قىرعىزستان پارلامەنتٸنٸڭ دەپۋتاتى يسحاك ماساليەۆ بٸشكەك جىلۋ ەلەكتر ستانتسيياسىن (جەس) مودەرنيزاتسييالاۋ جوباسىن قارجىلاندىرۋ جايىن تەرگەۋ اياسىندا ەكس-پرەزيدەنت المازبەك اتامباەۆتى قىلمىستىق قۋدالاۋدان بوساتۋ قۇقىعىنان ايىرۋدى ۇسىندى. ونىڭ سٶزٸنشە, دەپۋتاتتىق كوميسسييا قورىتىندىسىندا بٸرنەشە مەملەكەتتٸك شەنەۋنٸك پەن دەپۋتات بار.
"ەكس-پرەزيدەنت المازبەك اتامباەۆتى قىلمىستىق قۋدالاۋدان بوساتاتىن قۇقىعىنان ايىرۋدى ۇسىنامىن. ول زاڭ الدىندا بارلىعى تەڭ ەكەنٸن, قاجەت بولسا جاۋاپكەرشٸلٸكتٸ موينىنا الۋعا دايىن ەكەنٸن تالاي رەت ايتتى. سوندىقتان وسىنداي ۇسىنىس بٸلدٸرەمٸن. بٸز بۇل مەسەلەنٸ قۇقىق قورعاۋ ورگاندارىنىڭ ٶزٸ شەشۋٸنە مٷمكٸندٸك بەرۋٸمٸز كەرەك. ەگەر تازا بولسا, تازا دەپ ايتۋىمىز كەرەك. تازا بولماسا, جاۋاپقا تارتۋىمىز كەرەك. ەگەر نەگٸزگٸ كٸنەلٸنٸ تاپساق, بۇرىنعى پرەمەرلەر ٷندەمەي قالعانىن ٶزدەرٸ ايتادى. 6 جىلدا جەتٸ پرەمەر بولسا, قايسىسىنان سۇرايمىز?" دەدٸ ماساليەۆ پارلامەنت وتىرىسىندا.
پارلامەنت 10 مامىر كٷنٸ بٸشكەك جەس-ٸندەگٸ اپات سەبەبٸن جەنە ونى مودەرنيزاتسييالاۋعا بٶلٸنگەن قارجىنىڭ ورىندى جۇمسالعانىن تەكسەرەتٸن دەپۋتاتتىق كوميسسييا قورىتىندىسىن قارادى. وتىرىسقا بۇرىنعى پرەمەرلەر جانتورو ساتىبالديەۆ, تەمٸر ساريەۆ پەن ساپار يساكوۆ قاتىستى.
2013 جىلى قىرعىزستان قىتايدىڭ ەكسيمبانكٸنەن بٸشكەك جەس-ٸن مودەرنازييالاۋعا 386 ميلليون دوللار نەسيە العان. مودەرنيزاتسييا 2017 جىلى اياقتالعان. 2018 جىلدىڭ 26 قاڭتارىندا جەس-تە اپات بولىپ, قالانىڭ كٶپ بٶلٸگٸ جىلۋسىز قالعان.
