قىرعىزستان ۇلتتىق قاۋٸپسٸزدٸك جٶنٸندەگٸ مەملەكەتتٸك كوميتەتٸ بۇرىنعى پرەمەر-مينيستر مۋحاممەدكالىي ابىلگازيەۆتٸ ۇستادى. بۇل تۋرالى قۇپييا دەرەككٶزگە سٷيەنگەن ازاتتىقتىڭ قىرعىز قىزمەتٸ حابارلادى.
اقپاراتقا قاراعاندا, ابىلگازيەۆ 26 قاڭتاردا ۇلتتىق قاۋٸپسٸزدٸك كوميتەتٸنە شاقىرتىلىپ, ٸزٸنشە قاماۋعا الىنعان. بۇرىنعى پرەمەر-مينيستر "زاڭسىز جولدارمەن بايىدى" دەگەن كٷدٸككە ٸلٸنٸپ وتىر.
كەي مەلٸمەت بويىنشا, ابىلگازيەۆ ٷستٸنەن قوزعالعان قىلمىستىق ٸس قۇمتٶر كەنٸشٸن يگەرۋ بويىنشا جاسالعان سوڭعى كەلٸسٸممەن بايلانىستى بولۋى مٷمكٸن.
قىرعىزستان ۇلتتىق قاۋٸپسٸزدٸك جٶنٸندەگٸ مەملەكەتتٸك كوميتەتٸ ابىلگازيەۆتٸڭ ۇستالۋىنا بايلانىستى تٷسٸنٸكتەمە بەرمەدٸ.
53 جاستاعى مۋحاممەدكالىي ابىلگازيەۆ 2018-2020 جىلدارى ٷكٸمەتتٸ باسقارعان. بىلتىر 15 ماۋسىمدا - ەلدە كوروناۆيرۋس ٸندەتٸ كٷشەيٸپ تۇرعان تۇستا قىزمەتٸنەن كەتتٸ.
20 قازاندا قارجى پوليتسيياسى بۇرىنعى پرەمەر-مينيسترگە ەلدەن كەتۋگە تىيىم سالىنعانىن حابارلادى. بٸراق ناقتى قاي ٸسكە بايلانىستى شەكتەۋ قويىلعانىن ناقتىلامادى. ەرتەسٸندە تەرگەۋگە شاقىرىلدى.
