قىرعىز رەسپۋبليكاسىنىڭ ەكونوميكا مينيسترٸ پاۆلودار وبلىسى پوليتسييا دەپارتامەنتٸنٸڭ جەكە قۇرامىنا العىس جولدادى. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز ايتىپ بەردٸ, دەپ حابارلايدى قازاقپارات.
«حاتتا جٷك كٶلٸگٸن تٸزگٸندەگەن قىرعىز رەسپۋبليكاسى ازاماتىنىڭ قاتتى ايازدا شٸدەرتٸ كەنتٸنٸڭ ماڭىنداعى تاس جولدا تۇرىپ قالعانى, وعان پوليتسەيلەردٸڭ كٶمەككە كەلگەنٸ ايتىلعان. «پوليتسييا پودپولكوۆنيگٸ جاقسىلىق بايىسبەكوۆ, اعا لەيتەنانتتار ازامات شاقشاباەۆ پەن رۋسلان ۆەرەششاكتىڭ ادامگەرشٸلٸگٸ مەن قىزمەتٸنٸنە دەگەن ادالدىعى ادام ٶمٸرٸن قۇتقارۋعا سەبەپ بولدى. ولار ٶزدەرٸنە جٷكتەلگەن مٸندەتتەردٸ ابىرويمەن اتقاردى» دەپ اتاپ ٶتكەن», - دەيدٸ نۇردٸلدە وراز مينيسترلٸكتە ٶتكەن ونلاين بريفينگٸدە.
وقيعانى قىسقاشا بايانداپ ٶتسەك, قازگيدرومەت ورتالىعىنىڭ - 43 گرادۋسقا دەيٸنگٸ قاتتى اياز بولاتىنى تۋرالى ەسكەرتۋگە قاراماستان, جٷرگٸزۋشٸ رەسەي فەدەراتسيياسىنان قىرعىزستان رەسپۋبليكاسىنا جٷك اۆتوموبيلٸمەن جولعا شىققان. بٸراق اۋا رايىنىڭ قولايسىزدىعىنان ماشيناداعى جانارماي قاتىپ قالعان.
«وسىنداي قيىن جاعدايدا جٷرگٸزۋشٸنٸ قاتتى ٷسٸك شالۋى مٷمكٸن ەدٸ. الايدا, جول بويىندا تۇرعان جٷك كٶلٸگٸن سول جەردە قىزمەت اتقارىپ جٷرگەن پوليتسەيلەر بايقاپ, بٸردەن كٶمەككە كەلگەن. ولار ٷلكەن جٷكتٸ جىلى بوكسقا اپارىپ, جٷرگٸزۋشٸگە جىلىنۋعا كٶمەكتەسكەن. كٶلٸك اقاۋى جٶندەلگەن سوڭ جٷرگٸزۋشٸ قايتا جولعا اتتانعان», - دەيدٸ رەسمي ٶكٸل.
جىل باسىنان بەرٸ اۋا رايىنىڭ قولايسىزدىعىنان اۆتوموبيل جولدارىنداعى كٶلٸك قۇرالدارى قوزعالىسىنىنا 100-دەن استام شەكتەۋ قويىلدى. اتاپ ايتقاندا, اقمولا, قاراعاندى, شىعىس قازاقستان, قوستاناي, پاۆلودار جەنە الماتى وبلىستارىندا كٶلٸك قوزعالىسىنا شەكتەۋ ەنگٸزٸلدٸ.
شەكتەۋ كەزٸندە جول بەلگٸلەرٸ مەن قورشاۋلار قويىلدى. قولايسىز اۋا رايى جاعدايلارىندا جول قاۋٸپسٸزدٸگٸن قامتاماسىز ەتۋ, قيىن جاعدايعا تاپ بولعان ادامدارعا كٶمەك كٶرسەتۋ ٷشٸن پاترۋلدٸك پوليتسييا جاساقتارى كەزەكشٸلٸك ەتتٸ. وسى كەزەڭدە قار قۇرساۋىنان 50-گە جۋىق اۆتوكٶلٸك شىعارىلعان.
«ٸٸم قىس مەزگٸلٸندە اۋا-رايىنىڭ قوزعالىس رەجيمدەرٸنە ەسەر ەتەتٸنٸن, جاۋىن-شاشىن كەزٸندە زاتتاردىڭ كٶرٸنۋٸ ناشارلايتىنىن ەسكەرۋ كەرەكتٸگٸن ەسكە سالادى. جٷرگٸزۋشٸلەر اۋا-رايى جاعدايلارىن ەسكەرٸپ, قاۋٸپسٸز جىلدامدىقتى جەنە اۆتوموبيلدەر اراسىنداعى قاشىقتىقتى ساقتاۋ قاجەت», - دەيدٸ ن. وراز.
