قىرعىزستان دەنساۋلىق ساقتاۋ جەنە ەلەۋمەتتٸك دامۋ مينيسترٸ الىمكادىر بەيشەناليەۆ 16 سەۋٸر كٷنگٸ باسپاسٶز جيىنىندا جۋرناليستەردٸڭ كٶزٸنشە ۋقورعاسىن تامىرىنىڭ (ىستىقكٶل تامىرى نەمەسە اكونيت) تۇنباسىن ٸشتٸ. ونىڭ الدىندا مينيستر قازٸرگٸ پرەزيدەنت سادىر جاپاروۆتىڭ بىلتىر كوروناۆيرۋس ٸندەتٸ باستالىپ جاتقان شاقتا سول كەزدەگٸ باسشى سوورونباي جەەنبەكوۆكە حات جازىپ, ىستىقكٶل تامىرىنىڭ شيپالى قاسيەتٸ جايلى ايتقانىن جەتكٸزدٸ. مينيستردٸڭ ايتۋىنشا, جاپاروۆ اتالعان ٶسٸمدٸكتٸڭ تامىرى كوروناۆيرۋستى دا ەمدەيتٸنٸن جازعان.
بەيشەناليەۆتٸڭ سٶزٸنە قاراعاندا, قازٸرگٸ پرەزيدەنتكە تامىردى قالاي قولدانۋ كەرەكتٸگٸن ەكەسٸ ٷيرەتكەن.
"ول ماعان قايىرىلدى. ول كەزدە مەن مينيستر ەمەس, قاراپايىم دەرٸگەر بولاتىنمىن. تۇنبانى تۋىستارىما بەرٸپ, سىناپ كٶردٸم, ولاردىڭ جاعدايى تەۋٸرلەدٸ. سوسىن سادىر نۇرعوجاۇلىنا (جاپاروۆ) قايىرىلىپ, بٸزگە كوروناۆيرۋستى ەمدەۋمەن كٷرەسۋگە كٶمەكتەسۋٸن سۇرادىم. بٸزدٸڭ جٸگٸتتەر سول تامىردى ٸزدەپ, جيناپ جاتىر, وسىندا دەرٸ جاسايمىز. ىستىقكٶل تامىرىن قايناتىپ, تۇنباسىن پاتسيەنتتەرگە بەردٸك. كوروناۆيرۋستىڭ جەڭٸل تٷرٸنە شالدىققاندار سونى ٸشكەننەن كەيٸن بٸردەن ساۋىعىپ كەتتٸ. اۋىر تٷرٸنە شالدىققاندار تۇنبانى بٸرنەشە كٷن ٸشٸپ جٷردٸ. ونى ىستىقتاي ٸشۋ كەرەك" دەدٸ مينيستر.
ول وسىنداي ەدٸسپەن شامامەن 300 پاتسيەنتتٸڭ ەمدەلٸپ شىققانىن جەنە ونىڭ دوزاسىن بٸر عانا ادام – پرەزيدەنت سادىر جاپاروۆ بٸلەتٸنٸن ايتتى.
بۇدان سوڭ مينيستر تٸكەلەي ەفيردە شەينەكتەن سۇيىقتىق قۇيىپ ٸشتٸ. مينيستردٸڭ ايتۋىنشا, ول ىستىقكٶل تامىرىنىڭ تۇنباسىن قابىلداعان.
ساراپشىلار اتالعان ٶسٸمدٸكتٸڭ ٶتە ۋلى ەكەنٸن جەنە ونى تٸپتٸ دەنە سىرتىنا دا جاعۋعا بولمايتىنىن ايتادى.
دٷنيەجٷزٸلٸك دەنساۋلىق ساقتاۋ ۇيىمى بەيشەناليەۆتٸڭ مەلٸمدەمەسٸنە ساقتىقپەن قاراپ, Aconítum soongáricum (ىستىقكٶل تامىرى نەمەسە ۋقورعاسىن) دەرٸسٸنٸڭ كوروناۆيرۋس بويىنشا تيٸمدٸلٸگٸ مەن قاۋٸپسٸزدٸگٸ جٶنٸندە مەلٸمەتٸ جوعىن ايتتى. ددسۇ كلينيكالىق سىناقتان ٶتپەگەن پرەپاراتتىڭ تٸركەلمەيتٸنٸن جەنە حالىققا پايدالانۋعا ۇسىنىلمايتىنىن ەسكەرتتٸ.
