8 قاراشا كٷنٸ تٷسكە دەيٸن قىرعىزستاننىڭ قازاقستانمەن شەكاراسىنداعى "اق-تٸلەك" تەكسەرۋ جەنە ٶتكٸزۋ بەكەتٸندە 40 شاقتى جٷك كٶلٸگٸ تۇرعان. قىرعىزستاننىڭ مەملەكەتتٸك شەكارا قىزمەتٸنٸڭ ازاتتىقتتىڭ قىرعىز رەداكتسيياسىنا حابارلاۋىنشا, سوڭعى بٸرنەشە كٷندە بەكەتتەگٸ كەزەك بٸرنەشە ەسە ازايعان.
ۆەدومستۆو مەلٸمەتٸنشە, 5 قاراشا - جەكسەنبٸدە قازاقستاندىق شەكاراشىلار "اق-تٸلەكتەن" 195 جٷك كٶلٸگٸن ٶتكٸزگەن. قازاقستان شەكارادا تەكسەرۋدٸ كٷشەيتكەن 10 قازاننان بەرٸ مۇنشالىقتى كٶپ جٷك كٶلٸگٸن ٶتكٸزبەگەن.
"قازاقستان تاراپىنىڭ قاداعالاۋى ٶزگەرگەن جوق. كەزەك شەكاراشىلار قىرعىز پرەمەر-ميينسترٸ ساپار يساكوۆ استانادا قازاقستان پرەمەر-مينيسترٸمەن كەزدەسۋٸندە كەلٸسكەندەي بوس جٷك كٶلٸكتەرٸن تەكسەرۋسٸز ٶتكٸزٸپ جاتقاندىقتان ازايىپ وتىر. ورتاشا ەسەپپەن العاندا, شەكارادا تۇرعان 50 جٷك كٶلٸگٸنٸڭ 20-سى بوس. ولاردى تەكسەرۋسٸز ٶتكٸزٸپ جاتىر" دەپ حابارلادى شەكارا قىزمەتٸ.
ۆەدومستۆو "اق-تٸلەكتەگٸ" كەزەكتٸڭ ازايۋىنىڭ تاعى بٸر ىقتيمال سەبەبٸ ٶندٸرۋشٸلەر مەن كەسٸپكەرلەردٸڭ تاۋارىن ٶتكٸزۋدٸڭ باسقا جولدارىن ٸزدەستٸرۋٸندە بولۋى مٷمكٸن ەكەنٸن ايتادى.
وسى اپتا باستالعالى بەرٸ "اق-تٸلەكتەگٸ" كەزەك بٸرنەشە ەسەگە ازايعان. 6 قاراشا كٷنٸ كٷندٸز بەكەتتە بارلىعى 30 جٷك كٶلٸگٸ بولعان.
سونىمەن قاتار "اق-جول" بەكەتٸندە دە كەزەك بايقالمايدى. مۇندا نەگٸزٸنەن جولاۋشىلار كٶلٸكتەرٸ, اۆتوبۋستار, تاكسيلەر مەن جەكە ادامدار ٶتەدٸ. بٸراق جاعداي تٷستەن كەيٸن ٶزگەرۋٸ مٷمكٸن. سەبەبٸ كەيٸر كٷندەرٸ "اق-جولدا" ساعات 11 مەن 17 اراسىندا 200-گە دەيٸن ادام كەزەكتە تۇرادى.
تالاس وبلىسىنداعى "چون-كاپكا" بەكەتٸندە 90-عا جۋىق جٷك كٶلٸگٸ مەن جەڭٸل كٶلٸك تۇر. شۋ وبلىسىنداعى "چالدىبار" بەكەتٸندە كەزەك جوق.
7 قازاندا قىرعىزستان پرەزيدەنتٸ المازبەك اتامباەۆ پرەزيدەنتتٸككە كەيبٸر كانديداتتار مەن قازاقستان بيلٸگٸنٸڭ اتىنا قاتار سىن ايتقان. وسىدان كٶپ ۇزاماي, 10 قازاندا قازاقستان قىرعىزستانمەن شەكارادا تەكسەرۋدٸ كٷشەيتٸپ, شەكارانىڭ قىرعىز جاعىندا جٷك كٶلٸكتەرٸنٸڭ كەزەگٸ پايدا بولعان. تاراپتار 19 قازاننان باستاپ جولاۋشىلار كٶلٸگٸ مەن جٷگٸ بار جولاۋشىلاردى ٶتكٸزۋدٸ جەڭٸلدەتۋگە كەلٸسكەن بولاتىن.
استانا شەكاراداعى تەكسەرۋدٸ قىرعىزستاننان كەلەتٸن "كونتراباندامەن كٷرەسۋ ٷشٸن" كٷشەيتكەنٸن ايتادى. بٸشكەك قازاقستان شەكارادا "قولدان كەدەرگٸ جاساپ وتىرعانىن" ايتادى.
