قىرعىز-تەجٸك شەكاراسىنا جاقىن اۋىل. كٶرنەكٸ سۋرەت.
10 ناۋرىزدا قىرعىزستاننىڭ باتكەن وبلىسىنىڭ قىرعىز-تەجٸك شەكاراسى ماڭىندا اتىس بولدى. بۇل تۋرالى قىرعىزستاننىڭ ۇلتتىق قاۋٸپسٸزدٸك جٶنٸندەگٸ مەملەكەتتٸك كوميتەتٸ حابارلادى, دەپ جازادى ازاتتىق.
رەسمي مەلٸمەتكە قاراعاندا, ساعات 10:50-دە شەكاراداعى مەرتەبەسٸ انىقتالماعان تەسكەي دەپ اتالاتىن جەردە تەجٸكستاننىڭ شەكارا وتريادى "بۇعان دەيٸن بەلگٸلەنگەن قوزعالىس باعىتىن بۇزىپ, شەكارا كٷزەتٸنٸڭ جاڭا مەجەسٸنە ٶتٸپ, سول جەردەگٸ قىرعىز شەكاراشىلارىنان كەتۋٸن تالاپ ەتكەن".
قىرعىزستان شەكارا قىزمەتٸنٸڭ مەلٸمەتٸنشە, تەجٸك شەكاراشىلارىنا قوسىمشا كٷش كەلگەن سول ولار جاڭا مەجەگە ٶتۋگە تالپىندى.
"الايدا قىرعىز شەكاراشىلارى تەجٸكستان جاۋىنگەرلەرٸنە جول بەرمەدٸ. اتىس شامامەن 10 مينۋتقا سوزىلدى. اتىستان قىرعىز جاعىنان ەشكٸم زارداپ شەكپەدٸ" دەپ حابارلادى ۇقمك شەكارا قىزمەتٸ.
ازاتتىق راديوسى تەجٸك قىزمەتٸنٸڭ يسفاراداعى دەرەككٶزٸنٸڭ حابارلاۋىنشا, اتىستان جارالانعاندار بار. يسفارا اۋرۋحاناسىنداعى دەرٸگەرلەرلەر دە بۇل اقپاراتتى راستادى, بٸراق تەجٸكستاننىڭ رەسمي بيلٸگٸ ەزٸرگە مەلٸمەت تاراتقان جوق.
چوركۋ اۋىلى تۇرعىندارى مەن يسفارا قالاسى ەكٸمدٸگٸندەگٸ دەرەككٶزدەردٸڭ ايتۋىنشا, وقيعا №4 قۇس شارۋاشىلىعى كووپەراتيۆٸنٸڭ ماڭىندا بولعان.
"وقيعا تەجٸك شەكاراشىلارى اۋىسقان ۋاقىتتا بولدى. جاڭالارى كەلگەن ۋاقىتتا قىرعىز شەكاراشىلارى بٸزدٸكٸلەردٸ بالاعاتتاپ, ودان سوڭ ەسكەرتۋسٸز وق اتا باستادى. شەكاراشىلارىمىزدىڭ بٸرٸ سول جەردە وپات بولدى, تاعى بٸر شارۋا جارالاندى" دەيدٸ دەرەككٶز.
يسفارا تۇرعىندارىنىڭ ايتۋىنشا, جول اشىق بولعانىمەن حوجاي االو مەن ۆورۋحقا قاراي ەشكٸم جٷرٸپ جاتقان جوق. قىرعىز ەسكەرٸ جوعارى دەڭگەيدەگٸ دايىندىقپەن تۇر.
مەلٸمەتتەرگە قاراعاندا, شەكاراداعى وقيعادان سوڭ ەكٸ ەلدٸڭ شەكاراشىلارى تەلەفونمەن سٶيلەسٸپ, شەكارا كٷزەتٸن وقيعا بولعان جەردەن الىپ كەتۋگە كەلٸستٸ. ساعات 11:45-تە قىرعىزستان مەن تەجٸكستان شەكاراشىلارى كەلٸسسٶز جٷرگٸزە باستادى.
قىرعىز-تەجٸك شەكاراسى 970 شاقىرىمعا سوزىلىپ جاتىر, سونىڭ 519 شاقىرىمىنىڭ عانا مەرتەبەسٸ انىقتالعان. شەكارانىڭ بەكٸتٸلمەگەن جەرٸندە جەر, سۋ ٷشٸن جيٸ جانجال بولىپ تۇرادى.
