7 تامىز كٷنٸ قىرعىزستاننىڭ بۇرىنعى پرەزيدەنتٸ المازبەك اتامباەۆتىڭ ٷيٸندە بولعان وقيعالاردان كەيٸن بٷگٸن قىرعىزستان باس پروكۋراتۋراسى «جاپپاي تەرتٸپسٸزدٸكتەر», «بۇزاقىلىق», «ادام ٶلتٸرۋ», «ادامدى كەپٸلگە الۋ» باپتارىمەن سوتقا دەيٸنگٸ تەرگەۋ امالدارىن باستاعانىن مەلٸمدەدٸ, دەپ حابارلايدى «قازاقپارات».
ايتا كەتەيٸك, بٷگٸن قىرعىزستانعا 9 تامىز كٷنٸ شولپان اتادا بولاتىن ەاەو ەلدەرٸنٸڭ ٷكٸمەت باسشىلارى كەزدەسۋٸنە رەسمي دەلەگاتسييالار كەلەدٸ. «ەلدەگٸ وقيعالارعا قاراماستان, ەۋرازييا ٷكٸمەتارالىق كەڭەسٸ بەلگٸلەنگەن ۋاقىتىندا ٶتەدٸ», - دەپ مەلٸمدەدٸ قىرعىز رەسپۋبليكاسى پرەمەر-مينيسترٸنٸڭ باسپاسٶز حاتشىسى ەدٸلەت سۇلتاناليەۆ.
اتامباەۆتى ارنايى ۇستاۋ شاراسى ىستىقكٶلدەگٸ تۋريزم ماۋسىمىنان قىزعان شاعىندا ٸسكە اسىرىلۋدا. وسىعان وراي قىرعىزستان تۋريزم دەپارتامەنتٸنٸڭ ديرەكتورى ماكسات دامير ۋۋلۋ تۋروپەراتورلارعا ٷندەۋ تاستادى:
«ەگەر سٸزدەردە بٸشكەك اۋماعىندا قاۋٸپسٸزدٸگٸن قامتاماسىز ەتۋ قاجەت تۋريستەر توبى بولسا, ماعان حابارلاسىڭىزدار... جول قوزعالىسى قاۋٸپسٸزدٸگٸن قامتاماسىز ەتۋ باس بارقارماسىمەن بٸرگە ونى ۇيىمداستىرۋعا ەرەكەت جاسايمىز», - دەدٸ ول.
بٸشكەك ٸشكٸ ٸستەر باس باسقارماسىنىڭ مەلٸمدەۋٸنشە, بٸشكەك ميليتسيياسىنىڭ جەكە قۇرامى ازاماتتار مەن استانا قوناقتارىنىڭ قوعامدىق قاۋٸپسٸزدٸگٸن قامتاماسىز ەتۋ قىزمەتٸن شتاتتىق رەجيمدە ورىنداپ وتىر. قازٸرگٸ كەزدە قالاداعى جاعداي قالىپتى, ميليتسييا قىزمەتكەرلەرٸنٸڭ باقىلاۋىندا.
