قىرعىزستان رەسپۋبليكاسى دەنساۋلىق ساقتاۋ مينيسترلٸگٸنٸڭ مەلٸمەتٸنشە, قىرعىزستان مەن تەجٸكستان شەكاراسىنداعى قاقتىعىس كەزٸندە جەتٸ ادام زارداپ شەككەن. بۇل تۋرالى قازاقپارات كابار اگەنتتٸگٸنە سٸلتەمە جاساپ حابارلايدى.
باتكەن وبلىسىنداعى اۋرۋحاناعا تاعى ٷش زارداپ شەگۋشٸ جەتكٸزٸلدٸ. ەكەۋٸ تٷرلٸ جاراقات العان, تاعى بٸرەۋٸنە وق تيگەن. زارداپ شەگۋشٸلەردٸڭ جاعدايى ورتاشا اۋىر. بارلىعى 7 ادام زارداپ شەكتٸ.
بۇعان دەيٸن قىرعىزستاننىڭ مۇقك شەكارا قىزمەتٸنەن حابارلانعانداي, تەجٸكستاننىڭ شەكاراشىلارى 27 قاڭتاردا ساعات 17:30-دان 18:00-گە دەيٸن قىرعىزستاننىڭ باتكەن اۋدانى تٶرت-كٶچٶ ەلدٸ مەكەنٸندەگٸ باتكەن-يسفانا جول ۋچاسكەسٸن جاۋىپ تاستاعان. وقيعا ورنىنا قىرعىزستان مۇقك شق باتكەن وبلىستىق باسقارماسىنىڭ باستىعى, پولكوۆنيك كىيالبەك تولونباەۆ پەن باتكەن شەكارا جاساعىنىڭ باستىعى پولكوۆنيك رۋستام ميرشاكيروۆ بارعان. كەلٸسسٶزدەر نەتيجەسٸندە جول ۋچاسكەسٸ 19:30-دا قايتا اشىلدى.
«الايدا, 19:35-تە تەجٸك تاراپى باتكەن اۋدانى چىر-دوبو ەلدٸ مەكەنٸندە قىرعىزستان مۇقك شق شەكارا جاساعىنا قارسى قارۋ قولدانىپ, وق اتۋىنا بايلانىستى جاعداي قيىنداعان. قىرعىزستان مەن تەجٸكستان شەكارا جاساعى اراسىنداعى نەگٸزگٸ قاقتىعىس تورت-كوچو مەن چىر-دوبو ەلدٸ مەكەندەرٸندە جٷرٸپ جاتىر. تەجٸكستان تاراپى مينومەتتەر مەن گراناتوميوت قولدانۋدا», - دەدٸ قىرعىزستان شەكارا قىزمەتٸنەن.
2022 جىلدىڭ 28 قاڭتارىنداعى ساعات 08:00-دەگٸ جاعداي بويىنشا, قىرعىزستان-تەجٸكستان شەكاراسىنداعى ساماركاندىك, تٶرت-كٶچٶ, كٶك-تاش, داحما, كٶچٶ-بويۋ مەن گولوۆنوي ەلدٸ مەكەندەرٸندە جاعداي تۇراقتى دەپ حابارلاندى.
