٶز قىزمەتٸنٸڭ حابارلاۋىنشا, وعان "قۇمتٶر" جوباسىمەن بايلانىستى جەمقورلىق بابى بويىنشا ايىپ تاعىلعان.
"قۇمتٶر ٸسٸ" بويىنشا سونىمەن بٸرگە جوگوركۋ كەڭەش دەپۋتاتتارى اسىلبەك جەەنبەكوۆ, توروباي زۋلپۋكاروۆ, ەكس-دەپۋتاتتار ىسقاق پيرماتوۆ پەن تالانتبەك ۋزاكباەۆ تا ۇستالدى. ولار دا ەكٸ ايعا قامالعان.
"رەسپۋبليكا" پارتيياسىنىڭ قۇرۋشىسى جەنە ەكس-ليدەرٸ بابانوۆ 2011-2012 جىلدارى قىرعىزستان پرەمەرٸ بولعان. 2017 جىلى پرەزيدەنت سايلاۋىنا قاتىسىپ, ەكٸنشٸ ورىن العان. سايلاۋدان سوڭ ول ساياسي كارەراسىن اياقتايتىنىن ايتىپ, مەسكەۋگە كەتكەن ەدٸ. 2019 جىلى تامىزدا ول قىرعىزستانعا ورالعان.
بابانوۆ قىرعىزستانعا كەلگەن سوڭ ۇقك مەن قارجى پوليتسيياسىنا بٸرنەشە رەت تەرگەۋگە شاقىرىلعان. 2020 جىلى 29 تامىزدا كەزەكتٸ تەرگەۋدەن كەيٸن ول ازاتتىقتىڭ قىرعىز قىزمەتٸنە "سەگٸز قىلمىستىق ٸس بويىنشا جاۋاپ بەرٸپ جاتقانىن" ايتقان. بيىل ناۋرىزدا ۇقمك بابانوۆقا قاتىستى قوزعالعان ٸس توقتاتقانىن, ول مەملەكەتكە قولداۋ رەتٸندە 100 ملن سوم اۋدارعانىن مەلٸمدەگەن.
