قىرعىزستاندا بولعان جويقىن سەلدەن قازا تاپقاندار ٸشٸندە قازاقستاندىق ەكٸ بالا بارى انىقتالدى. سونداي-اق تاعى ەكٸ بالا جوعالىپ كەتكەن, دەپ حابارلايدى "ۇلت اقپارات" قازاقستاننىڭ سىرتقى ٸستەر مينيسترلٸگٸنە سٸلتەمە جاساپ.
"28 ماۋسىمدا قىرعىزستاندا نٶسەر جاۋىن-شاشىن بولۋىنا بايلانىستى وش وبلىسىنىڭ نووكات اۋدانىندا جويقىن سەل تاسقىنى ٶتٸپ, ونىڭ سالدارىنان تۇرعىندار مەن تۋريستەر اراسىندا زارداپ شەككەندەر بار. قىرعىزستاننىڭ تٶتەنشە جاعداي مينيسترلٸگٸنٸڭ الدىن الا بەرگەن اقپاراتى بويىنشا, قازا تاپقانداردىڭ اراسىندا قازاقستاننىڭ كەمەلەتكە تولماعان ازاماتتارى بار. قازٸرگٸ تاڭدا ەكٸ بالانىڭ دەنەسٸ تابىلىپ, تاعى ەكەۋٸن ٸزدەۋ جۇمىستارى جالعاسىپ جاتىر", - دەلٸنگەن حاباردا.
تابيعي اپات ورنىندا قىرعىز تاراپىنىڭ قۇتقارۋ قىزمەتتەرٸ جۇمىس ٸستەپ جاتقانى ايتىلادى.
"قازاقستاندىق ديپلوماتتار جەرگٸلٸكتٸ بيلٸكپەن تۇراقتى بايلانىستا. بٸزدٸڭ قىرعىزستانداعى ەلشٸلٸگٸمٸز قايتىس بولعان بالالاردىڭ تۋىستارىنا بارلىق قاجەتتٸ كٶمەك كٶرسەتٸپ جاتىر. بۇل قايعىلى وقيعا قر سىرتقى ٸستەر مينيسترلٸگٸنٸڭ ەرەكشە باقىلاۋىندا. وسىعان بايلانىستى قازاقستان سىرتقى ٸستەر مينيسترٸ مۇرات نۇرتٸلەۋ قىرعىزستان سٸم باسشىسى جەەنبەك كۋلۋباەۆپەن تەلەفون ارقىلى سٶيلەسٸپ, تٶتەنشە جاعدايدىڭ مەن-جايىن جەنە ەكٸ ەلدٸڭ تيٸستٸ مەملەكەتتٸك ورگاندارىنىڭ ٶزارا ٸس-قيمىلىن تالقىلادى", - دەلٸنگەن سٸم حابارىندا.
قىرعىز پرەزيدەنتٸ سادىر جاپاروۆ باتكەن, وش جەنە جالال-اباد وبلىستارىندا جٷرگەن سەلدٸڭ سالدارىنان قازا تاپقانداردىڭ تۋىستارىنا كٶڭٸل ايتقانى حابارلاندى.
"سەلدٸڭ سالدارىنان ادام شىعىنى تۋرالى حاباردى اۋىر قابىلدادىق. مۇنداي وقيعالار قايتالانباۋى ٷشٸن قۇدايعا دۇعا ەتەيٸك", - دەدٸ كٶرشٸ ەلدٸڭ باسشىسى.
ول سونداي-اق بەيٸندٸ مينيسترلٸك پەن جەرگٸلٸكتٸ بيلٸك العاشقى مينۋتتاردان باستاپ بارىنشا كٷش سالعانىن ايتتى, دەپ حابارلادى 24.kg.
ايتا كەتەيٸك, بۇعان دەيٸن قىرعىزستاننىڭ نوقاتىندا جويقىن سەل بولىپ, بەس ادام قازا تاپقانى حابارلانعان.
