قىرعىزستان ۇقمك باسشىسى قامشىبەك تاشيەۆ پەن تەجٸكستان ۇقمك جەتەكشٸسٸ سايمۋمين ياتيموۆ 16 قىركٷيەك ساعات 16-دان باستاپ اتىستى توقتاتۋ تۋرالى كەلٸسمٸگە كەلدٸ. اقپاراتتى قىرعىزستان ۇقمك راستادى, دەپ جازدى "ۇلت اقپارات" ازاتتىققا سٸلتەمە جاساپ.
كەلٸسسٶز قىرعىزستان, ٶزبەكستان جەنە تەجٸكستان شەكاراسىندا ٶتكەن.
16 قىركٷيەكتە تاڭەرتەڭ قىرعىزستان مەن تەجٸكستان شەكاراسىندا جاعداي قايتا ۋشىققان ەدٸ. تاراپتار جاعدايعا بٸرٸن-بٸرٸ كٸنەلادى.
قىرعىز جاعى قاقتىعىس سالدارىنان 42 ادامنىڭ زارداپ شەككەنٸن مەلٸمدەدٸ. Reuters اگەنتتٸگٸ بٸر تەجٸك تۇرعىنىنىڭ قازا بولعانىن, بٸرنەشە ادامنىڭ جارالانعانىن جازدى. ەزٸرگە قازا بولعاندار مەن جارالانعاندار تۋرالى رەسمي اقپارات جارييالانعان جوق.
جۇما كٷنٸ كٷندٸز قىرعىزستاننىڭ باتكەن جەنە لەيلەك اۋداندارىندا قىزۋ شايقاس جٷرٸپ جاتقانى, باتكەن قالاسىنداعى ازاماتتىق نىساندارعا سنارياد تٷسكەنٸ حابارلانعان. اقپارات قۇرالدارىنىڭ حابارلاۋىنشا, بٸرقاتار تەجٸك اۋىلىندا دا ٶرت بولعان.
قىرعىزستان تٶتەنشە جاعداي مينيسترلٸگٸ باتكەن وبلىسىنداعى شەكاراعا جاقىن اۋدانداردان تۇرعىنداردى ەۆاكۋاتسييالاعان. حالىقتى ۋاقىتشا قونىستاندىراتىن بٸرنەشە پۋنكت اشىلعان.
ايتا كەتەيٸك, ەكٸ كٷن بۇرىن قىرعىز-تەجٸك شەكاراسىندا اتىس بولىپ, كەمٸندە بٸر ادامنىڭ قازا بولعانى, بٸرنەشە ادامنىڭ جارالانعانى حابارلانعان. تاراپتار وقيعاعا بٸر-بٸرٸن كٸنەلاعان.
تەجٸكستان مەن قىرعىزستان اراسىنداعى 970 كيلومەتر شەكارانىڭ 519 شاقىرىمى كەلٸسٸلگەن, قالعان بٶلٸگٸ ەلٸ ناقتىلانعان جوق. قىرعىزدىڭ باتكەن وبلىسى مەن تەجٸكستاننىڭ سوعدى وبلىسى اراسىنداعى داۋلى جەردە اۋىلدار, كەي تۇسىندا ەكٸ ەلدٸڭ تۇرعىندارىنىڭ ٷيلەرٸ قوڭسى ورنالاسقاندىقتان ول جەردە شەكارانى ناقتىلاپ, بەلگٸلەۋ قيىندىق تۋعىزعان. سونىڭ سالدارىنان كٶرشٸ ەكٸ ەلدٸڭ تۇرعىندارى مەن شەكاراشىلارى اراسىندا سۋعا, جەرگە تالاس جيٸ بولىپ تۇرادى. كەيدە جانجال بارىسىندا قارۋ قولدانىلىپ, ادام ٶلٸمٸنە ۇلاسادى.
